ಇಂಟರ್‌ನೆಟ್‌ ಬಗ್ಗೆ ನಿಮಗೆಷ್ಟು ಗೊತ್ತು? ಯಾಕೆ ಈ ಲೇಖನವನ್ನು ನೀವು ಓದಲೇಬೇಕು?!!

ಇಂಟರ್‌ನೆಟ್ ಸುಳ್ಳಿನ ಪ್ರಪಂಚ!?

ಆನ್‌ಲೈನ್‌ ಪ್ರಪಂಚದ ಮಾಹಿತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹೇಗೆ ಹರಿದಾಡುತ್ತವೆ ಎಂಬುದರ ಅಧ್ಯಯನ ಮಾಡಿ ಇಂಟರ್‌ನೆಟ್ ಸುಳ್ಳಿನ ಪ್ರಪಂಚ ಎಂಬುದಕ್ಕೆ ಕಾರಣಗಳು ನೀಡಲಾಗಿದೆ. ಆನ್‌ಲೈನ್‌ನಲ್ಲಿರುವ ಬಹುತೇಕ ಎಲ್ಲ ವಿಷಯಗಳು ಸತ್ಯದ ವಿರುದ್ಧವಾಗಿಯೇ ಇದೆ ಎಂದು ಈ ಸಮೀಕ್ಷೆ ತಿಳಿಸಿದ್ದು, ಆನ್‌ಲೈನ್‌ನಲ್ಲಿ ಓದಿದ ಸುದ್ದಿಗಳನ್ನು ಮಾಹಿತಿಯನ್ನು ಇತರರಿಗೆ ಹಂಚಿಕೊಳ್ಳುವಾಗ ಜನರು ವಿವೇಚನೆಯನ್ನು ಬಳಸದೇ. ಜನರು ತಮ್ಮಲ್ಲಿರುವ ಪೂರ್ವಗ್ರಹ ಕಲ್ಪನೆಯಂತೆ ಮತ್ತು ಪಕ್ಷಪಾತಿಯಂತೆ ವರ್ತಿಸುತ್ತಾರೆ ಎಂಬುದು ಈ ಸಮೀಕ್ಷೆಯಲ್ಲಿ ತಿಳಿದಿದೆ.

ತಮ್ಮ ಸಿದ್ಧಾಂತದ ಅಪ್ಪುಗೆ!

ಎಲ್ಲರೂ ತಮ್ಮ ಯೋಚನೆ ಮತ್ತು ತಮ್ಮ ಸಿದ್ಧಾಂತಗಳಿಗೆ ಯಾವ ಮಾಹಿತಿ ಸರಿ ಹೊಂದುತ್ತದೋ ಅವುಗಳನ್ನೇ ಜನರು ಆಯ್ಕೆ ಮಾಡಿಕೊಳ್ಳುತ್ತಾರೆ.ಉದಾಹರಣೆಗೆ, ಫೇಸ್‌ಬುಕ್‌, ಟ್ವಿಟರ್, ಸುದ್ದಿ ಮಾಧ್ಯಮಗಳಲ್ಲಿ ಜನರು ತಮಗೆ ಇಷ್ಟಕ್ಕೆ ವಿರುದ್ಧವಾದ ಸಂಗತಿಗಳನ್ನು ಓದಲು ಇಷ್ಟಪಡುವುದಿಲ್ಲ. ತಮಗೆ ಯಾವುದು ಇಷ್ಟವೂ ಅದನ್ನೇ ಹಂಚಿಕೊಳ್ಳುತ್ತಾರೆ. ಮೋದಿ ಬೆಂಬಲಿಗರು ಮೋದಿಯ ಪರ ಮತ್ತು ರಾಹುಲ್ ಗಾಂಧಿ ಬೆಂಬಲಿಗರು ರಾಹುಲ್ ಗಾಂಧಿಯ ಪರ ಸಿದ್ಧಾಂತದ ಅಪ್ಪುಗೆ ಹೊಂದಿರುವುದನ್ನು ನೀವು ನೋಡಬಹುದು.

ಸುಳ್ಳು ಸುದ್ದಿಗಳನ್ನೇ ಪ್ರಕಟಿಸುವ ಜಾಲತಾಣಗಳಿವೆ!

ಸುಳ್ಳನ್ನೇ ಸೃಷ್ಟಿಸುವ, ಸುಳ್ಳು ಸುದ್ದಿಗಳನ್ನೇ ಪ್ರಕಟಿಸುವ ಹಲವು ಜಾಲತಾಣಗಳು ಇಂಟರ್‌ನೆಟ್‌ನಲ್ಲಿ ಇವೆ ಎಂದು ಸಂಶೋಧನೆ ಮೂಲಕ ತಿಳಿದುಬಂದಿದೆ. ಸುಳ್ಳು ಸುದ್ದಿಗಳನ್ನು ಪ್ರಕಟಿಸುವುದೂ ಈಗ ಉದ್ಯಮವಾಗಿ ಬದಲಾಗಿದೆ. ಫೇಸ್‌ಬುಕ್‌ನಲ್ಲಿನ ರಾಜಕೀಯ ಪುಟಗಳ ಬಗ್ಗೆ ಇತ್ತೀಚೆಗೆ ನಡೆಸಿರುವ ಅಧ್ಯಯನಗಳು ಇವುಗಳನ್ನು ಧೃಡಪಡಿಸಿವೆ.

ದಾರಿತಪ್ಪಿಸುವ ಮಾಹಿತಿಗಳು.

ಎಲ್ಲರೂ ತಮ್ಮ ತಮ್ಮ ಅಭಿರುಚಿಗಳಿಗೆ ತಕ್ಕಂತ ದಾರಿತಪ್ಪಿಸುವ ಮಾಹಿತಿಯನ್ನು ಹೊರಹಾಕುತ್ತಿದ್ದಾರೆ. ಈ ಮಾಹಿತಿಗಳು ಸರಿಯೋ ಅಥವಾ ತಪ್ಪೋ ಎನ್ನುವ ತಿಳಿಯದ ಜನರು ಇವುಗಳಿಗೆ ದಾಸರಾಗಿದ್ದಾರೆ.! ಇಲ್ಲಸಲ್ಲದ ಸುಳ್ಳಿನ ಮಾಹಿತಿಗಳನ್ನು ನೀಡಿ ಕೋಮು ಸಂಘರ್ಷಗಳಿಗೂ ಕಾರಣವಾಗಿರುವ ಉದಾಹರಣೆಗಳು ಸಿಕ್ಕಿವೆ!..ಹಾಗಾಗಿ, ಈ ಮಾಹಿತಿಯನ್ನು ನೀವು ಸಹ ಶೇರ್ ಮಾಡಿ ಸ್ವಸ್ಥಸಮಾಜದ ಎಲ್ಲರಲ್ಲಿಯೂ ಜಾಗೃತಿ ಮೂಡಿಸಿ.