ಟ್ರೂ ಕಾಲರ್ ಇರುವುದೇ ನಮ್ಮ ರಕ್ಷಣೆಗೆ. ಅದೆಷ್ಟೋ ಸಂದರ್ಬದಲ್ಲಿ ಅಪರಿಚಿತ ಕರೆಗಳಿಂದ ಆಗುವ ಕಿರಿಕಿರಿಯನ್ನು ತಪ್ಪಿಸಿದ ಆಪ್ ಇದು. ಇದೀಗ ಈ ಆಪ್ ಮತ್ತಷ್ಟು ಮುಂದುವರಿದಿದ್ದು ಫೇಕ್ ನ್ಯೂಸ್ ಮತ್ತು ಸ್ಪ್ಯಾಮ್ ನ್ಯೂಸ್ ಗಳಿಗೆ ಕಡಿವಾಣ ಹಾಕುವುದಕ್ಕೂ ಮುಂದೆ ಬಂದಿದೆ.
ಮತ್ತೆ ಸಾರ್ವಜನಿಕರ ರಕ್ಷಣೆಗೆ ನಿಂತ ಟ್ರೂಕಾಲರ್:
ಟ್ರೂ ಕಾಲರ್ ಚಾಟ್ ನ ಆಂಡ್ರಾಯ್ಡ್ ಬೇಟಾ ವರ್ಷನ್ ಸದ್ಯ ಲಭ್ಯವಿದ್ದು ಗೂಗಲ್ ಪ್ಲೇ ಸ್ಟೋರ್ ನಲ್ಲಿ ಇನ್ನು ಕೆಲವೇ ವಾರಗಳಲ್ಲಿ ಎಲ್ಲರಿಗೂ ಲಭ್ಯವಾಗುವ ಸಾಧ್ಯತೆ ಇದೆ.
ನಿರ್ಧಾರ ಕೈಗೊಳ್ಳಲು ಸಹಾಯಕ:
ಹೊಸ ಟ್ರೂ ಕಾಲರ್ ಚಾಟ್ ವೈಶಿಷ್ಟ್ಯತೆಯು ಸುಳ್ಳು ಲೇಖನಗಳು, ತಪ್ಪು ಮಾಹಿತಿ ನೀಡುವ ಬ್ಲಾಗ್ ಗಳು ಮತ್ತು ವೈರಸ್ ಅಥವಾ ಇತರೆ ತೊಂದರೆಗಳನ್ನು ನೀಡುವ ವೆಬ್ ಸೈಟ್ ಗಳ ಮಾಹಿತಿ ನೀಡುತ್ತದೆ. ಈ ಮಾಹಿತಿಯು ಪ್ರತಿಯೊಬ್ಬರಿಗೂ ನಿರ್ಧಾರವನ್ನು ಕೈಗೊಳ್ಳುವುದಕ್ಕೆ ಸಹಾಯ ಮಾಡುತ್ತದೆ. ಯಾವುದು ಸತ್ಯ, ಯಾವುದು ಅಸತ್ಯ ಎಂದು ತಿಳಿದು ಸುಳ್ಳು ಸುದ್ಧಿಗಳನ್ನು ಫಾರ್ವರ್ಡ್ ಮಾಡದೇ ಇರಲು ಸಹಾಯಕವಾಗಿರುತ್ತದೆ.
ಇತ್ತೀಚೆಗಷ್ಟೇ ಸುಪ್ರೀಂ ಕೋರ್ಟ್ ಕೂಡ ಸಾಮಾಜಿಕ ಜಾಲತಾಣಗಳಿಗೆ ಸುಳ್ಳು ಸುದ್ದಿಗಳು ಹರಡದಂತೆ ಜಾಗೃತೆ ವಹಿಸುವಂತೆ ಎಚ್ಚರಿಗೆ ನೀಡಿತ್ತು. ಸುಳ್ಳು ಸುದ್ದಿ ರಹಿತ ಸಮಾಜ ನಿರ್ಮಾಣದ ಗುರಿಯನ್ನು ಈ ಫೀಚರ್ ಮೂಲಕ ಹೊಂದಲಾಗಿದೆ ಟ್ರೂ ಕಾಲರ್ ಸಂಸ್ಥೆಯ ಅಭಿಪ್ರಾಯವಾಗಿದೆ.