UPI ಹಣ ವರ್ಗಾವಣೆ ಸೇವೆಗೆ ಯಾವುದೇ ಶುಲ್ಕ ವಿಧಿಸಲ್ಲ ಎಂದ PhonePe!

|

ಭಾರತದ ಜನಪ್ರಿಯ ಡಿಜಿಟಲ್ ಪಾವತಿ ಅಪ್ಲಿಕೇಶನ್‌ಗಳಲ್ಲಿ ಒಂದಾದ ಫೋನ್‌ಪೇ ಆಪ್‌, ಇತ್ತೀಚಿಗಷ್ಟೆ 50ರೂ. ಮೇಲಿನ ಮೊಬೈಲ್‌ ರೀಚಾರ್ಜ್‌ಗಳಿಗೆ ಶುಲ್ಕ ವಿಧಿಸುವುದಾಗಿ ತಿಳಿಸಿತ್ತು. ಈ ಬಗ್ಗೆ ವಿರೋಧ ವ್ಯಕ್ತವಾಗಿತ್ತು. ಇದೀಗ ಫೋನ್‌ಪೇ ತನ್ನ ಎಲ್ಲಾ ಆನ್‌ಲೈನ್‌ ಮತ್ತು ಆಫ್‌ಲೈನ್ UPI ಹಣ ವರ್ಗಾವಣೆಗಳು ಉಚಿತ ಆಗಿರುತ್ತವೆ. ಹಾಗೆಯೇ ಭವಿಷ್ಯದಲ್ಲಿಯೂ ಎಲ್ಲಾ ಬಳಕೆದಾರರಿಗೆ ಉಚಿತ ಆಗಿರುತ್ತವೆ ಎಂದು ತಿಳಿಸಿದೆ.

UPI ಹಣ ವರ್ಗಾವಣೆ ಸೇವೆಗೆ ಯಾವುದೇ ಶುಲ್ಕ ವಿಧಿಸಲ್ಲ ಎಂದ PhonePe!

ಮೊಬೈಲ್ ರೀಚಾರ್ಜ್‌ಗಳಿಗಾಗಿ, ಫೋನ್‌ಪೇ ಒಂದು ಪ್ರಯೋಗವನ್ನು ನಡೆಸುತ್ತಿದೆ, ಅಲ್ಲಿ ಬಳಕೆದಾರರ ಒಂದು ಸಣ್ಣ ವಿಭಾಗವು ರೂ 51-100 ರೀಚಾರ್ಜ್‌ಗಳಿಗೆ 1ರೂ. ಮತ್ತು 100ರೂ ಕ್ಕಿಂತ ಹೆಚ್ಚಿನ ರೀಚಾರ್ಜ್‌ಗಳಿಗೆ 2ರೂ. ರಷ್ಟು ಸಂಸ್ಕರಣಾ ಶುಲ್ಕವನ್ನು ವಿಧಿಸುತ್ತಿದೆ ಎಂದು ಕಂಪನಿ ಹೇಳಿದೆ. ಹಾಗೆಯೇ (UPI, ವ್ಯಾಲೆಟ್, ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳ) 50ರೂ. ಕ್ಕಿಂತ ಕಡಿಮೆ ರೀಚಾರ್ಜ್‌ಗಳು ಸಂಪೂರ್ಣವಾಗಿ ಉಚಿತವಾಗಿರುತ್ತವೆ ಎಂದು ಸಂಸ್ಥೆಯು ತಿಳಿಸಿದೆ.

ಇನ್ನು ಕಂಪನಿಯು ಇತ್ತೀಚೆಗೆ ಪ್ರಿಪೇಯ್ಡ್ ಮೊಬೈಲ್ ರೀಚಾರ್ಜ್‌ಗಳ ಮೇಲೆ 50ರೂ. ವರೆಗೆ ಖಚಿತವಾದ ಕ್ಯಾಶ್‌ಬ್ಯಾಕ್ ಅನ್ನು ಘೋಷಿಸಿತು. ಫೋನ್‌ಪೇ ಅಪ್ಲಿಕೇಶನ್ ಮೂಲಕ ರೀಚಾರ್ಜ್ ಮಾಡುವ ಬಳಕೆದಾರರು ಮೂರು ಪ್ರಿಪೇಯ್ಡ್ ಮೊಬೈಲ್ ರೀಚಾರ್ಜ್‌ಗಳನ್ನು ಪೂರ್ಣಗೊಳಿಸಿದಾಗ, 51ರೂ ಕ್ಕಿಂತ ಹೆಚ್ಚಿನ ಕ್ಯಾಶ್‌ಬ್ಯಾಕ್ ಅನ್ನು ಗೆಲ್ಲುತ್ತಾರೆ ಎಂದು ಕಂಪನಿ ಹೇಳಿದೆ.

