ಐಫೋನ್ ಎಸ್‌ಇ 2 ಬಗ್ಗೆ ಮತ್ತಷ್ಟು ವದಂತಿಗಳು ಬಂದಿವೆ ನೋಡಿ!

|

ಮೊಬೈಲ್ ಮಾರುಕಟ್ಟೆ ಭಾರೀ ಕುತೂಹಲದಿಂದ ನೋಡುತ್ತಿರುವ ಆಪಲ್‌ನ ಐಫೋನ್ ಎಸ್‌ಇ 2 ಬಗ್ಗೆ ಮತ್ತಷ್ಟು ವದಂತಿಗಳು ಹರಿದಾಡಿವೆ. ಆಪಲ್‌ನ ಎರಡನೇ ತಲೆಮಾರಿನ ಐಫೋನ್ ಎಸ್ಇ ಫೋನನ್ನು 2020ರ ಮೊದಲ ತ್ರೈಮಾಸಿಕದಲ್ಲಿ ಬಿಡುಗಡೆ ಮಾಡಲಾಗುತ್ತದೆ. ಮತ್ತು ಅದನ್ನು ಖಚಿತವಾಗಿ 'ಐಫೋನ್ ಎಸ್ಇ 2' ಎಂದು ಕರೆಯಲಾಗುತ್ತದೆ ಎಂದು ಹೇಳಲಾಗಿದೆ. ಇನ್ನು ಐಫೋನ್ ಎಸ್ಇ 2 ಯುಎಸ್‌ನಲ್ಲಿ 399 ಡಾಲರ್‌ಗಳಿಗೆ (ರೂ. 28,300) ಆರಂಭಿಕ ಬೆಲೆಗೆ ಚಿಲ್ಲರೆ ಮಾರಾಟ ಮಾಡಲಾಗುತ್ತದೆ ಎಂದು ಹಲವು ವರದಿಗಗಳು ಭವಿಷ್ಯ ನುಡಿದಿವೆ.

 ಆಪಲ್

ಹೌದು, ಆಪಲ್ ವಿಶ್ಲೇಷಕ ಮಿನ್-ಚಿ ಕುವೊ ಅವರು ಐಫೋನ್ ಎಸ್ಇ 2 ಫೋನ್ ಲಿಕ್ವಿಡ್ ಕ್ರಿಸ್ಟಲ್ ಪಾಲಿಮರ್ ಆಂಟೆನಾ ವಿನ್ಯಾಸವನ್ನು ಹೊಂದಿರುತ್ತದೆ. ಈ ಎಲ್ಸಿಪಿ ವಿನ್ಯಾಸವು ವೈರ್‌ಲೆಸ್ ಪ್ರಸರಣವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಎಂದಿದ್ದಾರೆ. ಈ ತಂತ್ರಜ್ಞಾನಗಳು 2020ರ ಆರಂಭದಲ್ಲಿ ಆಪಲ್‌ಗೆ ಎಲ್‌ಸಿಪಿ ಆಂಟೆನಾ ಘಟಕಗಳನ್ನು ಪೂರೈಸಲಿದೆ ಎಂದು ಕುವೊ ಅವರು ತಿಳಿಸಿದ್ದಾರೆ. ಇದರ ಜೊತೆಗೆ ಮತ್ತೊಂದು ನಂಬಲರ್ಹ ವರದಿಯು ಐಫೋನ್ ಎಸ್ಇ 2 ನಲ್ಲಿ ಎಲ್ಸಿಡಿ ಪ್ರದರ್ಶನವನ್ನು ಎಲ್‌ಜಿ ಸರಬರಾಜು ಮಾಡಲಿದೆ ಎಂದು ಹೇಳಿದೆ.

