ಈ ಶಾರ್ಟ್‌ ವಿಡಿಯೊ ಆಪ್‌ನಲ್ಲಿ ಒಂದೇ ಬಾರಿಗೆ ಎರಡು ಕ್ಯಾಮೆರಾ ಬಳಕೆ ಮಾಡಬಹುದು!

ಹೌದು, ಸದ್ಯ ವೇಗವಾಗಿ ಬೆಳೆಯುತ್ತಿರುವ ಶಾರ್ಟ್‌ ವಿಡಿಯೊ ಅಪ್ಲಿಕೇಶನ್ 'ಫೈರ್‌ವರ್ಕ್' ಈಗ ಮಲ್ಟೀ ಕ್ಯಾಮೆರಾ ರೆಕಾರ್ಡಿಂಗ್ ಸೌಲಭ್ಯವನ್ನು ಅಳವಡಿಸಿದ್ದು, ಅದನ್ನು ಜೆಮಿ-Gemi ಎಂದು ಕರೆದಿದೆ. ಈ ಫೀಚರ್ಸ್‌ ವಿಡಿಯೊ ಕ್ರಿಯಟ್ ಮಾಡುವ ಬಳಕೆದಾರರಿಗೆ ಒಂದೇ ವೇಳೆಗೆ ಫೋನಿನ ಫ್ರಂಟ್ ಮತ್ತು ಬ್ಯಾಕ್ ಎರಡು ಕ್ಯಾಮೆರಾಗಳನ್ನು ಬಳಕೆ ಮಾಡಿಕೊಳ್ಳಲು ಅವಕಾಶ ಒದಗಿಸುತ್ತದೆ. ಈ ಸೌಲಭ್ಯದಿಂದ ಬಳಕೆದಾರರಿಗೆ ಮಲ್ಟೀ ಕ್ಯಾಮೆರಾ ವಿಡಿಯೊ ಶೂಟ್ ಮಾಡಲು ದಾರಿ ಸುಲಭವಾದಂತೆ.

ವಿಡಿಯೊ ಕ್ರಿಯೆಟ್ ಮಾಡುವ ಬಳಕೆದಾರರು ಒಂದೇ ವೇಳೆಗೆ ಸೆಲ್ಫಿ ಮತ್ತು ಬ್ಯಾಕ್ ಕ್ಯಾಮೆರಾ ಎರಡನ್ನು ಬಳಕೆ ಮಾಡಲು ಸಾಕಷ್ಟು ಪ್ರಯತ್ನ ಪಡುತ್ತಿದ್ದರು. ಈ ನಿಟ್ಟಿನಲ್ಲಿ ಹೊಸದಾಗಿ ಅಳವಡಿಸಿದ ಜೆಮಿ ಆಯ್ಕೆಯು ಬಳಕೆದಾರರಿಗೆ ಫ್ರಂಟ್ ಮತ್ತು ಬ್ಯಾಕ್ ಕ್ಯಾಮೆರಾ ಬಳಕೆಗೆ ಅನುಕೂಲ ಆಗಲಿದೆ ಎಂದು ಫೈರ್‌ವರ್ಕ್ ಇಂಡಿಯಾದ ಉದ್ಯಮ ಅಭಿವೃದ್ಧಿ, ಬೆಳವಣಿಗೆ ಮತ್ತು ಸಹಭಾಗಿತ್ವದ ಮುಖ್ಯಸ್ಥ ಸುದರ್ಶನ್ ಕದಮ್ ಹೇಳಿದರು.

ಅಂದಹಾಗೆ ಫೈರ್‌ವರ್ಕ್ ವಿಡಿಯೊ ಅಪ್ಲಿಕೇಶನ್ ಆಪಲ್‌ ಐಫೋನ್‌ಗಳಲ್ಲಿ ಲಭ್ಯವಾಗಲಿದ್ದು, ಆಪಲ್‌ ಸ್ಟೋರ್‌ನಿಂದ ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ. ಐಫೋನ್‌ಗಳಲ್ಲಿ ವಿಡಿಯೊ ರೆಕಾರ್ಡಿಂಗ್ ಟೂಲ್ (split) ವಿಭಜನೆಯ ರೀತಿಯಲ್ಲಿ ಕಾಣಿಸಲಿದ್ದು, ಎರಡು ಕ್ಯಾಮೆರಾಗಳು ಒಂದೇ ವೇಳಗೆ ಕಾರ್ಯನಿರ್ವಹಿಸುತ್ತವೆ. ಈ ಆಪ್ 30 ಸೆಕೆಂಡ್‌ಗಳ ವಿಡಿಯೊ ರೆಕಾರ್ಡ್‌ ಮಾಡಬಹುದಾಗಿದೆ.

ಕ್ಯಾಲಿಫೋರ್ನಿಯ ಮೂಲದ ಫೈರ್‌ವರ್ಕ್ ಅಪ್ಲಿಕೇಶನ್ ಸದ್ಯ ಮನರಂಜನೆ ಮತ್ತು ಶಾರ್ಟ್‌ ವಿಡಿಯೊ ಕ್ರಿಯೆಟ್‌ ವಲಯದಲ್ಲಿ ದಾಪುಗಾಲಿಡುವ ಪ್ರಯತ್ನಗಳನ್ನು ನಡೆಸುತ್ತ ಸಾಗಿದೆ. 30 ಸೆಕೆಂಡ್ ವಿಡಿಯೊ ಸೆರೆಹಿಡಿಯುವ ಆಯ್ಕೆ ಇದೆ. ಮುಂದಿನ ದಿನಗಳಲ್ಲಿ ಭಾರತೀಯ ಬಳಕೆದಾರರಿಗೆ ಇನ್ನಷ್ಟು ನೂತನ ಫೀಚರ್ಸ್‌ಗಳನ್ನು ಪರಿಚಯಿಸುವ ಯೋಜನೆಗಳು ಇವೆ ಎಂದು ಹೇಳಿಕೊಂಡಿದೆ.