ಉತ್ತಮ ಗುಣಮಟ್ಟ ಮತ್ತು ದೀರ್ಘಕಾಲ ಬಾಳಿಕೆಯ ಉತ್ಪನ್ನಗಳನ್ನು ನೀಡುವಲ್ಲಿ ಹೆಸರುವಾಸಿಯಾಗಿರುವ ಕ್ರಿಯೇಟಿವ್ ಇದೀಗ ಕ್ರಿಯೇಟಿವ್ ಝೆನ್ Fi3 ಮಲ್ಟಿ ಮೀಡಿಯಾ ಪ್ಲೇಯರ್ ಬಿಡುಗಡೆಗೊಳಿಸುತ್ತಿದೆ. ನಿಮ್ಮ ಅಂಗೈ ಗಾತ್ರದ ಈ ಮೀಡಿಯಾ ಪ್ಲೇಯರ್ ನಿಮ್ಮ ಮನ ಗೆಲ್ಲುವುದರಲ್ಲಿ ಸಂಶಯವೇ ಇಲ್ಲ.

ಒಳ್ಳೆ ಲುಕ್ ಮತ್ತು ಚಿಕ್ಕ ಗಾತ್ರದಲ್ಲಿರುವ ಪ್ಲೇಯರ್ ಬ್ಲಾಕ್ ಕಲರ್ ಫಿನಿಶಿಂಗ್ ಹೊಂದಿರುವುದು ಹೆಚ್ಚು ಆಕರ್ಷಿತವಾಗಿದೆ. ಇದರಲ್ಲಿರುವ ಇನ್ನೊಂದು ಆಶ್ಚರ್ಯಕರ ಅಂಶವೆಂದರೆ ಇದರಲ್ಲಿರುವ ಬ್ಲೂಟೂಥ್ ಆಯ್ಕೆ.

ಮೀಡಿಯಾ ಪ್ಲೇಯರ್ ನಲ್ಲಿ apt-x ಕೋಡೆಕ್ ಇರುವುದರಿಂದ ಹೆಚ್ಚು ಆಡಿಯೋ ಸಾಮರ್ಥ್ಯವನ್ನು ನೀವು ನಿರೀಕ್ಷಿಸಬಹುದು. 2 ಇಂಚಿನ ಸ್ಕ್ರೀನ್ ಡಿಸ್ಪ್ಲೇ ಹೊಂದಿರುವ ಮೀಡಿಯಾ ಪ್ಲೇಯರ್ 65*45.5*12.5 ಸುತ್ತಳತೆ ಹೊಂದಿದೆ. ಈ ಮಲ್ಟಿ ಮೀಡಿಯಾ ಪ್ಲೇಯರ್ ಗೆ 32 ಜಿಬಿ ಮೈಕ್ರೊ SD ಕಾರ್ಡ್ ಇದ್ದು, ಹೆಚ್ಚು ಹಾಡು ಮತ್ತು ವಿಡಿಯೋಗಳನ್ನು ಶೇಖರಿಸಲು ಸಾಧ್ಯವಿದೆ.

ಇದು FLAC ಫೈಲ್ಸ್ ಬೆಂಬಲಿತವಾಗಿದ್ದು, ಇದರಲ್ಲಿನ X-Fi ಕ್ರಿಸ್ಟಲೈಸರ್ ಉತ್ತಮ ಗುಣಮಟ್ಟದ ಸಂಗೀತವನ್ನು ಅನುಭವಿಸಲು ಅವಕಾಶ ನೀಡುತ್ತದೆ. ನಿಮ್ಮ ಅನುಕೂಲಕ್ಕೆ ತಕ್ಕಂತೆ 8 ಜಿಬಿ ಮತ್ತು 16 ಜಿಬಿಯ ಆಯ್ಕೆ ಇದರಲ್ಲಿದೆ. WMA, MP3 ಆಡಿಯೋ ಫೈಲ್ಸ್ ಗಳನ್ನಲ್ಲದೆ MPEG4-SP, AVI ಮತ್ತು WMV9 ವಿಡಿಯೋ ಫೈಲ್ಸ್ ಗಳನ್ನೂ ಸಹ ಈ ಮೀಡಿಯಾ ಪ್ಲೇಯರ್ ಬೆಂಬಲಿಸುತ್ತದೆ.

ಇದರಲ್ಲಿ ವಾಯ್ಸ್ ರೆಕಾರ್ಡಿಂಗ್ ಆಯ್ಕೆ ಇದ್ದು, ಗುಣಮಟ್ಟದ ಲೀಥಿಯಂ ಐಯಾನ್ ಬ್ಯಾಟರಿ ಹೊಂದಿದೆ. ಆಡಿಯೋ ಮೋಡ್ ನಲ್ಲಿ 20 ಗಂಟೆ ಮತ್ತು ವಿಡಿಯೋ ಮೋಡ್ ನಲ್ಲಿ 5 ಗಂಟೆ ಬ್ಯಾಟರಿ ಬ್ಯಾಕಪ್ ಹೊಂದಿದೆ ನೀಡುತ್ತದೆ. 8ಜಿಬಿಗೆ 4,000 ರು ಮತ್ತು 16 ಜಿಬಿಗೆ 6000ರು ಎಂದು ಕಂಪನಿ ತಿಳಿಸಿದೆ.