ರೆಡ್‌ ಮಿ 4 ದಾಖಲೆಗೆ ನಡುಗಿದೆ ಭಾರತೀಯಾ ಸ್ಮಾರ್ಟ್‌ಫೋನ್‌ ಲೋಕ..! ಏನದು ಅಂತಹ ಸಾಧನೆ...?

ಭಾರತದಲ್ಲಿ ಹ್ಯಾಟ್ರಿಕ್ ಸಾಧಿಸಿದ ಶಿಯೋಮಿ:

ಆನ್‌ಲೈನ್ ಶಾಪಿಂಗ್ ಮಾರುಕಟ್ಟೆಯಲ್ಲಿ ಅದರಲ್ಲೂ ಮೊಬೈಲ್ ಮಾರಾಟದಲ್ಲಿ ಶಿಯೋಮಿಗೆ ಮೊದಲ ಸ್ಥಾನ ಎಂದರೆ ತಪ್ಪಾಗುವುದಿಲ್ಲ. ರೆಡ್‌ಮಿ ನೋಟ್ 4, ರೆಡ್‌ಮಿ 4A ಮತ್ತು ರೆಡ್‌ಮಿ 4 ಸ್ಮಾರ್ಟ್‌ಫೋನ್‌ಗಳು ಭಾರತದಲ್ಲಿ ಲಾಂಚ್ ಆದ ದಿನವೇ ಕೆಲವೇ ನಿಮಿಷಗಳಲ್ಲಿ ತಲಾ 2.5 ಲಕ್ಷ ಪೋನ್‌ಗಳನ್ನು ಮಾರಾಟ ಮಾಡಿ ಹ್ಯಾಟ್ರಿಕ್ ಸಾಧಿಸಿದೆ.

ರೆಡ್‌ಮಿ ನೋಟ್ 4: ಜನವರಿ 23

ಜನವರಿ 23ರಂದು ಭಾರತದಲ್ಲಿ ನಡೆದ ಆನ್‌ಲೈನ್ ಫ್ಲಾಷ್ ಸೇಲ್‌ನಲ್ಲಿ ಶಿಯೋಮಿಯ ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಫೋನ್ 10 ನಿಮಿಷದಲ್ಲಿ 2.5 ಲಕ್ಷ ಪೋನ್‌ಗಳು ಮಾರಾಟವಾಗಿತ್ತು.

ರೆಡ್‌ಮಿ 4A ಮಾರ್ಚ್ 23:

ಮಾರ್ಷ್ 23 ರಂದು ಭಾರತದಲ್ಲಿ ಫ್ಲಾಶ್ ಸೇಲಿನಲ್ಲಿ ಗ್ರಾಹಕರ ಬಳಿಗೆ ಬಂದ ರೆಡ್‌ಮಿ 4A ಕೇವಲ 4 ನಿಮಿಷಗಳಲ್ಲಿ 2.5 ಲಕ್ಷಗಳ ಮಾರಾಟದ ಗಡಿಯನ್ನು ಮುಟ್ಟಿತ್ತು.

ರೆಡ್‌ಮಿ 4 ಮೇ 23:

ಮೇ 23 ರಂದು ಫ್ಲಾಶ್ ಸೇಲಿನಲ್ಲಿ ಮಾರಾಟಗೊಂಡ ರೆಡ್‌ಮಿ 4 ಕೇಲವ 8 ನಿಮಿಷದಲ್ಲಿ 2.5 ಲಕ್ಷ ಫೋನ್ ಗಳು ಗ್ರಾಹಕರ ಕೈ ಸೇರಿತ್ತು. ಈ ಮೂಲಕ ಶಿಯೋಮಿ ಭಾರತದಲ್ಲಿ ಹೊಸ ಭಾಷ್ಯವನ್ನು ಬರೆದಿದೆ.

ಮೊದಲ ದಿನವೇ 12 ಗಂಟೆಯಲ್ಲಿ 5 ಕೋಟಿ ರೂ:

ಮೇ 20ಕ್ಕೆ ರಂದು ಶಿಯೋಮಿ ಬೆಂಗಳೂರಿನ ಫಿನೆಕ್ಸ್ ಮಾಲ್‌ನಲ್ಲಿ ಶಿಯೋಮಿ ತನ್ನ ಮೊದಲ ಮಿ ಹೋಮ್ ಸ್ಟೋರ್ ಆರಂಭಿಸಿತ್ತು. ಈ ಮಳಿಗೆ ಆರಂಭಗೊಂಡ ಕೇವಲ 12 ಗಂಟೆಯಲ್ಲಿ 5 ಕೋಟಿ ರೂ. ಮೌಲ್ಯದ ಉತ್ಪನ್ನಗಳನ್ನು ಮಾರಾಟ ಮಾಡಿತ್ತು, ಈ ಮೂಲಕ ಹೊಸ ಟ್ರೆಂಡ್ ಹುಟ್ಟಿ ಹಾಕಿದೆ.