ಜಿಯೋಗಿಂತಲೂ ಅಗ್ಗ, ಬಿಎಸ್‌ಎನ್‌ಎಲ್‌ನಿಂದ ಅನಿಯಮಿತ ವಾಯ್ಸ್ ಕರೆಗಳು

ಉಚಿತ ವಾಯ್ಸ್ ಕರೆಗಳು

ಬಿಎಸ್‌ಎನ್‌ಎಲ್ ಪ್ರಸ್ತುತಪಡಿಸುತ್ತಿರುವ ಉತ್ತಮ ಯೋಜನೆ ಇದಾಗಿದೆ. ಜಿಯೋ ಮತ್ತು ಬಿಎಸ್‌ಎನ್‌ಎಲ್ ಕೊಂಚ ಭಿನ್ನವಾಗಿದ್ದು ಬಿಎಸ್‌ಎನ್‌ಎಲ್ ಭಾರತದ ಕೆಲವೊಂದು ನಗರಗಳಲ್ಲಿ 4ಜಿ ಯೋಜನೆಯನ್ನು ಸ್ಥಾಪಿಸಬೇಕಾಗಿದೆ. ಜಿಯೋ ವಾಯ್ಸ್ ಕರೆಗಳಿಗೆ ವೋಲ್ಟ್ ಅನ್ನು ಬಳಸುತ್ತಿದೆ, ಆದರೆ ಇದುವರೆಗೆ ಬಿಎಸ್‌ಎನ್‌ಎಲ್‌ನಿಂದ ಯಾವುದೇ ಮಾಹಿತಿ ಬಂದಿಲ್ಲ.

ವೋಲ್ಟ್‌ನೊಂದಿಗೆ ಯಾವುದೇ ಸಂಘರ್ಷಣೆ ಇಲ್ಲ

ಈ ಹಿಂದೆ ತಿಳಿಸಿದಂತೆ, ವೋಲ್ಟ್‌ನೊಂದಿಗೆ ಜಿಯೋ ವಾಯ್ಸ್ ಕರೆಗಳನ್ನು ಆಫರ್ ಮಾಡುತ್ತಿದೆ. ಆದರೆ ಬಿಎಸ್‌ಎನ್‌ಎಲ್‌ಗೆ ಹೀಗೆ ಮಾಡಲು ಸಾಧ್ಯವೇ ಎಂಬುದಾಗಿ ಹೇಳಲಾಗುವುದಿಲ್ಲ. ಇದಕ್ಕೆ ಬದಲಾಗಿ ಕಂಪೆನಿ ನಿಯಮಿತ ವಾಯ್ಸ್ ಕರೆಗಳನ್ನು ಒದಗಿಸಲಿದೆ.

2ಜಿ ಮತ್ತು 3ಜಿ ಬಳಕೆದಾರರಿಗೆ ಉಚಿತ ಕರೆಗಳು

ಇದು ಉತ್ತಮ ವಿಷಯವಾಗಿದೆ. ಡೇಟಾ ಪ್ಲಾನ್‌ಗಳೊಂದಿಗೆ ಬಿಎಸ್‌ಎನ್‌ಎಲ್ ಉಚಿತ ವಾಯ್ಸ್ ಕರೆಯನ್ನು ಒದಗಿಸುತ್ತಿದೆ ಎಂದಾದಲ್ಲಿ ಇದು 2ಜಿ ಮತ್ತು 3ಜಿ ಬಳಕೆದಾರರಿಗೂ ಲಭ್ಯವಾಗಲಿದೆ. ತಮ್ಮ ಸೌಲಭ್ಯಗಳನ್ನು ವೋಲ್ಟ್‌ಗೆ ಬೆಂಬಲಿಸುವಂತೆ ಕಂಪೆನಿ ಅಪ್‌ಗ್ರೇಡ್ ಮಾಡಿಲ್ಲ.

ಬ್ರಾಡ್‌ಬ್ಯಾಂಡ್ ಬಳಕೆದಾರರಿಗೂ ಇದೇ ಅವಕಾಶ

ಬಿಎಸ್‌ಎನ್‌ಎಲ್ ಡೈರೆಕ್ಟರ್ ಶ್ರೀವಾಸ್ತವ ಹೇಳಿರುವಂತೆ ಹೆಚ್ಚಿನ ಬಳಕೆದಾರರು ತಮ್ಮ ಮನೆಯಲ್ಲೇ ಸಮಯ ಕಳೆಯುತ್ತಿದ್ದಾರೆ ಆದ್ದರಿಂದ ಈ ಆಫರ್ ಬ್ರಾಡ್‌ಬ್ಯಾಂಡ್ ಬಳಕೆದಾರರಿಗೂ ಸಹಾಯಕವಾಗಲಿದೆ.

ರೂ 2-4 ರಿಂದ ಆರಂಭ

ಜಿಯೋಗಿಂತಲೂ ಹೆಚ್ಚು ಸ್ಪರ್ಧಾತ್ಮಕವಾಗಿರಲು ಬಿಎಸ್‌ಎನ್‌ಎಲ್ ಬಯಸಿದ್ದು ತನ್ನ ಜೀರೊ ವಾಯ್ಸ್ ಟಾರಿಫ್ ಯೋಜನೆಗಳನ್ನು ರೂ 2-4 ರವರೆಗೆ ಆರಂಭಿಸುವ ಇರಾದೆಯಲ್ಲಿದೆ. ಜನವರಿ ಆರಂಭದಲ್ಲೇ ಬಿಎಸ್‌ಎನ್‌ಎಲ್ ತಮ್ಮ ಸೇವೆಗಳನ್ನು ಆರಂಭಿಸಲಿದೆ. ಈ ಸಮಯದಲ್ಲಿ ಜಿಯೋದ ವೆಲ್‌ಕಮ್ ಆಫರ್ ಮುಕ್ತಾಯಗೊಳ್ಳುತ್ತದೆ.