BSNL ಗ್ರಾಹಕರಿಗೆ 2 ಹೊಸ ವಾರ್ಷಿಕ ರೀಚಾರ್ಜ್ ಪ್ಲಾನ್‌ಗಳು ಬಿಡುಗಡೆ!

ಭಾರತ ಸರ್ಕಾರಿ ನಿಯಮಿತ ಟೆಲಿಕಾಂ ಸಂಸ್ಥೆ BSNL ತನ್ನ ಗ್ರಾಹಕರಿಗೆ ಎರಡು ಹೊಸ ವಾರ್ಷಿಕ ರೀಚಾರ್ಜ್ ಪ್ಲಾನ್‌ಗಳನ್ನು ಪರಿಚಯಿಸಿದೆ. 2,626 ರೂ. ಮತ್ತು 2,799 ರೂ. ಬೆಲೆಯ ಹೊಸ ಎರಡು ಪ್ಲಾನ್‌ಗಳು 365 ದಿನಗಳ ಮಾನ್ಯತೆಯನ್ನು ಹೊಂದಿರುವಂತೆ BSNL ಬಿಡುಗಡೆ ಮಾಡಿದ್ದು. ದಿನವೂ ಡೇಟಾ, ಭಾರತದೆಲ್ಲೆಡೆ ಅನಿಯಮಿತ ಕರೆಗಳು ಹಾಗೂ ಪ್ರತಿದಿನ 100 SMS ಸೌಲಭ್ಯಗಳು ಈ ಪ್ಯಾಕ್‌ಗಳ ಪ್ರಮುಖ ಆಕರ್ಷಣೆಯಾಗಿವೆ. ದೀರ್ಘಕಾಲ ಒಂದೇ ರೀಚಾರ್ಜ್‌ನಲ್ಲಿ ಸಂಪರ್ಕ ಕಾಯ್ದುಕೊಳ್ಳಲು ಬಯಸುವ ಬಳಕೆದಾರರನ್ನು ಗಮನದಲ್ಲಿಟ್ಟು ಈ ಯೋಜನೆಗಳನ್ನು ರೂಪಿಸಲಾಗಿದೆ.

ಈ ಹೊಸ ಪ್ಲ್ಯಾನ್‌ಗಳಲ್ಲಿ, ಮೊದಲನೆಯ 2,626 ರೂ. ಬೆಲೆಯ "ಭಾರತ್ ಕನೆಕ್ಟ್ 26" BSNL ವಾರ್ಷಿಕ ಪ್ಲಾನ್ ವಿಶೇಷವಾಗಿ ಗಮನ ಸೆಳೆಯುತ್ತಿದೆ. ಈ ಪ್ಲಾನ್‌ನಲ್ಲಿ ಪ್ರತಿದಿನ 2.6GB ಹೈ-ಸ್ಪೀಡ್ ಡೇಟಾ ಲಭ್ಯವಿದೆ. ದಿನದ ಡೇಟಾ ಮಿತಿ ಮುಗಿದ ಬಳಿಕ BSNL ನ ನೀತಿಯ ಪ್ರಕಾರ ವೇಗ ಕಡಿಮೆಯಾಗಲಿದೆ. ಡೇಟಾ ಜೊತೆಗೆ, ಈ ಪ್ಲಾನ್‌ನಲ್ಲಿ ದೇಶದ ಎಲ್ಲಾ ನೆಟ್ವರ್ಕ್‌ಗಳಿಗೆ ಅನಿಯಮಿತ ವಾಯ್ಸ್ ಕರೆ ಸೌಲಭ್ಯ ಮತ್ತ ಪ್ರತಿದಿನ 100 SMS ಗಳ ಸೌಲಭ್ಯವ ದೊರೆಯುತ್ತವೆ. ಕಡಿಮೆ ದರದಲ್ಲಿ ಸಮತೋಲನದ ಸೌಲಭ್ಯ ಬೇಕಾದವರಿಗೆ ಈ ಪ್ಲಾನ್ ಸೂಕ್ತ ಆಯ್ಕೆಯಾಗಿದೆ.

ಇನ್ನೊಂದು ಆಯ್ಕೆಯಾಗಿ 2,799 ರೂ. ಬೆಲೆಯ BSNL ವಾರ್ಷಿಕ ಪ್ಲಾನ್ ಲಭ್ಯವಿದೆ. ಇದಕ್ಕೂ 365 ದಿನಗಳ ಮಾನ್ಯತೆ ಇದ್ದು, ಈ ಯೋಜನೆಯಲ್ಲಿ ಪ್ರತಿದಿನ 3GB ಹೈ-ಸ್ಪೀಡ್ ಡೇಟಾ ನೀಡಲಾಗುತ್ತದೆ. ಹೆಚ್ಚು ವೀಡಿಯೊ ಸ್ಟ್ರೀಮಿಂಗ್ ಮಾಡುವವರು, ಆನ್‌ಲೈನ್ ಕ್ಲಾಸ್‌ಗಳು ಅಥವಾ ಡೇಟಾ ಹೆಚ್ಚು ಬಳಸುವ ಆ್ಯಪ್‌ಗಳ ಮೇಲೆ ಅವಲಂಬಿತರಾದ ಬಳಕೆದಾರರಿಗೆ ಈ ಪ್ಲಾನ್ ಹೆಚ್ಚು ಉಪಯುಕ್ತವಾಗಬಹುದು. ದಿನದ ಡೇಟಾ ಮಿತಿ ಮುಗಿದ ನಂತರ ಇಲ್ಲಿ ಕೂಡ ವೇಗ ಕಡಿಮೆಯಾಗುವ ನಿಯಮ ಅನ್ವಯವಾಗುತ್ತದೆ.

