ಹೇಗಿದೆ 'ಐಮ್ಯಾಕ್ ಪ್ರೊ'!
ಇದೇ ಮೊದಲ ಬಾರಿಗೆ 21.5 ಇಂಚು ಐಮ್ಯಾಕ್, ರೆಟಿನಾ 4ಕೆ ಡಿಸ್‌ಪ್ಲೇ ಜತೆ 27 ಇಂಚುಗಳ ಐಮ್ಯಾಕ್ ರೆಟಿನಾ 5ಕೆ ಡಿಸ್‌ಪ್ಲೇ ಪರಿಚಯಿಸಲಾಗಿದೆ. 4ಕೆ ಹಾಗೂ 5ಕೆ ಡಿಸ್‌ಪ್ಲೇ ಜತೆಗೆ 14.7 ಮಿಲಿಯನ್ ಪಿಕ್ಸೆಲ್ , 1 ಬಿಲಿಯನ್ ಕಲರ್, 4ಕೆ ವೀಡಿಯೋ ಇತ್ಯಾದಿ ಫೀಚರ್ಸ್‌ಗಳನ್ನು 'ಐಮ್ಯಾಕ್ ಪ್ರೊ' ಹೊಂದಿದೆ. ಇದು ಆಪಲ್ ತಂದಿರುವ ಭವಿಷ್ಯದ ಫೀಚರ್ಸ್‌ಗಳಾಗಿವೆ.
'ಐಮ್ಯಾಕ್ ಪ್ರೊ' ಪ್ರೊಸೆಸರ್
ಮೊದಲೇ ಹೇಳಿದಂತೆ, 'ಐಮ್ಯಾಕ್ ಪ್ರೊ' 2.3 GHz 18 ಕೋರ್ ಇಂಟೆಲ್ ಕ್ಸಿಯೋನ್ ಡಬ್ಲ್ಯು ಪ್ರೊಸೆಸರ್ ಹೊಂದಿದೆ. ಈ ಪ್ರೊಸೆಸರ್ 256GB RAM ಮತ್ತು ರೇಡಿಯೋನ್ ಪ್ರೊ ವೇಗಾ 64ಎಕ್ಸ್ ಗ್ರಾಫಿಕ್ಸ್ ಜೊತೆಗೆ ಸಂಯೋಗ ಹೊಂದಿದ್ದು, ಹೊಸ ಅಪ್‌ಗ್ರೇಡ್ ಆಯ್ಕೆಗಳು ಟೆಕ್ ಜಗತ್ತಿನಲ್ಲಿ ಹೆಚ್ಚಿನ ಆಸಕ್ತಿಯನ್ನು ಮೂಡಿಸಿದೆ. ಐಮ್ಯಾಕ್ ಪ್ರೊ ಕಾರ್ಯನಿರ್ವಹಣೆ ಕೂಡ ಗಮನಸೆಳೆದಿದೆ.
ಬೆಳಕಿನ ವೇಗದಲ್ಲಿ ಕೆಲಸ?
9ನೇ ತಲೆಮಾರಿನ ಕ್ವಾಡ್ ಕೋರ್ ಹಾಗೂ ಮೊದಲ ಬಾರಿಗೆ 6 ಕೋರ್ ಪ್ರೊಸೆಸರ್‌ಗಳನ್ನು ಹೊತ್ತು 'ಐಮ್ಯಾಕ್ ಪ್ರೊ' ಬಿಡುಗಡೆಯಾಗಿದೆ. ಇದು ಹಿಂದಿಗಿಂತಲೂ ಶೇಕಡಾ 60ರಷ್ಟು ಹೆಚ್ಚು ವೇಗದಲ್ಲಿ ಕಾರ್ಯ ನಿರ್ವಹಿಸಲು ನೆರವಾಗಲಿದೆ. ಹಾಗಾಗಿ, ಆರು ಹಾಗೂ ಎಂಟು ಕೋರ್ ಪ್ರೊಸೆಸರ್‌ಗಳಲ್ಲಿ 'ಐಮ್ಯಾಕ್ ಪ್ರೊ' ಕಾರ್ಯನಿರ್ವಹಣೆ ಕೂಡ ಬೆಳಕಿನ ವೇಗದಲ್ಲಿರುತ್ತದೆ.
ಇತರೆ ಏನೆಲ್ಲಾ ಫೀಚರ್ಸ್?
14.7 ಮಿಲಿಯನ್ ಪಿಕ್ಸೆಲ್, 1 ಬಿಲಿಯನ್ ಕಲರ್ಸ್, 500 ಬ್ರೈಟ್‌ನೆಟ್ ನಿಟ್ಸ್, ರೆಡಿಯನ್ ಪ್ರೊ ವೆಗಾ ಗ್ರಾಫಿಕ್ಸ್ ಮತ್ತು ಪಿ3 ವೈಡ್ ಕಲರ್ ಗ್ಯಾಮಟ್ ( ಫುಲ್ ರೆಸಲ್ಯೂಶನ 4k ವಿಡಿಯೋ ಎಡಿಟ್ ಮಾಡುವ ಫೀಚರ್)ಗಳು 'ಐಮ್ಯಾಕ್ ಪ್ರೊ'ನಲ್ಲಿ ಹೆಚ್ಚು ಗಮನಸೆಳೆಯುತ್ತಿವೆ. 9ನೇ ತಲೆಮಾರಿನ 6 ಮತ್ತು 8 ಕೋರ್‌ಗಳ ಪ್ರೊಸೆಸರ್‌ನಲ್ಲಿ ಇರುವುದು ಮತ್ತಿತರ ವಿಶೇಷತೆಗಳು.
'ಐಮ್ಯಾಕ್ ಪ್ರೊ' ಬೆಲೆಗಳು
ಭಾರತದಲ್ಲಿ ಐಮ್ಯಾಕ್ ಪ್ರೊನ ಎರಡು ಮಾದರಿಗಳು ಮಾತ್ರ ಲಭ್ಯವಿದ್ದು, 21.5 ಇಂಚುಗಳ ಐಮ್ಯಾಕ್ ಬೆಲೆ 1.19 ಲಕ್ಷ ರೂ.ಗಳಿಂದ ಪ್ರಾರಂಭವಾಗಲಿದೆ. ಇನ್ನು 27 ಇಂಚುಗಳ ಆವೃತ್ತಿಯು ಆರಂಭಿಕ ಬೆಲೆ 1.69 ಲಕ್ಷ ರೂ.ಗಳಿಂದ ಆರಂಭವಾಗಿದೆ. ಆದರೆ. 10 ಲಕ್ಷ ರೂ.ಗಳಿಗೂ ಹೆಚ್ಚು ಬೆಲೆಬಾಳುವ ಐಮ್ಯಾಕ್ ಪ್ರೊ ಮಾದರಿಯು ಭಾರತದಲ್ಲಿ ಬಿಡುಗಡೆಯಾಗುವ ಮಾಹಿತಿ ಇಲ್ಲ.