ವಿಂಡೋಸ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

| Updated: Friday, February 12, 2021, 12:09 [IST]

ಇತ್ತಿಚಿನ ದಿನಗಳಲ್ಲಿ ಲ್ಯಾಪ್‌ಟಾಪ್‌ ಬಳಕೆ ಹೆಚ್ಚಾಗುತ್ತಿದೆ. ಕೊರೊನಾ ಹಾವಳಿ ಶುರುವಾದ ನಂತರ ಮನೆಯಿಂದಲೇ ಕಾರ್ಯನಿರ್ವಹಿಸುವ ಸಂದರ್ಭ ಬಂದ ನಂತರ ಹೆಚ್ಚಿನ ಜನರು ಲ್ಯಾಪ್‌ಟಾಪ್‌ಗಳನ್ನು ಬಳಸುತ್ತಿದ್ದಾರೆ. ಇನ್ನು ನೀವು ಮನೆಯಲ್ಲಿಯೇ ಕುಳಿತು ಕಾರ್ಯನಿರ್ವಹಿಸುತ್ತಿದ್ದು, ಬಹು ಮುಖ್ಯ ಮಾಹಿತಿಯನ್ನು ಸ್ಕ್ರೀನ್‌ಶಾಟ್‌ ತೆಗೆದುಕೊಳ್ಳುವ ಅನಿವಾರ್ಯತೆ ಕೆಲವೊಮ್ಮೆ ಬಂದೆ ಬರುತ್ತೆ. ಕೆಲಸದಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ಸೆರೆಹಿಡಿಯುವುದು ಅತ್ಯಂತ ನಿರ್ಣಾಯಕ ಅಂಶಗಳಲ್ಲಿ ಒಂದಾಗಿದೆ. ಏಕೆ0ದರೆ ನೀವು ವರ್ಚುವಲ್‌ ಮಿಟಿಂಗ್‌ನಲ್ಲಿದ್ದಾಗ ಕೆಲವು ಮುಖ್ಯ ಅಂಶಗಳನ್ನು ಸ್ಕ್ರೀನ್‌ಶಾಟ್‌ ತೆಗೆದುಕೊಳ್ಳುವ ಅವಶ್ಯಕತೆ ಇರಲಿದೆ.

ಹೌದು, ಲ್ಯಾಪ್‌ಟಾಪ್‌ನಲ್ಲಿ ಸ್ಕ್ರೀನ್‌ ಶಾಟ್‌ ತೆಗೆದುಕೊಲ್ಳುವ ಸಂದರ್ಭ ಬಂದಾಗ ಅದನ್ನು ತೆಗೆಯುವುದು ಅನ್ನೊದನ್ನ ಕೆಲವರಿಗೆ ತಿಳಿದೆ ಇಲ್ಲ. ನಮ್ಮಲ್ಲಿ ಅನೇಕರು ಮೊಬೈಲ್ ಫೋನ್‌ಗಳಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ಹೇಗೆ ತೆಗೆದುಕೊಳ್ಳಬೇಕೆಂದು ತಿಳಿದಿದ್ದರೆ, ಲ್ಯಾಪ್‌ಟಾಪ್ ಅಥವಾ ಪಿಸಿಯಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ಸೆರೆಹಿಡಿಯುವುದು ಹೇಗೆ ಅನ್ನೊದನ್ನ ತಿಳಿದೇ ಇಲ್ಲ. ಆದರೆ ವಿಂಡೋಸ್ ಮತ್ತು ಮ್ಯಾಕೋಸ್‌ಗಳಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವ ಕ್ರಮಗಳು ತಮ್ಮದೇ ಆದ ಆಜ್ಞೆಗಳೊಂದಿಗೆ ಬರುತ್ತವೆ. ಹಾಗಾದ್ರೆ ವಿಂಡೋಸ್ ಮತ್ತು ಮ್ಯಾಕೋಸ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ಸೆರೆಹಿಡಿಯುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ವಿಂಡೋಸ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

