ಲಾಲಿಪಪ್‌ಗಿಂತ ಆಂಡ್ರಾಯ್ಡ್ ಎಮ್ ಹೆಚ್ಚು ವಿಶೇಷವಾದುದು ಏಕೆ?

ನೇಟೀವ್ ಫಿಂಗರ್ ಪ್ರಿಂಟ್ ಬೆಂಬಲ

ಬೆರಳಚ್ಚು ಸ್ಕ್ಯಾನರ್ ತಂತ್ರಜ್ಞಾನವನ್ನು ಹೆಚ್ಚಿನ ಡಿವೈಸ್‌ಗಳಲ್ಲಿ ನಾವು ಕಂಡಿದ್ದರೂ ಗೂಗಲ್ ಆಂಡ್ರಾಯ್ಡ್ ಎಮ್‌ನಲ್ಲಿ ಇನ್ನಷ್ಟು ಸುಧಾರಣೆಗಳನ್ನು ತಂದಿದೆ. ನೇಟೀವ್ ಫಿಂಗರ್ ಪ್ರಿಂಟ್ ಬೆಂಬಲವನ್ನು ಇದು ತಂದಿದ್ದು ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್6 ಒದಗಿಸುವ ಅದೇ ವೈಶಿಷ್ಟ್ಯತೆಯನ್ನು ಇದು ನೀಡಲಿದೆ. ಮೊಬೈಲ್ ಪಾವತಿಗಳಿಗೆ ಇದು ಇನ್ನಷ್ಟು ಸರಳ ವಿಧಾನವನ್ನು ಒದಗಿಸಲಿದ್ದು ಆಂಡ್ರಾಯ್ಡ್ ಫೋನ್ ಬಳಕೆದಾರರು ಆಂಡ್ರಾಯ್ಡ್ ಎಮ್ ಅನ್ನು ಬಳಸುವಾಗ ಹೆಚ್ಚಿನ ವ್ಯವಸ್ಥೆಯನ್ನು ಪಡೆದುಕೊಳ್ಳಬಹುದಾಗಿದೆ.

ಆಂಡ್ರಾಯ್ಡ್ ಪೇ

ಲಾಲಿಪಪ್‌ನಲ್ಲಿ ಇರದ ಆಂಡ್ರಾಯ್ಡ್ ಪೇ ಆಂಡ್ರಾಯ್ಡ್ ಎಮ್‌ನಲ್ಲಿದೆ. ಆಂಡ್ರಾಯ್ಡ್ 4.4 ಡಿವೈಸ್‌ಗಳಲ್ಲಿ ಇದನ್ನು ಪೂರ್ವ ಇನ್‌ಸ್ಟಾಲ್ ಮಾಡಿದ್ದು ಎನ್‌ಎಫ್‌ಸಿ ಚಾಲನೆಯಲ್ಲಿರುವ ಕಿಟ್‌ಕ್ಯಾಟ್ ಮತ್ತು ಮೇಲ್ಪಟ್ಟ ಡಿವೈಸ್‌ಗಳಿಗೆ ಅಪ್ಲಿಕೇಶನ್ ತೆರೆಯದೆಯೇ ಬೆಂಬಲವನ್ನೊದಗಿಸಲಿದೆ.

ಸುಧಾರಿತ ಬ್ಯಾಟರಿ ಬಾಳ್ವಿಕೆ

ಡೋಜ್ ಎಂಬ ಫೀಚರ್ ಅನ್ನು ಆಂಡ್ರಾಯ್ಡ್ ಎಮ್‌ನಲ್ಲಿ ನಿಮಗೆ ಕಾಣಬಹುದಾಗಿದ್ದು, ಬ್ಯಾಟರಿ ಬಾಳ್ವಿಕೆಯಲ್ಲಿ ಈ ಫೀಚರ್ ಪಾಲು ಪ್ರಧಾನವಾಗಿದೆ. ಹಿನ್ನಲೆಯಲ್ಲಿ ನಿಮಗೆ ಬೇಡದೇ ಇರುವ ಅಪ್ಲಿಕೇಶನ್ ಚಾಲನೆಯನ್ನು ಇದು ಬಳಕೆಯಲ್ಲಿರುವಾಗ ಮಾತ್ರ ರನ್ ಮಾಡುತ್ತದೆ.

ಚಾರ್ಜಿಂಗ್

ಯುಎಸ್‌ಬಿ ಸಿ ಬೆಂಬಲದೊಂದಿಗೆ ಆಂಡ್ರಾಯ್ಡ್ ಎಮ್ ವೇಗವಾದ ಚಾರ್ಜಿಂಗ್ ಅನ್ನು ತಂದಿದ್ದು ಹೊಸ ಮಾದರಿಯ ಯುಎಸ್‌ಬಿ ಕನೆಕ್ಟರ್ ಅನ್ನು ಬಳಸಿದೆ.

ಅಪ್ಲಿಕೇಶನ್ ಅನುಮತಿಗಳು

ಅಪ್ಲಿಕೇಶನ್ ಅನುಮತಿ ವ್ಯವಸ್ಥೆಗಳಿಗೆ ಹೊಂದುವಂತೆ ಆಂಡ್ರಾಯ್ಡ್ ಎಮ್ ಅನ್ನು ಮರುವಿನ್ಯಾಸಗೊಳಿಸಲಾಗಿದೆ. ಭದ್ರತಾ ಅನುಮತಿಗಳನ್ನು ಸ್ವೀಕರಿಸುವುದು ಇಲ್ಲವೇ ನಿರಾಕರಿಸುವುದನ್ನು ಇದರಲ್ಲಿ ನಿರ್ವಹಸಿಬಹುದಾಗಿದೆ. ನಿಮಗೆ ಅಂಗೀಕರಿಸಲು ಇಷ್ಟವಾಗಿಲ್ಲದಿರುವ ನಿಯಮಗಳನ್ನು ನಿರಾಕರಿಸಬಹುದಾಗಿದೆ. ನೀವು ಫೀಚರ್ ಬಳಸುವಾಗ ಅನುಮತಿಗಳನ್ನು ಅಪ್ಲಿಕೇಶನ್ ಕೇಳುತ್ತದೆ.

ಹೆಚ್ಚಿನ ಆಂಡ್ರಾಯ್ಡ್ ಎಮ್ ಫೀಚರ್‌ಗಳು

ಪಠ್ಯ ಆಯ್ಕೆ ಹೇಗೆ ಕೆಲಸ ಮಾಡುತ್ತದೆ, ಧ್ವನಿ ನಿಯಂತ್ರಣ ಮೊದಲಾದ ವ್ಯವಸ್ಥೆಗಳನ್ನು ಆಂಡ್ರಾಯ್ಡ್ ಎಮ್ ಉತ್ತಮವಾಗಿ ನಿರ್ವಹಿಸುತ್ತಿದ್ದು ರಿಂಗ್‌ಟೋನ್ ಅಲರಾಮ್ ಮ್ಯೂಸಿಕ್ ಪ್ಲೇಬ್ಯಾಕ್ ಮತ್ತು ಧ್ವನಿ ಕರೆಗಳನ್ನು ಇದು ನಿಯಂತ್ರಿಸುತ್ತದೆ.