2,799 ರೂ. ಪ್ಲಾನ್‌ನಲ್ಲಿ ಕರೆ ಮತ್ತು SMS ಸೌಲಭ್ಯಗಳು ಭಾರತ್ ಕನೆಕ್ಟ್ 26 ಪ್ಲಾನ್‌ನಂತೆಯೇ ಇರುತ್ತವೆ. ದೇಶದ ಯಾವುದೇ ನೆಟ್ವರ್ಕ್‌ಗೆ ಅನಿಯಮಿತ ಕರೆಗಳು ಹಾಗೂ ಪ್ರತಿದಿನ 100 SMS ಗಳು ಸಂಪೂರ್ಣ ವರ್ಷ ಲಭ್ಯವಿರುತ್ತವೆ. ಅಂದರೆ, ಎರಡೂ ಪ್ಲಾನ್‌ಗಳ ನಡುವೆ ಮುಖ್ಯ ವ್ಯತ್ಯಾಸ ದಿನದ ಡೇಟಾ ಪ್ರಮಾಣ ಮತ್ತು ಬೆಲೆಯಲ್ಲಷ್ಟೇ ಇದೆ.ಈ ಎರಡು BSNL ವಾರ್ಷಿಕ ಪ್ಲಾನ್‌ಗಳನ್ನು ಹೋಲಿಸಿದರೆ, ಮಾನ್ಯತೆ, ಕರೆ ಮತ್ತು ಸಂದೇಶ ಸೌಲಭ್ಯಗಳಲ್ಲಿ ಯಾವುದೇ ವ್ಯತ್ಯಾಸವಿಲ್ಲ. ಆದರೆ ದಿನದ ಡೇಟಾ ಅಗತ್ಯವನ್ನು ಆಧರಿಸಿ ಬಳಕೆದಾರರು ಆಯ್ಕೆ ಮಾಡಿಕೊಳ್ಳಬೇಕು.

2.6GB ಡೇಟಾ ಸಾಕು ಎನ್ನುವವರಿಗೆ ಕಡಿಮೆ ದರದ 2,626 ರೂ. ಪ್ಲಾನ್ ಸೂಕ್ತವಾಗಿದ್ದರೆ, ಸ್ವಲ್ಪ ಹೆಚ್ಚು ಡೇಟಾ ಬೇಕಾದವರಿಗೆ ರೂ. 2,799 ಪ್ಲಾನ್ ಉತ್ತಮ ಆಯ್ಕೆಯಾಗಿದೆ. ಈ ಪ್ಲಾನ್‌ಗಳನ್ನು BSNL ಸೆಲ್ಫ್‌ಕೇರ್ ಆ್ಯಪ್, ಅಧಿಕೃತ BSNL ವೆಬ್‌ಸೈಟ್ ಹಾಗೂ ಮಾನ್ಯತೆ ಪಡೆದ ಡಿಜಿಟಲ್ ರೀಚಾರ್ಜ್ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಸಕ್ರಿಯಗೊಳಿಸಬಹುದು. ಇದರಿಂದ ಗ್ರಾಹಕರು ಅಂಗಡಿಗೆ ಹೋಗದೆಲೇ ಸುಲಭವಾಗಿ ರೀಚಾರ್ಜ್ ಮಾಡಿಕೊಳ್ಳಬಹುದು.

ಒಟ್ಟಿನಲ್ಲಿ, BSNL ನ ಈ ವಾರ್ಷಿಕ ಪ್ಲಾನ್‌ಗಳು ಬಜೆಟ್ ಸ್ನೇಹಿ ದರದಲ್ಲಿ ಒಂದು ವರ್ಷದ ನಿರಂತರ ಸಂಪರ್ಕವನ್ನು ಬಯಸುವ ಭಾರತೀಯ ಬಳಕೆದಾರರಿಗೆ ಉತ್ತಮ ಆಯ್ಕೆಯಾಗಿ ಕಾಣಿಸುತ್ತಿವೆ. ಈ ಕುರಿತಂತೆ ನಿಮ್ಮ ಅನಿಸಿಕೆ ಏನು?, ಈ ಎರಡು ರೀಚಾರ್ಜ್ ಯೋಜನೆಗಳಲ್ಲಿ ನಿಮಗೆ ಇಷ್ಟವಾದ ಯೋಜನೆ ಯಾವುದು? ಈ ಯೋಜನೆಗಳಿಂದ BSNL ಕಂಪೆನಿಯು ಹೆಚ್ಚುವರಿ ಗ್ರಾಹಕರನ್ನು ಸೆಳೆಯಲು ಸಾಧ್ಯವಾಗಲಿದೆಯಾ ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.