ಮೈಕ್ರೋಸಾಫ್ಟಿನ ಹೊಸ ಕ್ಲೌಡ್ ಸೇವೆ - ಡೈನಮಿಕ್ 365 - ಬಗ್ಗೆ ನಿಮಗೆ ಗೊತ್ತಿರಬೇಕಾದ ಐದು ಸಂಗತಿಗಳು.

ಏನಿದು ಮೈಕ್ರೋಸಾಫ್ಟ್ ಡೈನಮಿಕ್ಸ್ 365?

ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಒಂದು ಕ್ಲೌಡ್ ಸೇವೆ. ಇದರಲ್ಲಿ ಕಸ್ಟಮರ್ ರಿಲೇಷನ್ ಶಿಪ್ ಮ್ಯಾನೇಜ್ ಮೆಂಟ್ ಸಾಫ್ಟ್ ವೇರ್ (ಸಿ.ಆರ್.ಎಂ) ಮತ್ತು ಎಂಟರ್ ಪ್ರೈಸ್ ರಿಸೋರ್ಸ್ ಮ್ಯಾನೇಜ್ ಮೆಂಟ್ ಸಾಫ್ಟ್ ವೇರ್ (ಇ.ಆರ್.ಪಿ) ಜೊತೆಯಾಗಿದೆ.

ಮೈಕ್ರೋಸಾಫ್ಟ್ ಡೈನಮಿಕ್ಸ್ ಪೂರ್ಣ ಪ್ರಮಾಣದ ಸಾಫ್ಟ್ ವೇರ್ ಸೇವೆಗಳನ್ನು ನೀಡಲಿದೆ, ಉದ್ದಿಮೆದಾರರಿಗೆ ಮತ್ತು ಗ್ರಾಹಕರಿಗೆ ಇದರಿಂದ ಅನುಕೂಲವಾಗಲಿದೆ. ಗ್ರಾಹಕರ ಜೊತೆಗೆ ಸಂವಹನವನ್ನು ಉತ್ತಮಗೊಳಿಸಲು ಮತ್ತು ಮಾಹಿತಿಯನ್ನು ಹಂಚಿಕೊಳ್ಳಲು ಉದ್ದಿಮೆದಾರರಿಗೆ ಸಾಧ್ಯವಾಗಲಿದೆ.

ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಏನು ಮಾಡುತ್ತದೆ?

ಉದ್ದಿಮೆಯ ಅಗತ್ಯಗಳಾದ ಸೇಲ್ಸ್ ಆಟೋಮೇಷನ್, ಗ್ರಾಹಕ ಸೇವೆಯನ್ನು ಮೈಕ್ರೋಸಾಫ್ಟ್ ನ ಹೊಸ ಕ್ಲೌಡ್ ಸೇವೆ ಸುಲಭವಾಗಿಸುತ್ತದೆ. ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಉತ್ಪಾದನೆ ಮತ್ತು ಉತ್ಪನ್ನದ ಹಂಚಿಕೆಯ ನಡುವಿನ ಬಂಧವನ್ನು ಸುಲಭವಾಗಿಸುತ್ತದೆ, ಸೇವೆಯನ್ನು ಮತ್ತಷ್ಟು ದಕ್ಷವಾಗಿಸುತ್ತದೆ, ಮಾರಾಟ ಹೆಚ್ಚುತ್ತದೆ ಮತ್ತು ಗ್ರಾಹಕ ಸ್ನೇಹಿಯಾಗುತ್ತದೆ.

ಓದಿರಿ:ರಿಲಾಯನ್ಸ್ ಜಿಯೋ ಗ್ರಾಹಕರಿಗೆ ಶಾಕಿಂಗ್ ನ್ಯೂಸ್: ವೆಲ್ಕಮ್ ಆಫರ್ ಡಿಸೆಂಬರ್ 3 ಕ್ಕೆ ಅಂತ್ಯ

ಇತರೆ ಸೇವೆಗಳ ಜೊತೆಗೆ ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಕಾರ್ಯನಿರ್ವಹಿಸುತ್ತದೆ.

ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಮೈಕ್ರೋಸಾಫ್ಟ್ ಆಫೀಸ್, ಸ್ಕೈಪ್ ಮತ್ತು ಯಾಮರ್ ಜೊತೆ ನಿರಂತರ ಸಂಪರ್ಕದಲ್ಲಿದ್ದು ಕಾರ್ಯನಿರ್ವಹಿಸುತ್ತದೆ, ನಿಮ್ಮ ಕಾರ್ಪೊರೇಟ್ ತಂಡಗಳೊಡನೆ ನಿರಂತರ ಸಂಪರ್ಕದಲ್ಲಿರಬಹುದು. ಉದ್ದಿಮೆಗಳಿಗೆ ಈ ದಿನಗಳಲ್ಲಿ ಅವಶ್ಯಕವಾಗಿರುವ ಸಂಪರ್ಕ ಮತ್ತು ಸಂವಹನವನ್ನು ಯಾವುದೇ ಸಾಧನದ ಮೂಲಕ ಮಾಡುವುದಕ್ಕೆ ಸಾಧ್ಯವಾಗುತ್ತದೆ.

ಎರಡು ಆವೃತ್ತಿಗಳು.

ಮೈಕ್ರೋಸಾಫ್ಟಿನ ಹಿಂದಿನ ಸೇವೆಗಳಂತೆ, ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಎರಡು ಆವೃತ್ತಿಗಳಲ್ಲಿ ಲಭ್ಯವಾಗಲಿದೆ - ಎಂಟರ್ ಪ್ರೈಸ್ ಮತ್ತು ಬ್ಯುಸಿನೆಸ್ - ಒಂದು ಆ್ಯಪ್/ಒಬ್ಬ ಬಳಕೆದಾರರಿಗೆ ಇಷ್ಟೆಂದು ಮೊತ್ತ ಪಾವತಿಸಬೇಕು. ಆ್ಯಪ್ ಆಧಾರಿತವಾಗಿ ಹಣ ನೀಡುವುದರಿಂದ ತಮಗೆ ಬೇಕಾದ ತಂತ್ರಾಂಶಕ್ಕಷ್ಟೇ ಉದ್ದಿಮೆದಾರರು ಹಣ ಪಾವತಿಸಬೇಕು.

ಮೈಕ್ರೋಸಾಫ್ಟಿನ ಪ್ರಕಾರ, ಮೈಕ್ರೋಸಾಫ್ಟ್ ಡೈನಮಿಕ್ಸ್ 365ಗೆ ಈಗಿರುವ ಸಿ.ಆರ್.ಎಂ ಸೇವೆಗೆ ವೆಚ್ಚವಾಗುವ ಹಣಕ್ಕಿಂತ ನಾಲ್ಕರಿಂದ ಐದರಷ್ಟು ಪಟ್ಟು ಕಡಿಮೆ ಹಣ ವ್ಯಯವಾಗುತ್ತದೆ.

ಮೈಕ್ರೋಸಾಫ್ಟ್ ಡೈನಮಿಕ್ಸ್ 365ಗೆ ಇರುವ ಸವಾಲುಗಳು.

ಮೈಕ್ರೋಸಾಫ್ಟ್ ಕಳೆದ ಕೆಲವು ಸಮಯದಿಂದ ಮೈಕ್ರೋಸಾಫ್ಟ್ ಡೈನಮಿಕ್ಸ್ 365 ಕುರಿತು ಕೆಲಸ ಮಾಡುತ್ತಿತ್ತು. ಈಗದು ಸಂಪೂರ್ಣ ಸಿದ್ಧವಾಗಿರುವಾಗ ಈ ಉದ್ದಿಮೆಯಲ್ಲಿ ಜನಪ್ರಿಯ ಕಂಪನಿಗಳಾದ ಸೇಲ್ಸ್ ಫೋರ್ಸ್, ಒರಾಕಲ್ ಮತ್ತು ಎಸ್.ಎ.ಪಿ ಜೊತೆಗೆ ಸ್ಫರ್ಧಿಸಬೇಕು.

ಮೈಕ್ರೋಸಾಫ್ಟ್ ಡೈನಮಿಕ್ಸ್ 365ನ ವಿನ್ಯಾಸವನ್ನು ಫ್ರಂಟ್ ಮತ್ತು ಬ್ಯಾಕ್ ಆಫೀಸ್ ಪ್ರೊಸೆಸಸ್ ಅನ್ನು ನಿಭಾಯಿಸಲು ತಯಾರಿಸಲಾಗಿದೆ ಎಂದು ಕಂಪನಿ ಹೇಳಿಕೊಳ್ಳುತ್ತದೆ.

ನಿಮ್ಮದೇ ಏರ್‌ಟೆಲ್ ಸಂಖ್ಯೆಗೆ 3ಜಿಬಿ "ಫ್ರಿ" ಇಂಟರ್ನೆಟ್ ಪಡೆದುಕೊಳ್ಳಲು ಹೀಗೆ ಮಾಡಿ