ಸಚಿನ್ ತೆಂಡೂಲ್ಕರ್ ಸೆಕೆಂಡ್ ಇನ್ನಿಂಗ್ಸ್: ಸಚಿನ್ 100MB ಆಪ್..!

ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದಾರೆ, ಅದು ಗಾಯಕನಾಗಿ. ತಮ್ಮದೇ ಆಪ್ ಬಿಡುಗೆಡೆ ಮಾಡಿರುವ ಸಚಿನ್, '100MB ಆಪ್' ಗಾಗಿ ಪ್ರೋಮೊಷನ್ ಹಾಡನ್ನು ಹಾಡುವ ಮೂಲಕ ತಾವು ಗಾಯಕರು ಎಂಬುದನ್ನು ಜಗತ್ತಿಗೆ ತೋರಿಸಿದ್ದಾರೆ.

ಓದಿರಿ: ಗೂಗಲ್ ನಿಂದ ತಿಂಗಳಿಗೆ 10GB ಡೇಟಾ: ಗೂಗಲ್ ಪ್ಲಾನ್ ಏನು..?

ಇಷ್ಟು ದಿನ ಬ್ಯಾಟ್ ಬೀಸುತ್ತಿದ್ದ ಸಚಿನ್, ಈಗ ಸಿನಿಮಾ, ಹಾಡು ಶುರು ಮಾಡಿಕೊಂಡಿದ್ದಾರೆ. ಸದ್ಯ ತಮ್ಮ ಅಭಿಮಾನಿಗಳಿಗಾಗಿ '100MB ಆಪ್ ಬಿಡುಗಡೆ ಮಾಡಿದ್ದಾರೆ. ಇತ್ತಿಚೀನ ದಿನಗಳಲ್ಲಿ ಸೆಲೆಬ್ರಿಟಿಗಳು ತಮ್ಮದೇ ಆಪ್ ಬಿಡುಗಡೆ ಮಾಡುತ್ತಿದ್ದು, ಈ ನಿಟ್ಟಿನಲ್ಲಿ ಸಚಿನ್ ಸಹ ತಮ್ಮದೇ ಆಪ್ ಬಿಡುಗಡೆ ಮಾಡುವ ಮೂಲಕ ತಮ್ಮ ಅಭಿಮಾನಿಗಳೊಂದಿಗೆ ಸೇರಲು ಮುಂದಾಗಿದ್ದಾರೆ.

ಫುಣೆ ಮೂಲದ ಡಿಜಿಟಲ್ ಮಿಡೀಯಾ ಅಂಡ್ ಎಂಟರ್‌ಟೆನ್ ಮೆಂಟ್ ಗ್ರೂಪ್ ಈ '100MB ಆಪ್' ಅಭಿವೃದ್ದಿ ಮಾಡಿದ್ದು, ಸದ್ಯ ಈ ಆಪ್ ಆಂಡ್ರಾಯ್ಡ್ ಮತ್ತು ಐಎಸ್ಓಗಳಲ್ಲಿ ಬಳಕೆ ಲಭ್ಯವಿದ್ದು, ಪ್ಲೇ ಸ್ಟೋರ್ ಮತ್ತು ಆಪ್ ಸ್ಟೋರ್‌ಗಳಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ.

ಓದಿರಿ: ಜಿಯೋ ಸಮ್ಮರ್ ಸರ್‌ಪ್ರೈಸ್: ಮತ್ತೆ ಮೂರು ತಿಂಗಳು ಉಚಿತ ಸೇವೆ ಪಡೆದುಕೊಳ್ಳುವುದು ಹೇಗೆ..?

ಈ ಮೊಬೈಲ್ ಆಪ್ ಸಚಿನ್ ಫ್ಯಾನ್‌ಗಳಿಗಾಗಿಯೇ ನಿರ್ಮಾಣ ಮಾಡಲಾಗಿದ್ದು, ಇದರಲ್ಲಿ ಸಚಿನ್ ಜೀವನ ಕುರಿತ ಎಲ್ಲಾ ಮಾಹಿತಿಗಳು ಲಭ್ಯವಾಗಲಿದೆ ಎನ್ನಲಾಗಿದೆ. ಸಚಿನ್ ಕ್ರಿಕೆಟ್ ಜೀವನದ ಎಲ್ಲಾ ಅಂಕಿ-ಅಂಶಗಳು ಇದರಲ್ಲಿ ಅಡಕವಾಗಿದೆ ಎಂದು ಹೇಳಲಾಗಿದೆ.

ಈ ಆಪ್ ಪ್ರೋಮೊಷನ್‌ಗಾಗಿ ಸಚಿನ್-ಸೋನು ನಿಗಮ್ ಜೊತೆಯಾಗಿ ಹಾಡೊಂದನ್ನು ಹಾಡಿದ್ದಾರೆ. ಇದು ಸಹ ಯೂಟೂಬ್‌ನಲ್ಲಿ ಸಖತ್ ಹಿಟ್ ಆಗಿದೆ. ಈ ಆಪ್‌ನಲ್ಲಿ ಬಳಕೆದಾರಿಗಾಗಿ ಕ್ವಿಜ್ ಗಳಿರಲಿದ್ದು, ರನ್ ಗಳಿಸಬಹುದಾಗಿದೆ. ಈ ಆಪ್ 8MB ಗಾತ್ರದಲ್ಲಿದೆ ಎನ್ನಲಾಗಿದೆ.