ನಿಮ್ಮ ಆಧಾರ್‌ ಕಾರ್ಡ್‌ ಕಳೆದುಹೋಗಿದೆಯೇ?..ಮತ್ತೆ ಆನ್‌ಲೈನ್‌ನಲ್ಲಿ ಪಡೆಯುವುದು ಹೇಗೆ?

|

ನಿಮ್ಮ ಆಧಾರ್ ಕಾರ್ಡ್ ಅನ್ನು ನೀವು ಕಳೆದುಕೊಂಡಿದ್ದರೆ ಅಥವಾ ಎಲ್ಲೊ ಇಟ್ಟು ಮರೆತಿದ್ದರೇ ಚಿಂತೆ ಮಾಡುವ ಅಗತ್ಯವಿಲ್ಲ. ಏಕೆಂದರೇ ನೀವು ನಿಮ್ಮ ಕಳೆದುಹೋದ ಆಧಾರ್ ಕಾರ್ಡ್‌ ಅನ್ನು ಸುಲಭವಾಗಿ ಆನ್‌ಲೈನ್‌ ಪ್ರಕ್ರಿಯೆಯ ಮೂಲಕ ಮರಳಿ ಪಡೆಯಬಹುದಾಗಿದೆ. ಯುನಿಕ್ ಐಡೆಂಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (ಯುಐಡಿಎಐ) ಆಧಾರ್ ಕಾರ್ಡುದಾರರಿಗೆ ನೋಂದಣಿ ಮೊಬೈಲ್ ಸಂಖ್ಯೆಯ ಮೂಲಕ ತಮ್ಮ ದಾಖಲಾತಿ ಸಂಖ್ಯೆ ಅಥವಾ ಯುಐಡಿ ಆನ್‌ಲೈನ್ ಅನ್ನು ಹಿಂಪಡೆಯಲು ಸೇವೆಯನ್ನು ಪ್ರಾರಂಭಿಸಿದೆ.

ಆಧಾರ್

ಆಧಾರ್ ಕಾರ್ಡ್ ನಮ್ಮ ದೇಶದ ಅತ್ಯಂತ ನಿರ್ಣಾಯಕ ಗುರುತಿನ ಪರಿಶೀಲನಾ ದಾಖಲೆಯಾಗಿದೆ. ಸರ್ಕಾರದ ವಿವಿಧ ಯೋಜನೆಗಳು ಮತ್ತು ಸೇವೆಗಳ ಪ್ರಯೋಜನಗಳನ್ನು ಪಡೆಯುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತದೆ. ಹಾಗಾದರೇ ಆಧಾರ್‌ ಕಾರ್ಡ್‌ ಕಳೆದು ಹೋಗಿದ್ದರೇ, ಆನ್‌ಲೈನ್‌ನಲ್ಲಿ ಮತ್ತೆ ಆಧಾರ್ ಕಾರ್ಡ್‌ ಪಡೆಯುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಆಧಾರ್ ಕಾರ್ಡ್‌ ಆನ್‌ಲೈನ್‌ನಲ್ಲಿ ಮರುಪಡೆಯಲು ಈ ಕ್ರಮ ಅನುಸರಿಸಿ:

ಆಧಾರ್ ಕಾರ್ಡ್‌ ಆನ್‌ಲೈನ್‌ನಲ್ಲಿ ಮರುಪಡೆಯಲು ಈ ಕ್ರಮ ಅನುಸರಿಸಿ:

* UIDAI-- uidai.gov.in ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ.
* ‘ಆಧಾರ್ ಸೇವೆಗಳು' ವಿಭಾಗದ ಅಡಿಯಲ್ಲಿ, ‘ನನ್ನ ಆಧಾರ್' ಆಯ್ಕೆಯನ್ನು ಟ್ಯಾಪ್ ಮಾಡಿ.
* ಈಗ, ‘ರಿಟ್ರೈವ್ ಲಾಸ್ಟ್ ಅಥವಾ ಫಾರ್ಗಾಟನ್ ಇಐಡಿ / ಯುಐಡಿ' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
* ನಿಮ್ಮ ಹೆಸರು, ಇಮೇಲ್ ಐಡಿ ಮತ್ತು ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.

ಒಟಿಪಿ

* ಕ್ಯಾಪ್ಚಾವನ್ನು ಪರಿಶೀಲಿಸಿ ಮತ್ತು ‘ಕಳುಹಿಸು ಒಟಿಪಿ' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
* ನಿಮ್ಮ ಮೊಬೈಲ್‌ನಲ್ಲಿ ನೀವು ಸ್ವೀಕರಿಸಿದ ಆರು-ಅಂಕಿಯ ಒಟಿಪಿಯನ್ನು ನಮೂದಿಸಿ.
* ನಿಮ್ಮ ವಿನಂತಿಸಿದ ಯುಐಡಿ / ಇಐಡಿ ಸಂಖ್ಯೆಯನ್ನು ಎಸ್‌ಎಂಎಸ್ ಮೂಲಕ ನಿಮ್ಮ ಮೊಬೈಲ್‌ಗೆ ಕಳುಹಿಸಲಾಗುತ್ತದೆ.
* ನಿಮ್ಮ ಇ-ಆಧಾರ್ ನಕಲನ್ನು ಡೌನ್‌ಲೋಡ್ ಮಾಡಲು ನೀವು ಇದನ್ನು ಬಳಸಬಹುದು.