ಫೋನ್‌ಪೇ 2017 ರಲ್ಲಿ ಹಣಕಾಸಿನ ಸೇವೆಗಳಿಗೆ ಎಂಟ್ರಿ ನೀಡಿತು. ಹಾಗೆಯೇ ಫೋನ್‌ಪೇ ಪ್ಲಾಟ್‌ಫಾರ್ಮ್ ನಲ್ಲಿ 24 ಕ್ಯಾರೆಟ್ ಚಿನ್ನವನ್ನು ಸುರಕ್ಷಿತವಾಗಿ ಖರೀದಿಸಲು ಬಳಕೆದಾರರಿಗೆ ಸುರಕ್ಷಿತ ಮತ್ತು ಅನುಕೂಲಕರವಾದ ಆಯ್ಕೆಯನ್ನು ಒದಗಿಸುವ ಮೂಲಕ ಡಿಜಿಟಲ್ ಗೋಲ್ಡ್‌ ಖರೀದಿ ಗೆ ಹೊಸ ಆಯಾಮ ನೀಡಿತು. ಭಾರತದಾದ್ಯಂತ 22 ಮಿಲಿಯನ್‌ ಗಿಂತ ಅಧಿಕ ವ್ಯಾಪಾರಿ ಮಳಿಗೆ ಗಳಲ್ಲಿ ಫೋನ್‌ಪೇ ಪ್ಲಾಟ್‌ ಫಾರ್ಮ್ ಅನ್ನು ಸ್ವೀಕರಿಸಲಾಗಿದೆ.

ಫೋನ್‌ಪೇ ಅನುಕೂಲಕರ ಸೇವೆಗಳು
ಫೋನ್‌ಪೇ ಭಾರತದ ಪ್ರಮುಖ ಡಿಜಿಟಲ್ ಪಾವತಿ ವೇದಿಕೆಯಾಗಿದೆ. ಫೋನ್‌ಪೀ ಬಳಸಿ, ಬಳಕೆದಾರರು ಹಣವನ್ನು ಕಳುಹಿಸಬಹುದು ಮತ್ತು ಸ್ವೀಕರಿಸಬಹುದು, ಮೊಬೈಲ್, ಡಿಟಿಎಚ್, ಡೇಟಾ ಕಾರ್ಡ್‌ಗಳನ್ನು ರೀಚಾರ್ಜ್ ಮಾಡಬಹುದು, ಯುಟಿಲಿಟಿ ಪಾವತಿಗಳನ್ನು ಮಾಡಬಹುದು ಮತ್ತು ಚಿನ್ನವನ್ನು ಖರೀದಿಸಬಹುದು. ಮೊಬೈಲ್ ರೀಚಾರ್ಜ್ ಮಾಡಲು ಫೋನ್‌ಪೇ ಅಪ್ಲಿಕೇಶನ್‌ನಲ್ಲಿ ಕೆಲವೇ ಸೆಕೆಂಡುಗಳು ಸಾಕು.

ಗೂಗಲ್ ಸ್ಟೋರ್‌ ನಿಂದ ಫೋನ್‌ಪೇ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಕೊಳ್ಳುವುದು. ನಂತರ ಸುಲಭ ಹಂತಗಳ ಮೂಲಕ ಅಪ್ಲಿಕೇಶನ್‌ ನಲ್ಲಿ ನೋಂದಾಯಿಸುವುದು. ನೋಂದಾಯಿಸುವಾಗ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಒಟಿಪಿ ಮೂಲಕ ಪರಿಶೀಲಿಸುತ್ತದೆ. ಆ ನಂತರ ಮೊಬೈಲ್ ರೀಚಾರ್ಜ್ ಮಾಡುವ ಮುಂದಿನ ಹಂತಗಳನ್ನು ಅನುಸರಿಸಿ.

ಫೋನ್‌ಪೇ ಮೂಲಕ ಮೊಬೈಲ್‌ ರೀಚಾರ್ಜ್ ಮಾಡಲು ಈ ಕ್ರಮ ಅನುಸರಿಸಿ:
ಹಂತ 1: ನಿಮ್ಮ ಫೋನಿನಲ್ಲಿ ಫೋನ್‌ಪೇ ಆಪ್ ತೆರೆಯಿರಿ. ರೀಚಾರ್ಜ್ ಆಯ್ಕೆಯಲ್ಲಿ ರೀಚಾರ್ಜ್ ಕ್ಲಿಕ್ ಮಾಡಿ ಮತ್ತು ಬಿಲ್ ಪಾವತಿಸಿ.
ಹಂತ 2: ನೀವು ರೀಚಾರ್ಜ್ ಮಾಡಲು ಬಯಸುವ ಸಂಖ್ಯೆಯನ್ನು ಆಯ್ಕೆ ಮಾಡಿ ಅಥವಾ ನಮೂದಿಸಿ.
ಹಂತ 3: ನಿಮ್ಮ ಫೋನ್ ಸಂಖ್ಯೆ, ವಲಯ ಮತ್ತು ಟೆಲಿಕಾಂ ಆಪರೇಟರ್ ವಿವರಗಳನ್ನು ಪರಿಶೀಲಿಸಿ.
ಹಂತ 4: ರೀಚಾರ್ಜ್ ಮೊತ್ತವನ್ನು ನಮೂದಿಸಿ ಅಥವಾ ವೀಕ್ಷಣೆ ಯೋಜನೆಗಳ ವಿಭಾಗದ ಅಡಿಯಲ್ಲಿ ಯೋಜನೆಗಳ ಪಟ್ಟಿಯಿಂದ ಆಯ್ಕೆಮಾಡಿ.
ಹಂತ 5: ಇದಕ್ಕಾಗಿ ಪಾವತಿ ಆಯ್ಕೆಯನ್ನು ಆರಿಸಿ.
ಹಂತ 6: ವಹಿವಾಟು ಪೂರ್ಣಗೊಳಿಸಲು ರೀಚಾರ್ಜ್ ಕ್ಲಿಕ್ ಮಾಡಿ.

Most Read Articles
Best Mobiles in India

English summary
PhonePe Announces That All Of its UPI Transfers Will Be Free For all Users.

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X