ಬಿದ್ದರೂ ಒಡೆಯದ ಟ್ಯೂರಿಂಗ್ ಫೋನ್ ವಿಶೇಷತೆ

By Shwetha

| Published: Thursday, July 16, 2015, 19:28 [IST]

ಆಧುನಿಕ ತಂತ್ರಜ್ಞಾನದ ಮೋಡಿಗೆ ನಿಜವಾಗಲೂ ನಾವು ತಲೆಬಾಗಲೇ ಬೇಕು. ದಿನದಿಂದ ದಿನಕ್ಕೆ ಬಳಕೆದಾರರನ್ನು ಅಚ್ಚರಿಯ ಕೂಪಕ್ಕೆ ತಳ್ಳುತ್ತಿರುವ ವಿಸ್ಮಯ ಲೋಕ ಇದಾಗಿದೆ. ಒಂದಿಲ್ಲೊಂದು ಅದ್ಭುತಗಳ ಮೂಲಕ ನಮ್ಮನ್ನು ಸಮೀಪಿಸುತ್ತಿರುವ ಈ ಜಗತ್ತನ್ನು ನಾವು ಹೆಚ್ಚು ಮೆಚ್ಚಿಕೊಳ್ಳುತ್ತಿದ್ದೇವೆ.

ಇದನ್ನೂ ಓದಿ: ಫೋನ್ ಅಪ್‌ಡೇಟ್ ಏಕೆ ಮುಖ್ಯ? ಇಲ್ಲಿದೆ ಕಾರಣ

ಇದಕ್ಕೆ ಕಾರಣ ಇಂದಿನ ಲೇಖನದಲ್ಲಿ ನಾವು ವಿಶೇಷವಾಗಿ ನಿಮ್ಮ ಮುಂದೆ ತೆರೆದಿಡುತ್ತಿರುವ ಟ್ಯೂರಿಂಗ್ ಫೋನ್ ರೊಬೋಟಿಕ್ ಕಂಪೆನಿಯ ನಿರ್ಮಾಣವಾಗಿದೆ. ಅತ್ಯುತ್ತಮ ಫೀಚರ್‌ಗಳನ್ನೊಳಗೊಂಡು ಬಂದಿರುವ ಈ ಫೋನ್‌ನ ಭವ್ಯತೆಗೆ ಯಾರು ಕೂಡ ಮೆಚ್ಚಲೇಬೇಕು. ಆಧುನಿಕ ಭದ್ರತಾ ವ್ಯವಸ್ಥೆಯೊಂದಿಗೆ ಬಂದಿರುವ ಈ ಡಿವೈಸ್ ಸುಭದ್ರ ಡಿವೈಸ್ ಆಗಿದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಇದನ್ನೂ ಓದಿ: ಹೊಸ ಸಂಖ್ಯೆಯಿಂದ ಹಳೆಯ ವಾಟ್ಸಾಪ್ ಬಳಸುವುದು ಹೇಗೆ?

ಸುಂದರವಾದ ಆಕಾರ, ವಿನ್ಯಾಸ ಮತ್ತು ಮೋಹಕತೆಯೊಂದಿಗೆ ಈ ಫೋನ್ ಬಂದಿದ್ದು ಖರೀದಿಸುವ ಉತ್ಸಾಹವನ್ನು ಇದು ನಿಮ್ಮಲ್ಲಿ ಉಂಟುಮಾಡುವುದು ಖಂಡಿತ. ಹಾಗಿದ್ದರೆ ಈ ಫೋನ್ ಕುರಿತ ಇನ್ನಷ್ಟು ವಿಶೇಷತೆಗಳನ್ನು ಕೆಳಗಿನ ಸ್ಲೈಡರ್‌ಗಳಿಂದ ಅರಿತುಕೊಳ್ಳಿ.

ಡಿಸ್‌ಪ್ಲೇ

5.5 ಇಂಚಿನ ಸ್ಮಾರ್ಟ್‌ಫೋನ್ ಇದಾಗಿದ್ದು, ಆಂಡ್ರಾಯ್ಡ್ 5.1 ಇದರಲ್ಲಿ ಚಾಲನೆಯಾಗುತ್ತಿದೆ. ಶಾರ್ಪ್ ಕರ್ವ್, ಬಹು ಬಣ್ಣ ಶೇಲ್‌ಗಳನ್ನು ಇದು ಹೊಂದಿದೆ. ಹಿಂಭಾಗದಲ್ಲಿ ಪ್ಯಾಟ್ರನ್ ಅನ್ನು ಇದು ಹೊಂದಿದ್ದು, ಸೊಗಸಾದ ನೋಟವನ್ನು ಇದು ಪಡೆದುಕೊಂಡಿದೆ.