ಚಾರ್ಜರ್ ಬಳಸದೆಯೇ ಫೋನ್ ಚಾರ್ಜ್ ಮಾಡಲು ಟಾಪ್ ವಿಧಾನಗಳು

ಮೂತ್ರದಿಂದ ಫೋನ್ ಚಾರ್ಜ್

ಇಂಗ್ಲೇಡ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಮೂತ್ರವನ್ನು ಶಕ್ತಿಯ ಮೂಲವನ್ನಾಗಿ ಬಳಸಿ ಫೋನ್ ಚಾರ್ಜ್ ಮಾಡುವ ವಿಧಾನವನ್ನು ಪತ್ತೆಹಚ್ಚಿದ್ದಾರೆ. ಮೈಕ್ರೊಬಯಾಲ್ ಫ್ಯುಯೆಲ್ ಸೆಲ್ಸ್ (MFCs) ಮೂಲಕ ಮೂತ್ರ ರವಾನೆಯಾದಾಗ ಇದು ಶಕ್ತಿಯ ಪರ್ಯಾಯ ವಿಧಾನವನ್ನು ನಿರ್ಮಿಸುತ್ತದೆ. ಈ ಸಂಶೋಧನೆ ಯಶಸ್ವಿಯಾಯಿತು ಎಂದಾದಲ್ಲಿ ಮೂತ್ರವನ್ನು ಬಳಸಿ ಫೋನ್ ಚಾರ್ಜ್ ಮಾಡಬಹುದಾಗಿದೆ.

ಗಾಳಿಯನ್ನು ಬಳಸಿ ಫೋನ್ ಚಾರ್ಜ್ ಮಾಡುವುದು

ಶಕ್ತಿಯ ಮೂಲವೇ ಗಾಳಿಯಾಗಿದ್ದು, ಇದನ್ನು ಬಳಸಿ ನಿಮ್ಮ ಫೋನ್ ಅನ್ನು ಚಾರ್ಜ್ ಮಾಡಲು ಬಳಸಬಹುದು. ನೆದರ್‌ಲ್ಯಾಂಡ್ ಸಂಶೋಧಕರು ಐಫ್ಯಾನ್ ಅನ್ನು ತಯಾರಿಸಿದ್ದು, ಐಫೋನ್ ಅನ್ನು ಚಾರ್ಜ್ ಮಾಡಲು ಇದು ಗಾಳಿಯನ್ನು ಬಳಸುತ್ತದೆ. ಐಫೋನ್ 5 ಗಂಟೆಗಳಲ್ಲಿ ಚಾರ್ಜ್ ಅನ್ನು ಪಡೆದುಕೊಳ್ಳುತ್ತದೆ.

ತಂಪು ಪಾನೀಯ

ಚೀನಾದ ವಿನ್ಯಾಸಕಾರರೊಬ್ಬರು ತಂಪು ಪಾನೀಯ ಬಳಸಿ ಫೋನ್ ಚಾರ್ಜ್ ಮಾಡುವ ವಿಧಾನವನ್ನು ಕಂಡುಹುಡುಕಿದ್ದಾರೆ. ಕುಡಿಯುವ ಬದಲಿಗೆ ತಂಪು ಪಾನೀಯವನ್ನು ಒಂದು ವಿಶೇಷ ಕೋಶದಲ್ಲಿ ಹಾಕಬೇಕು. ಇದು ಶಕ್ತಿಯನ್ನು ಉತ್ಪಾದಿಸಿ ನಿಮ್ಮ ಫೋನ್ ಅನ್ನು ಚಾರ್ಜ್ ಮಾಡುತ್ತದೆ.

ಆಹಾರ ಬೇಯಿಸಿ ಫೋನ್ ಚಾರ್ಜ್ ಮಾಡಿ

ಪಾನ್ ಚಾರ್ಜರ್ ಎಂಬ ವಿಧಾನ ಇದಾಗಿದ್ದು ಆಹಾರ ಬೇಯಿಸುವುದರ ಮೂಲಕ ನಿಮ್ಮ ಫೋನ್‌ಗೆ ಚಾರ್ಜ್ ಮಾಡಬಹುದಾಗಿದೆ. ಪ್ಯಾನ್‌ನಲ್ಲಿರುವ 100 ಸೆಲ್ಶಿಯಸ್ ನೀರು ಫೋನ್ ಚಾರ್ಜ್ ಮಾಡುತ್ತದೆ.

ಕಿರುಚುವುದರ ಮೂಲಕ ಫೋನ್ ಚಾರ್ಜ್ ಮಾಡಿ

ದಕ್ಷಿಣ ಕೊರಿಯಾದ ಸಂಶೋಧಕರು ಕಿರುಚುವುದರ ಮೂಲಕ ಫೋನ್ ಚಾರ್ಜ್ ಮಾಡಬಹುದು ಎಂಬುದನ್ನು ಪತ್ತೆಹಚ್ಚಿದ್ದಾರೆ. ನಿಮ್ಮ ಕಿರುಚುವಿಕೆಯಲ್ಲಿ ಉಂಟಾಗುವ ವೈಬ್ರೇಶನ್ ಫೋನ್ ಚಾರ್ಜಿಂಗ್ ಮಾಡಲು ಅನುಕೂಲ ಮಾಡಿಕೊಡುತ್ತದೆ.