ಡೆಬಿಟ್/ಕ್ರೆಡಿಟ್ ಕಾರ್ಡ್‌ ಪಾಸ್‌ವರ್ಡ್ ಮರೆತರೆ ATMನಲ್ಲಿಯೇ ರೀಸೆಟ್ ಮಾಡಿಕೊಳ್ಳುವುದು ಹೇಗೆ?

By Bhaskar N J

Updated: Wednesday, April 25, 2018, 16:38 [IST]

ದಿನಗಳಲ್ಲಿ ಪ್ರತಿಯೊರ್ವರು ಎರಡು ಮತ್ತು ಅದಕ್ಕಿಂತ ಹೆಚ್ಚು ಬ್ಯಾಂಕ್‌ ಅಕೌಂಟ್‌ಗಳನ್ನು ಹೊಂದಿರುತ್ತಾರೆ. ಇನ್ನು ಒಂದೊಂದು ಬ್ಯಾಂಕ್ ಅಕೌಂಟ್‌ಗೂ ಒಂದೊಂದು ಎಟಿಎಂ ಕಾರ್ಡ್ ಇದ್ದೇ ಇರುತ್ತದೆ. ಹಾಗಾಗಿ, ಇವರೆಲ್ಲರ ದೊಡ್ಡ ಪ್ರಾಬ್ಲಮ್ ಏನು ಅಂದರೆ ಎಲ್ಲಾ ಎಟಿಎಂ ಕಾರ್ಡ್‌ಗಳ ಪಿನ್‌ ಸಂಖ್ಯೆ ನೆನಪಿಟ್ಟುಕೊಳ್ಳುವುದು!

ಪಾಸ್‌ವರ್ಡ್ ಎಂದರೆ ಒಬ್ಬರಿಗೆ ಮಾತ್ರ ತಿಳಿದು ಬೇರೆ ಯಾರಿಗೂ ತಿಳಿಯಬಾರದ ಸಂಖ್ಯೆ. ಹಾಗಾಗಿ, ಎಲ್ಲಾ ಪಾಸ್‌ವರ್ಡ್‌ಗಳನ್ನು ನೆನಪಿನಲ್ಲಿ ಇಟ್ಟುಕೊಳ್ಳಲೇಬೇಕು. ಇದು ಕೆಲವೊಮ್ಮೆ ಸಮಸ್ಯೆಗಳನ್ನು ಸಹ ತರುತ್ತದೆ. ಮರೆವು ಅನ್ನುವುದು ಎಲ್ಲರಲ್ಲಿಯೂ ಸಾಮಾನ್ಯವಾಗಿರುವುದರಿಂದ ಪ್ರಮುಖವಾದ ಎಟಿಎಂ ಪಿನ್‌ಗಳನ್ನು ಸಹ ನಾವು ಮರೆತು ಬಿಡುತ್ತೇವೆ.

ಡೆಬಿಟ್ ಕಾರ್ಡ್‌ ಪಾಸ್‌ವರ್ಡ್ ಮರೆತರೆ ATMನಲ್ಲಿ ರೀಸೆಟ್ ಮಾಡಿಕೊಳ್ಳುವುದು ಹೇಗೆ?

ಆದರೆ ,ಇನ್ನು ಆ ಚಿಂತೆ ಬಿಡಿ. ನಿಮ್ಮ ಎಟಿಎಂ ಪಾಸ್‌ವರ್ಡ್‌ ಮರೆತರೆ ಪಿನ್‌ ಸಂಖ್ಯೆ ಪಡೆಯಲು ನೀವುಬ್ಯಾಂಕ್‌ಗೆ ಹೋಗಬೇಕಿಲ್ಲ! ನಿಮ್ಮ ಹತ್ತಿರದ ಯಾವುದಾದರೂ ಎಟಿಎಂ ಮಷಿನ್ ಮೂಲಕ ನೀವು ಬೇರೊಂದು ಪಿನ್ ನಂಬರ್ ಪಡೆಯಬಹುದು! ನಿಮ್ಮ ಬ್ಯಾಂಕ್‌ ಅಕೌಂಟ್ ನಂಬರ್ ಮತ್ತು ನಿಮ್ಮ ಅಕೌಂಟ್‌ ನಂಬರ್‌ಗೆ ರಿಜಿಸ್ಟರ್ ಆಗಿರುವ ಮೊಬೈಲ್‌ ನಂಬರ್‌ ಹೊಂದಿದ್ದರೆ ಹತ್ತಿರದ ಎಟಿಎಂನಲ್ಲಿ ನೂತನ ಪಾಸ್‌ವರ್ಡ್ ಹೇಗೆ ಜನರೆಟ್ ಮಾಡಿಕೊಳ್ಳಬಹುದು ಹೇಗೆ ಎಂಬುದನ್ನು ಮುಂದೆ ತಿಳಿಯಿರಿ.

#1 ಬ್ಯಾಂಕಿಂಗ್ ಐಕಾನ್ ಆಯ್ಕೆ ಮಾಡಿ

ನಿಮ್ಮ ಹತ್ತಿರದ ಯಾವುದಾದರೂ ಎಟಿಎಂಗೆ ಹೋಗಿ ನಿಮ್ಮ ಕಾರ್ಡ್‌ ಹಾಕಿರಿ. ನಂತರ "ಬ್ಯಾಂಕಿಗ್" ಆಯ್ಕೆಯನ್ನು ಒತ್ತಿರಿ. ನಂತರ " ಪಿನ್‌ ಜನರೇಟ್" ಅಥವಾ "ಎಟಿಎಂ ಪಿನ್ ರೀಸೆಟ್" ಐಕಾನ್‌ಗಳನ್ನು ಸೆಲೆಕ್ಟ್ ಮಾಡಿ.