ಆಪಲ್ ತರಬಹುದು ಐಫೋನ್ 8 ಮತ್ತು ಐಫೋನ್ 8 ಪ್ಲಸ್ ನ ಕೆಂಪು ಬಣ್ಣದ ಆವೃತ್ತಿ!

By Tejaswini P G
|

ಐಫೋನ್ 8 ಮತ್ತು ಐಫೋನ್ 8 ಪ್ಲಸ್ ಬಿಡುಗಡೆಯಾದ 6 ತಿಂಗಳಲ್ಲಿ ಆಪಲ್ ಈ ಫೋನ್ಗಳ ಹೊಸ ಆವೃತ್ತಿಯನ್ನು ಹೊಸ ಬಣ್ಣದಲ್ಲಿ ಲಾಂಚ್ ಮಾಡುವ ಯೋಜನೆ ಹೊಂದಿದೆ. ವರ್ಜಿನ್ ಮೊಬೈಲ್ ಮೆಮೋ ಒಂದು ಮ್ಯಾಕ್ರೂಮರ್ಸ್ ಕೈಸೇರಿದ್ದು ಆಪಲ್ ಶೀಘ್ರದಲ್ಲಿಯೇ ಕೆಂಪು ವರ್ಣದ ಐಫೋನ್ 8 ಮತ್ತು ಐಫೋನ್ 8 ಪ್ಲಸ್ ಗಳನ್ನು ಲಾಂಚ್ ಮಾಡಲಿರುವ ಸುಳಿವು ನೀಡಿದೆ. ಆಪಲ್ ಸಂಸ್ಥೆಯು ಈ ಹೊಸ ಆವೃತ್ತಿಗಳನ್ನು ಏಪ್ರಿಲ್ 9ರಂದು ಲಾಂಚ್ ಮಾಡುವ ಸಾಧ್ಯತೆ ಇದೆ.

ಆಪಲ್ ತರಬಹುದು ಐಫೋನ್ 8 ಮತ್ತು ಐಫೋನ್ 8 ಪ್ಲಸ್ ನ ಕೆಂಪು ಬಣ್ಣದ ಆವೃತ್ತಿ!

ಈ ಸುದ್ದಿ ಯಾವುದೇ ಅಧಿಕೃತ ಮೂಲಗಳಿಂದ ಬಂದಿಲ್ಲವಾದರೂ, ಬ್ಲೂಮ್ಬರ್ಗ್ ನ ಮಾರ್ಕ್ ಗುರ್ಮ್ಯಾನ್( ಇವರ್ ಭವಿಷ್ಯವಾಣಿಗಳು ಬಹುತೇಕ ನಿಜವಾಗಿದೆ) ಕೂಡ ಈ ಮಾಹಿತಿಯನ್ನು ಅನುಮೋದಿಸಿದ್ದಾರೆ. ಸೋರಿಕೆಯಾಗಿರುವ ಮಾಹಿತಿಯಲ್ಲಿ ಐಫೋನ್ X ನ ಉಲ್ಲೇಖವಿಲ್ಲ. ಐಫೋನ್ X ಬಹಳ ದುಬಾರಿ ಫೋನ್ ಆಗಿರುವ ಕಾರಣ ಇದರ 'ರೆಡ್' ಆವೃತ್ತಿ ಬರಬಹುದೆಂಬ ನಿರೀಕ್ಷೆಯಿಲ್ಲ. ಆಪಲ್ ಕೂಡ ಚೆನ್ನಾಗಿ ಮಾರಾಟವಾಗವುದೆಂಬ ಖಚಿತತೆ ಇಲ್ಲದ ಕಾರಣ ಐಫೋನ್ X ನ ವಿಶೇಷ ಆವೃತ್ತಿ ಲಾಂಚ್ ಮಾಡುವ ಸಾಹಸ ಮಾಡಲಾರದು.

ಸೋರಿಕೆಯಾಗಿರುವ ಮಾಹಿತಿ ನಿಜವೇ ಆಗಿದ್ದಲ್ಲಿ, ಆಪಲ್ ಸಂಸ್ಥೆಯು ತನ್ನ ಐಫೋನ್ಗಳ ಮಾರಾಟ ಹೆಚ್ಚಿಸುವ ಸಲುವಾಗಿಯೇ ಹೊಸ ಬಣ್ಣದ ಆವೃತ್ತಿಗಳನ್ನು ಲಾಂಚ್ ಮಾಡಹೊರಟಿದೆ. ಈ ಹೊಸ ಬಣ್ಣದ ಆವೃತ್ತಿ ಜನರ ಮನಗೆದ್ದು ಐಫೋನ್ಗಳ ಮಾರಾಟದಲ್ಲಿ ಸುಧಾರಿಕೆ ಕಂಡುಬರುವುದೇ ಎಂಬುದನ್ನು ಕಾದು ನೋಡಬೇಕಾಗಿದೆ.