ನಿಮ್ಮ ಆಧಾರ್ ಕಾರ್ಡ್ ಅನ್ನು ಮರುಮುದ್ರಣ ಮಾಡಲು ಈ ಕ್ರಮ ಫಾಲೋ ಮಾಡಿರಿ:

ನಿಮ್ಮ ಆಧಾರ್ ಕಾರ್ಡ್ ಅನ್ನು ಮರುಮುದ್ರಣ ಮಾಡಲು ಈ ಕ್ರಮ ಫಾಲೋ ಮಾಡಿರಿ:

* UIDAI ಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ - uidai.gov.in.
* 'ಆರ್ಡರ್ ಆಧಾರ್ ಮರುಮುದ್ರಣ' ಆಯ್ಕೆಯನ್ನು ಕ್ಲಿಕ್ ಮಾಡಿ.
* ಮುಂದುವರಿಯಲು ಇವುಗಳಲ್ಲಿ ಯಾವುದಾದರೂ ಒಂದನ್ನು ಆರಿಸಿ: ಆಧಾರ್ ಸಂಖ್ಯೆ (ಯುಐಡಿ), ದಾಖಲಾತಿ ಐಡಿ (ಇಐಡಿ) ಅಥವಾ ವರ್ಚುವಲ್ ಐಡಿ (ವಿಐಡಿ).
* ಮುಂದಿನ ಪುಟದಲ್ಲಿರುವ 'ನಿಯಮಗಳು ಮತ್ತು ಷರತ್ತುಗಳು' ಚೆಕ್‌ಬಾಕ್ಸ್ ಪರಿಶೀಲಿಸಿ ಮತ್ತು 'ಸಲ್ಲಿಸು' ಕ್ಲಿಕ್ ಮಾಡಿ.
* ನಿಮ್ಮ ಆಧಾರ್ ಕಾರ್ಡ್ ಮರುಮುದ್ರಣ ಪಡೆಯಲು, ಇವರಿಂದ ಒಂದು ಆಯ್ಕೆಯನ್ನು ಆರಿಸಿ - ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ನೋಂದಾಯಿಸದ ಮೊಬೈಲ್ ಸಂಖ್ಯೆ.

ಜೊತೆಗೆ

* ನಿಮ್ಮ ಮೊಬೈಲ್ ಸಂಖ್ಯೆ ಈಗಾಗಲೇ ನೋಂದಾಯಿಸಿದ್ದರೆ, ನಂತರ ಮೊದಲ ಆಯ್ಕೆಯನ್ನು ಆರಿಸಿ ಮತ್ತು ಕ್ಯಾಪ್ಚಾ ಜೊತೆಗೆ ಆಧಾರ್ ಸಂಖ್ಯೆ ಅಥವಾ ವರ್ಚುವಲ್ ಐಡಿ (ವಿಐಡಿ) ಸಂಖ್ಯೆಯನ್ನು ನಮೂದಿಸಿ ಮತ್ತು ವಿನಂತಿ ಒಟಿಪಿ ಟ್ಯಾಪ್ ಮಾಡಿ.
* ಸ್ವೀಕರಿಸಿದ ಒಟಿಪಿ ನಮೂದಿಸಿ.
* ಮೇಕ್ ಪೇಮೆಂಟ್ ಕ್ಲಿಕ್ ಮಾಡಿ. ಆನ್‌ಲೈನ್ ಪಾವತಿ ಮೋಡ್ ಆಯ್ಕೆಮಾಡಿ ಮತ್ತು ಪಾವತಿಸಿ.
* ಸ್ವೀಕೃತಿ ರಶೀದಿಯನ್ನು ಡೌನ್‌ಲೋಡ್ ಮಾಡಿ ಮತ್ತು ಉಳಿಸಿ.
* ಯಶಸ್ವಿ ಪಾವತಿಯ ನಂತರ, ನಿಮ್ಮ ಆಧಾರ್ ಕಾರ್ಡ್ ಅನ್ನು ಮುದ್ರಿಸಲಾಗುತ್ತದೆ ಮತ್ತು ನಿರ್ದಿಷ್ಟ ವಿಳಾಸದಲ್ಲಿ ನಿಮಗೆ ಕಳುಹಿಸಲಾಗುತ್ತದೆ.

Most Read Articles
Best Mobiles in India

English summary
Lost Aadhaar Card? Here's How To Retrieve It Online.

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X