ಬಳಕೆದಾರರಿಗೆ ಹೊಸ ಆಯ್ಕೆಗಳನ್ನು ಪರಿಚಯಿಸಿದ ವಾಟ್ಸಾಪ್‌! ಉಪಯೋಗ ಕೇಳಿದ್ರೆ ವಾವ್ಹ್‌ ಅಂತೀರಾ

ಜನಪ್ರಿಯ ಮೆಸೇಜಿಂಗ್‌ ಪ್ಲಾಟ್‌ಫಾರ್ಮ್‌ ವಾಟ್ಸಾಪ್‌ ತನ್ನ ಬಳಕೆದಾರರಿಗೆ ಹೊಸ ಟೆಕ್ಸ್ಟ್‌ ಫಾರ್ಮ್ಯಾಟಿಂಗ್‌ ಆಯ್ಕೆಗಳನ್ನು ಪರಿಚಯಿಸಿದೆ. ಈ ಮೂಲಕ ಬಳಕೆದಾರರಿಗೆ ಸಂದೇಶಗಳನ್ನು ಕಳುಹಿಸುವಾಗ ಹೊಸ ಅನುಭವವನ್ನು ನೀಡುವುದಕ್ಕೆ ಮುಂದಾಗಿದೆ. ಇದರಿಂದ ವಾಟ್ಸಾಪ್‌ ಟೆಕ್ಸ್ಟ್‌ ಮೆಸೇಜ್‌ ಮಾಡುವವರಿಗೆ ಹೊಸ ಆಯ್ಕೆಗಳನ್ನು ಲಭ್ಯವಾಗಲಿದೆ.

ಹೌದು, WhatsApp ಹೊಸ ಪಠ್ಯ(ಟೆಕ್ಸ್ಟ್‌) ಫಾರ್ಮ್ಯಾಟಿಂಗ್ ಆಯ್ಕೆಗಳನ್ನು ಪರಿಚಯಿಸಿದೆ. ಇದು ಜನರು ತಮ್ಮ ಸಂದೇಶಗಳನ್ನು ಉತ್ತಮ ರೀತಿಯಲ್ಲಿ ಸಂಘಟಿಸುವುದಕ್ಕೆ ಸಹಾಯ ಮಾಡಲಿದೆ. ಇನ್ನು ಈ ಹೊಸ ಆಯ್ಕೆಗಳಲ್ಲಿ ಬುಲೆಟ್ ಲಿಸ್ಟ್‌, ಸಂಖ್ಯೆಯ ಪಟ್ಟಿಗಳು, ಬ್ಲಾಕ್ ಕೋಟ್‌ಗಳು ಮತ್ತು ಇನ್‌ಲೈನ್ ಕೋಡ್ ಸೇರಿವೆ. ಹಾಗಾದ್ರೆ ವಾಟ್ಸಾಪ್‌ನಲ್ಲಿ ಈ ಹೊಸ ಆಯ್ಕೆಗಳನ್ನು ಬಳಸುವುದು ಹೇಗೆ? ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಮುಂದೆ ಓದಿರಿ.

ವಾಟ್ಸಾಪ್‌ ಪರಿಚಯಿಸಿರುವ ಹೊಸ ಫೀಚರ್ಸ್‌ ಎಲ್ಲಾ ಆಂಡ್ರಾಯ್ಡ್, ಐಒಎಸ್, ವೆಬ್ ಮತ್ತು ಮ್ಯಾಕ್ ಡೆಸ್ಕ್‌ಟಾಪ್ ಬಳಕೆದಾರರಿಗೆ ಲಭ್ಯವಿರುತ್ತದೆ ಎಂದು ವಾಟ್ಸಾಪ್‌ ಖಚಿತಪಡಿಸಲಿದೆ. ಇನ್ನು ಈ ಹೊಸ ಟೆಕ್ಸ್ಟ್‌ ಫಾರ್ಮ್ಯಾಟಿಂಗ್ ಆಯ್ಕೆಗಳನ್ನು ಎಲ್ಲಾ ಚಾನಲ್ ಅಡ್ಮಿನ್ಸ್ ತಮ್ಮ ಚಾನಲ್‌ಗಳಲ್ಲಿ ಪೋಸ್ಟ್‌ಗಳನ್ನು ಹಂಚಿಕೊಳ್ಳಲು ಸಹ ಪ್ರವೇಶಿಸಬಹುದು. ವಾಟ್ಸಾಪ್‌ ಪರಿಚಯಿಸಿರುವ ಟೆಕ್ಸ್ಟ್‌ ಫಾರ್ಮ್ಯಾಟಿಂಗ್ ಆಯ್ಕೆಗಳ ವಿವರಗಳು ಈ ಕೆಳಗಿನಂತಿವೆ.