ಐಫೋನ್ 8 ನ 64GB ಆವೃತ್ತಿಯ ಬೆಲೆ ಭಾರತದಲ್ಲಿ ರೂ 64,000 ಆಗಿದ್ದು, 256GB ಆವೃತ್ತಿಯ ಬೆಲೆ ರೂ 77,000 ಆಗಿದೆ. ಇನ್ನು ಐಫೋನ್ 8 ಪ್ಲಸ್ ನ 64GB ಆವೃತ್ತಿಯ ಬೆಲೆ ಭಾರತದಲ್ಲಿ ರೂ 73,000 ಆಗಿದ್ದು, 256GB ಆವೃತ್ತಿಯ ಬೆಲೆ ರೂ 86,000 ಆಗಿದೆ. ಕಸ್ಟಮ್ಸ್ ಡ್ಯೂಟಿ ಯ ಹೆಚ್ಚಳದ ಬಳಿಕ ಇವುಗಳ ಬೆಲೆಯೂ ಸ್ವಲ್ಪ ಏರಿಕೆಯಾಗಿದೆ.

How to view all photos, pages, comments and posts you liked on Facebook (KANNADA)

ಇದೇ ರೀತಿಯಾಗಿ, ಮತ್ತೊಬ್ಬ ವ್ಯಕ್ತಿಯು ಆಪಲ್ ಸಂಸ್ಥೆಯು ಐಫೋನ್ X ನ ಬ್ಲಶ್ ಗೋಲ್ಡ್ ಬಣ್ಣದ ಆವೃತ್ತಿಯನ್ನು ಲಾಂಚ್ ಮಾಡುವ ಇರಾದೆ ಹೊಂದಿದೆ ಎಂಬ ಮಾಹಿತಿಯನ್ನು ನೀಡಿದ್ದ. ಆತ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಬ್ಲಶ್ ಗೋಲ್ಡ್ ಬಣ್ಣದ ಐಫೋನ್ X ನ ಚಿತ್ರವೊಂದನ್ನು ಕೂಡ ಹಂಚಿಕೊಂಡಿದ್ದ. ಅವನು ಪೋಸ್ಟ್ ಮಾಡಿದ ಎರಡು ಚಿತ್ರಗಳ ಪೈಕಿ ಒಂದು ಚಿತ್ರದಲ್ಲಿ ಗೋಲ್ಡ್ ಬಣ್ಣದ ಸಿಮ್ ಕಾರ್ಡ್ ಟ್ರೇಯನ್ನು ಕಾಣಬಹುದಾಗಿದೆ. ಆದರೆ ಆ ವ್ಯಕ್ತಿ ಈ ಆವೃತ್ತಿ ಯಾವಾಗ ಲಾಂಚ್ ಆಗಬಹುದು, ಅದರೆ ಲಭ್ಯತೆ ಮತ್ತು ಬೆಲೆಯ ಕುರಿತು ಯಾವುದೇ ಮಾಹಿತಿಯನ್ನು ನೀಡಿಲ್ಲ.

ಸ್ನಾಪ್‌ಚಾಟ್‌ನಲ್ಲಿ IPL ಸ್ಟೋರಿ: ನಾಲ್ಕು ತಂಡದೊಂದಿಗೆ ಒಪ್ಪಂದ ಮಾಡಿಕೊಂಡ ಸ್ನಾಪ್‌ಚಾಟ್..!

ಐಫೋನ್ 8 ಅಥವಾ ಐಫೋನ್ 8 ಪ್ಲಸ್ ನ ಕೆಂಪು ಬಣ್ಣದ ಆವೃತ್ತಿಯನ್ನು ಖರೀದಿಸಲು ನೀವು ಉತ್ಸುಕರಾಗಿದ್ದೀರೇ ಎಂಬುದನ್ನು ಕಮೆಂಟ್ಸ್ ವಿಭಾಗದಲ್ಲಿ ತಿಳಿಸಲು ಮರೆಯದಿರಿ.

Most Read Articles
Best Mobiles in India

English summary
Six months after the official unveiling, the iPhone 8 and iPhone 8 Plus may get a Red color variant. MacRumors have found a Virgin Mobile memo that hints Apple will soon be announcing Red colored iPhone 8 and iPhone 8 Plus. In fact, the company is speculated to unveil the new color variant of the smartphones later today.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more