ಸ್ನಿಪ್ಪಿಂಗ್ ಉಪಕರಣ ಬಳಸಿ ಸ್ಕ್ರೀನ್‌ಶಾಟ್‌ ತೆಗೆಯು ಈ ಕೆಳಗಿನ ಹಂತ ಅನುಸರಿಸಿರಿ.
ಹಂತ:1 ಸ್ಟಾರ್ಟ್‌ ಮೆನು ತೆರೆಯಿರಿ ಮತ್ತು "ಸ್ನಿಪ್ಪಿಂಗ್ ಟೂಲ್" ಗಾಗಿ ಹುಡುಕಿ.
ಹಂತ:2 ಅಪ್ಲಿಕೇಶನ್ ತೆರೆಯಿರಿ, ಅದು ನಿಮಗೆ ‘ನ್ಯೂ', ‘ಮೋಡ್', ‘ಡಿಲೇ', ‘ಕ್ಯಾನ್ಸಲ್‌' ಮತ್ತು ‘ಆಯ್ಕೆಗಳು' ನಂತಹ ಸ್ಕ್ರೀನ್‌ಶಾಟ್ ಆಯ್ಕೆಗಳೊಂದಿಗೆ ಪಾಪ್-ಅಪ್ ಕೊಡುಗೆಯನ್ನು ನೀಡುತ್ತದೆ.
ಹಂತ:3 ಫ್ರೀಫಾರ್ಮ್‌ನಲ್ಲಿ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ನ್ಯೂ ಆಯ್ಕೆಯನ್ನು ಟ್ಯಾಪ್ ಮಾಡಿ.
ಹಂತ:4 ‘ಮೋಡ್' ಆಯ್ಕೆಯಲ್ಲಿ ನೀವು ಬಯಸುವ ಸ್ಕ್ರೀನ್‌ಶಾಟ್ ಆಕಾರವನ್ನು ಆಯ್ಕೆ ಮಾಡಬಹುದು.

ಪ್ರಿಂಟ್ ಸ್ಕ್ರೀನ್ ಆಯ್ಕೆಯನ್ನು ಬಳಸಿ ಸ್ಕ್ರೀನ್‌ ಶಾಟ್‌ ತೆಗೆದುಕೊಳ್ಳುವುದು ಹೇಗೆ?

ಹಂತ:1 ನೀವು ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಬಯಸುವ ವಿಂಡೋಗೆ ಹೋಗಿ.
ಹಂತ:2 ನಿಮ್ಮ ಕ್ಲಿಪ್‌ಬೋರ್ಡ್‌ನ ಒಳಗೆ ಸ್ಕ್ರೀನ್‌ಗ್ರಾಬ್ ತೆಗೆದುಕೊಳ್ಳಲು ‘PrtScn' ಟ್ಯಾಪ್ ಮಾಡಿ.
ಹಂತ:3 ಪೇಂಟ್‌ನಂತಹ ಚಿತ್ರವನ್ನು ಪ್ರದರ್ಶಿಸುವ ಸಾಫ್ಟ್‌ವೇರ್‌ನಲ್ಲಿ ನೀವು ಈಗ ಸ್ಕ್ರೀನ್‌ಗ್ರಾಬ್ ಅನ್ನು ಅಂಟಿಸಬಹುದು.

ಸ್ನಿಪ್ಪಿಂಗ್ ಟೂಲ್ ಇಲ್ಲದೆ ನಿರ್ಧಿಷ್ಟ ಭಾಗದ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳುವುದು ಹೇಗೆ?

ಹಂತ:1 ವಿಂಡೋಸ್ + ಶಿಫ್ಟ್ + ಎಸ್ ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:2 ಇದು ಸ್ಕ್ರೀನ್‌ಶಾಟ್ ವಿಂಡೋವನ್ನು ತರುತ್ತದೆ, ಇಲ್ಲಿ ನೀವು ಮೌಸ್ ಅನ್ನು ಎಳೆಯಲು ಮತ್ತು ನೀವು ಸ್ಕ್ರೀನ್‌ಶಾಟ್ ಮಾಡಲು ಬಯಸುವ ಭಾಗವನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ.
ಹಂತ:3 ಇದರ ನಂತರ, ನಿಮ್ಮ ಕ್ಲಿಪ್‌ಬೋರ್ಡ್‌ನಿಂದ ಸ್ಕ್ರೀನ್‌ಶಾಟ್ ಅಂಟಿಸಲು ನೀವು ಪೇಂಟ್‌ಗೆ ಹೋಗಬಹುದು.

ಮ್ಯಾಕೋಸ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

ಹಂತ:1 ಇಡೀ ಪರದೆಯ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಕಮಾಂಡ್ + ಶಿಫ್ಟ್ + 3 ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:2 ಫ್ರೀಫಾರ್ಮ್ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಕಮಾಂಡ್ + ಶಿಫ್ಟ್ + 4 ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:3 ಬಾಕ್ಸ್ ಸ್ಕ್ರೀನ್‌ಶಾಟ್ ಪಡೆಯಲು ಕಮಾಂಡ್ + ಶಿಫ್ಟ್ + 5 ಟ್ಯಾಪ್ ಮಾಡಿ.