ಇದು ಮೋದಿ ಸರ್ಕಾರದ ಮಾಸ್ಟರ್‌ ಸ್ಟ್ರೋಕ್‌! ಏನಿದು ಶಾರ್ಕ್‌ ಟ್ಯಾಂಕ್‌ ಸಿಸ್ಟಂ!

ಭಾರತ ಸರ್ಕಾರ ಡಿಪಾರ್ಟ್‌ಮೆಂಟ್‌ ಆಫ್‌ ಟೆಲಿಕಮ್ಯುನಿಕೇಶನ್ಸ್ (DoT) ಬಂಡವಾಳ ಹೂಡಿಕೆಗಾಗಿ ಹೊಸ ಸಿಸ್ಟಂ ಅನ್ನು ಪರಿಚಯಿಸಿದೆ. ಬಂಡವಾಳಗಾರರ ಜೊತೆ ಸಂಪರ್ಕ ಸಾಧಿಸುವ ಸ್ಟಾರ್ಟ್‌ಅಪ್‌ಗಳಿಗೆ ಸಹಾಯ ಮಾಡಲು ಶಾರ್ಕ್ ಟ್ಯಾಂಕ್ ಸಿಸ್ಟಂ ಅನ್ನು ಪರಿಚಯಿಸಿದೆ. ಇದು ಮುಂದಿನ-ಪೀಳಿಗೆಯ ತಂತ್ರಜ್ಞಾನ ವಿಭಾಗಗಳ ಕ್ಷೇತ್ರದಲ್ಲಿ ಸರ್ಕಾರವು ಕಂಪನಿಗಳನ್ನು ಬೆಂಬಲಿಸುತ್ತಿದೆ.

ಹೌದು, ಭಾರತ ಸರ್ಕಾರ ಹೊಸ ಶಾರ್ಕ್‌ ಟ್ಯಾಂಕ್‌ ಸಿಸ್ಟಂ ಅನ್ನು ಪರಿಚಯಿಸಿದೆ. ಇದು ಸ್ಟಾರ್ಟ್‌ಅಪ್‌ಗಳಿಗೆ ಸಹಾಯ ಮಾಡಲಿದ್ದು, AI, 5G-ಶಕ್ತಗೊಂಡ ಡ್ರೋನ್‌ಗಳು, ಸೈಬರ್‌ ಸುರಕ್ಷತೆ ಕ್ಷೇತ್ರದಲ್ಲಿ ಕಂಪನಿಗಳನ್ನು ಬೆಂಬಲಿಸಲಿದೆ. ಇದರಿಂದ ಸ್ವದೇಶಿ ಸ್ಟಾರ್ಟ್‌ಅಪ್‌ಗಳಿಗೆ ಹೆಚ್ಚಿನ ಅವಕಾಶಗಳನ್ನು ಸೃಷ್ಟಿಸಲು ಸಾಧ್ಯವಾಗಲಿದೆ ಎನ್ನಲಾಗಿದೆ. ಹಾಗಾದ್ರೆ ಏನಿದು ಶಾರ್ಕ್ ಟ್ಯಾಂಕ್ ಸಿಸ್ಟಂ, ಇದರಿಂದಾಗುವ ಲಾಭಗಳೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಭಾರತ ಸರ್ಕಾರ ಟೆಕ್ನಾಲಜಿ ವಲಯದಲ್ಲಿ ಕಾರ್ಯನಿರ್ವಹಿಸುವ ಸ್ವದೇಶಿ ಸ್ಟಾರ್ಟ್‌ಅಪ್‌ಗಳಿಗೆ ಸಹಾಯ ಮಾಡಲು ಹೊಸ ಸಿಸ್ಟಂ ಪರಿಚಯಿಸಿದೆ. ಭಾರತದ ದೀರ್ಘಾವಧಿಯ ದೃಷ್ಟಿಯ ಅಡಿಯಲ್ಲಿ ಈ ಹೊಸ ಉಪಕ್ರಮವನ್ನು ತೆಗೆದುಕೊಳ್ಳಲಾಗಿದೆ. ಇದು ಜನಪ್ರಿಯ ಟಿವಿ ಶೋ ಶಾರ್ಕ್ ಟ್ಯಾಂಕ್ ಇಂಡಿಯಾದಂತೆಯೇ, ಕಂಪನಿಗಳು ಮತ್ತು ವಿಸಿಗಳ ನಡುವೆ ಮಧ್ಯವರ್ತಿಯಾಗಿ ಕಾರ್ಯನಿರ್ವಹಿಸುತ್ತಿದೆ.