 ಐಫೋನ್ ಎಸ್ಇ

ಇನ್ನು ಬೆಲೆ ಮತ್ತು ಫೀಚರ್ಸ್ ವಿಷಯಕ್ಕೆ ಬಂದರೆ, ಐಫೋನ್ ಎಸ್ಇ ಯಂತೆಯೇ ಮುಂಬರುವ ಎಸ್ಇ 2 ಸಹ ಕಡಿಮೆ ಬೆಲೆಯಲ್ಲಿ ಮಾರುಕಟ್ಟೆಯನ್ನು ತಲುಪಲಿದೆ ಎಂದು ಅವರು ತಿಳಿಸಿದ್ದಾರೆ. ಹೊಸ ಐಫೋನ್ 11 ಸರಣಿ ಫೋನ್‌ಗಳಂತೆಯೇ ಐಫೋನ್ ಎಸ್ಇ 2 ಅನ್ನು ಎ 13 ಸಿಪಿಯು 64 ಜಿಬಿ ಮತ್ತು 128 ಜಿಬಿ ಎಂಬ ಎರಡು ಶೇಖರಣಾ ಆವೃತ್ತಿಗಳಲ್ಲಿ ಲಭ್ಯವಿರುತ್ತದೆ. ಹಾಗೆಯೇ, ಐಫೋನ್ ಎಸ್ಇ 2 ಬೆಲೆಯನ್ನು ಅಂದಾಜು 28,300 ರೂ.ಗಳಿಗೆ ನಿಗದಿಪಡಿಸಬಹುದು ಎಂದು ವಿಶ್ಲೇಷಕ ಮಿಂಗ್-ಚಿ ಕುವೊ ಅವರು ತಿಳಿಸಿರುವುದನ್ನು ಮಾಧ್ಯಮಗಳು ವರದಿ ಮಾಡಿವೆ.

ಐಫೋನ್ ಎಸ್ಇ 2

ಈ ಹಿಂದಿನ ವದಂತಿಗಳು ಮುಂಬರುವ ಐಫೋನ್ ಎಸ್ಇ 2 ವಿನ್ಯಾಸವು ಐಫೋನ್ 8 ವಿನ್ಯಾಸದಂತೆ ಇರಲಿದೆ ಎಂದು ಸೂಚಿಸಿದ್ದವು. ಆದರೆ, ಇದೀಗ ಬಿಗಡೆಯಾಗಿರುವ ಕೆಲವೊಂದು ಚಿತ್ರಗಳು ಮಾರುಕಟ್ಟೆಯಲ್ಲಿ ಹವಾ ಎಬ್ಬಿಸಿದ್ದ ಐಫೋನ್ X ವಿನ್ಯಾಸದ ಮೂಲಕ ಐಫೋನ್ ಎಸ್ಇ 2 ಕಾಲಿಡಲಿದೆ ಎಂದು ಹೇಳಿವೆ. ವಿನ್ಯಾಸದ ವಿಷಯದಲ್ಲಿ ನೀರಸವಾಗಿ ಕಾಣುವ ಐಫೋನ್ ಎಸ್ಇಗಿಂತ ಐಫೋನ್ ಎಸ್ಇ 2 ವಿನ್ಯಾಸ ನವೀಕರಣವಾಗಿರಲಿದೆ. ಆದರೆ, ಫೀಚರ್ಸ್ ವಿಷಯದಲ್ಲಿ ಅಷ್ಟೇನು ಬದಲಾವಣೆಗಳು ಕಾಣುವುದಿಲ್ಲ ಎಂದು ಹೇಳಲಾಗಿದೆ.

 ಎಸ್ಇ 2 ಫೋನ್

ಒಟ್ಟು ಎರಡು ಆವೃತ್ತಿಯಲ್ಲಿ ಐಫೋನ್ ಎಸ್ಇ 2 ಫೋನ್ ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ. ಐಫೋನ್ ಎಸ್ಇ 2ನಲ್ಲಿ ಆಪಲ್ ಎ 13 ಪ್ರೋಸೆಸರ್ ಅನ್ನು ಅಳವಡಿಸುವ ಸಾಧ್ಯತೆ ಇದೆ. ಅಲ್ಲದೇ ಇದರೊಂದಿಗೆ 2 ಅಥವಾ 3 GB RAM ಮತ್ತು 64/128 GB ಇಂಟರ್ನಲ್ ಮೆಮೊರಿ ಸಹ ಇರಲಿದೆ ಎಂದು ಹೇಳಲಾಗಿದೆ. ಮೂಲಗಳ ಪ್ರಕಾರ 4 ಇಂಚಿನ ಅಥವಾ 4.5 ಇಂಚಿನ ಡಿಸ್‌ಪ್ಲೇ ನೀಡಬಹುದಾಗಿದೆ. ಈ ಹಿಂದೆ ನೀಡುತ್ತಿದ್ದ ಟೆಚ್ ಐಡಿಯ ಬದಲಿಗೆ ಫೇಸ್‌ ಐಡಿ ಆಯ್ಕೆಯನ್ನು ಆಪಲ್ ಐಫೋನ್ ಎಸ್ಇ 2 ನಲ್ಲಿಯೂ ನೀಡಲಿದೆ ಎನ್ನವ ಮಾಹಿತಿಯೂ ದೊರೆತಿದೆ.

Most Read Articles
Best Mobiles in India

English summary
Another report by The Elec states that Apple has roped in LG as the supplier for the LCD display on iPhone SE 2. The report also corroborates Kuo’s earlier statement of Apple launching iPhone SE 2 early next year. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more