ಇನ್ನು ಈ ಹೊಸ ಸಿಸ್ಟಂ ವಿಚಾರವಾಗಿ DoT ಆಯೋಜಿಸಿದ ಇತ್ತೀಚಿನ ಸಭೆಯಲ್ಲಿ, 25 ಕ್ಕೂ ಹೆಚ್ಚು ಸ್ಟಾರ್ಟ್‌ಅಪ್‌ಗಳು ತಮ್ಮ ವ್ಯವಹಾರಗಳನ್ನು ಭಾರತ, ಯುನೈಟೆಡ್ ಕಿಂಗ್‌ಡಮ್ ಮತ್ತು ಉಗಾಂಡಾದಿಂದ VC ಗಳಿಗೆ ಅನುಮತಿ ನೀಡಿವೆ. ಪ್ರಸ್ತುತ, ಕೆಲವು ಕಂಪನಿಗಳಿಗೆ ಹಣಕಾಸಿನ ಮಾತುಕತೆಗಳು ಮುಂದುವರಿದ ಹಂತದಲ್ಲಿದ್ದು, ಇತರ ಕಂಪೆನಿಗಳ ಜೊತೆಗೆ ಚರ್ಚೆಗಳು ನಡೆಯುತ್ತಿವೆ.

ಸದ್ಯ ಭಾರತ ಸರ್ಕಾರವು ಟೆಕ್ನಾಲಜಿ ಆಧಾರಿತ ಕಂಪನಿಗಳಿಗೆ ಸ್ವಾವಲಂಬಿ ಪರಿಸರ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು ಪ್ರಯತ್ನಿಸುತ್ತಿದೆ. ಇದು ಆರ್ & ಡಿ ಮತ್ತು ವಿನ್ಯಾಸದಿಂದ ಅಂತಿಮ ಉತ್ಪಾದನೆ ಮತ್ತು ಉತ್ಪಾದನೆಯವರೆಗೆ ಇರುತ್ತದೆ. ಅದರಲ್ಲೂ ದೂರಸಂಪರ್ಕ ಕ್ಷೇತ್ರದಲ್ಲಿ ಕಂಪನಿಗಳಿಗೆ ಸಹಾಯ ಮಾಡಲು ಈ ಸಿಸ್ಟಂ ಪರಿಚಯಿಸಿದೆ. ಇದು ವಿಶೇಷ ಟೆಲಿಕಾಂ ತಂತ್ರಜ್ಞಾನ ಅಭಿವೃದ್ಧಿ ನಿಧಿಯನ್ನು (ಟಿಟಿಡಿಎಫ್) ಹೊಂದಿದೆ.

ಇನ್ನು ಭಾರತವು ವಿಶ್ವದಲ್ಲಿ ವೇಗವಾಗಿ ಬೆಳೆಯುತ್ತಿರುವ ತಂತ್ರಜ್ಞಾನ ಮಾರುಕಟ್ಟೆಗಳಲ್ಲಿ ಒಂದಾಗಿದ್ದು, ಜಿಯೊ ಟೆಲಿಕಾಂ ಈಗಾಗಲೇ ದೇಶದಲ್ಲಿ 5G ನೆಟ್‌ವರ್ಕ್‌ ವೇಗದ ರೋಲ್‌ಔಟ್‌ಗಾಗಿ ವಿಶ್ವದಾಖಲೆ ಮಾಡಿದೆ. ಇಂತಹ ವಿಭಾಗದಲ್ಲಿ ಟೆಲಿಕಾಂ ವಲಯಕ್ಕೆ ಅಗತ್ಯವಿರುವ ಉಪಕರಣಗಳನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸುವುದು ಭಾರತ ಸರ್ಕಾರದ ಉದ್ದೇಶವಾಗಿದೆ. ಇದೆ ಕಾರಣಕ್ಕೆ ಸ್ವದೇಶಿ ಸ್ಟಾರ್ಟ್‌ಆಪ್‌ಳಿಗೆ ಅನುಕೂಕವಾಗುವಂತಹ ಸಿಸ್ಟಂ ಪರಿಚಯಿಸಲಾಗಿದೆ. ಇದರಿಂದ ಟೆಕ್ನಾಲಜಿ ವಲಯದಲ್ಲಿ ಸ್ವದೇಶಿ ಮೇನಿಯಾ ಇನ್ನಷ್ಟು ಪಸರಿಸಲು ಸಾದ್ಯವಾಗಲಿದೆ.

ಪ್ರಸ್ತುತ ಟೆಕ್ನಾಲಜಿ ವಲಯದಲ್ಲಿ ಹಲವು ಯೂನಿಟ್‌ಗಳನ್ನು ಆಮದು ಮಾಡಿಕೊಳ್ಳಲಾಗುತ್ತಿದೆ. ಸರ್ಕಾರದ ಪಿಎಲ್‌ಐ ಯೋಜನೆಯು ಜಾಗತಿಕ ಕಂಪನಿಗಳು ತಮ್ಮ ಉತ್ಪಾದನಾ ಕೇಂದ್ರಗಳನ್ನು ಭಾರತಕ್ಕೆ ಬದಲಾಯಿಸಲು ಪ್ರೋತ್ಸಾಹಿಸುತ್ತಿದೆ. ಈ ಯೋಜನೆಯಿಂದ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್‌ಗಳು ಇಲ್ಲಿಯವರೆಗೆ ಭಾರತದಲ್ಲಿ ಸಾಕಷ್ಟು ಪ್ರಯೋಜನ ಪಡೆದಿವೆ. ಇದರಿಂದ ಜನಪ್ರಿಯ ಬ್ರ್ಯಾಂಡ್‌ ಫೋನ್‌ಗಳು ಭಾರತದಲ್ಲಿಯೆ ಮೊಬೈಲ್‌ ಉತ್ಪಾದನೆ ಮಾಡಿ ಸಾಗರೋತ್ತರ ಮಾರುಕಟ್ಟೆಗಳಿಗೆ ರಫ್ತು ಮಾಡುತ್ತಿವೆ.

ಇದೆಲ್ಲದರ ಮುಂದುವರೆದ ಭಾಗವಾಗಿ ಸ್ಟಾರ್ಟ್‌ಅಪ್‌ಗಳಿಗೆ VC ಗಳೊಂದಿಗೆ ಸಂಪರ್ಕ ಸಾಧಿಸಲು ಸಹಾಯ ಮಾಡಲು ಸರ್ಕಾರದಿಂದ ಶಾರ್ಕ್‌ ಟ್ಯಾಂಕ್ ಸಿಸ್ಟಂ ಪರಿಚಯಿಸಿದೆ. ಇದು ದೇಶದಲ್ಲಿ ಸ್ಟಾರ್ಟಪ್ ಪರಿಸರ ವ್ಯವಸ್ಥೆಗೆ ಉತ್ತೇಜನವನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಕಳೆದ ದಶಕದಲ್ಲಿ, ಫ್ಲಿಪ್‌ಕಾರ್ಟ್, ಓಲಾ, ಸ್ವಿಗ್ಗಿ, ಲೆನ್ಸ್‌ಕಾರ್ಟ್, ಪೇಟಿಎಂ ಮತ್ತು ಇತರ ಹಲವು ದೊಡ್ಡ ಹೆಸರುಗಳನ್ನು ಒಳಗೊಂಡಿರುವ 100 ಯುನಿಕಾರ್ನ್ ಸ್ಟಾರ್ಟ್‌ಅಪ್‌ಗಳನ್ನು ಭಾರತ ನಿರ್ಮಿಸಿದೆ.