ಬುಲೆಟ್ ಪಟ್ಟಿಗಳು
ಬುಲೆಟ್ ಲಿಸ್ಟ್‌ ಫಾರ್ಮ್ಯಾಟ್‌ ಬಳಕೆದಾರರಿಗೆ ವಿವರವಾದ ರೀತಿಯಲ್ಲಿ ಸ್ಟೆಪ್ಸ್‌ಗಳನ್ನು ಸಂಘಟಿಸುವುದಕ್ಕೆ ಸಹಾಯ ಮಾಡಲಿದೆ. ಇದು ಸಂದೇಶದಲ್ಲಿನ ಪ್ರಮುಖ ಅಂಶಗಳನ್ನು ಹೈಲೈಟ್ ಮಾಡುವುದಕ್ಕೆ ಕೂಡ ಬಳಕೆಯಾಗಲಿದೆ. ಜೊತೆಗೆ ಬುಲೆಟ್ ಪಾಯಿಂಟ್ ಫಾರ್ಮ್ಯಾಟ್ ಅನ್ನು ಟೈಪ್ ಮಾಡುವ ಮೂಲಕ ಪ್ರವೇಶಿಸಬಹುದು. ಅಂದರೆ ಚಿಹ್ನೆ, ನಂತರ ಒಂದು ಸ್ಪೇಸ್ ಮೂಲಕ ಬಳಕೆ ಮಾಡಬಹುದಾಗಿದೆ.

ಸಂಖ್ಯೆಯ ಪಟ್ಟಿಗಳು
ಸಂಖ್ಯೆಯ ಪಟ್ಟಿ ಫಾರ್ಮ್ಯಾಟಿಂಗ್‌ ಆಯ್ಕೆಯು ಬುಲೆಟ್ ಲಿಸ್ಟ್‌ನಂತೆಯೆ ಬಳಕೆಯಾಗಲಿದೆ. ಟೆಕ್ಸ್ಟ್‌ ಸಂದೇಶವನ್ನು ಒಂದು ನಿರ್ದಿಷ್ಟ ಕ್ರಮದಲ್ಲಿ ಪ್ರಸ್ತುತಪಡಿಸಲು ಸಹಾಯ ಮಾಡಲಿದೆ. ಈ ಆಯ್ಕೆಯನ್ನು ಪ್ರವೇಶಿಸಲು, 1 ಅಥವಾ 2 ಅಂಕೆಗಳನ್ನು ಟೈಪ್ ಮಾಡಿ ನಂತರ ಒಂದು ಅವಧಿ ಮತ್ತು ಒಂದು ಸ್ಪೇಸ್ ಟ್ಯಾಪ್‌ ಮಾಡಿದರೆ ಲಭ್ಯವಾಗಲಿದೆ.

ಬ್ಲಾಕ್ ಕೋಟ್
ಬ್ಲಾಕ್ ಕೋಟ್ ಫಾರ್ಮ್ಯಾಟ್ ಆಯ್ಕೆಯು ಬಳಕೆದಾರರಿಗೆ ಮೇನ್‌ ಟೆಕ್ಸ್ಟ್‌ ಅನ್ನು ಹೈಲೈಟ್ ಮಾಡಲಿದೆ. ಇದು ಟೆಕ್ಸ್ಟ್‌ನ ಉಳಿದ ಭಾಗದಿಂದ ಪ್ರತ್ಯೇಕವಾಗಿಸಲು ಮತ್ತು ಓದುಗರ ಗಮನವನ್ನು ಸೆಳೆಯಲು ಅನುಕೂಲವಾಗಲಿದೆ. ಇದಲ್ಲದೆ ಬಳಕೆದಾರರು > ಚಿಹ್ನೆಯನ್ನು ಟೈಪ್ ಮಾಡುವ ಮೂಲಕ ಮೇನ್‌ ಟೆಕ್ಸ್ಟ್‌ ಅನ್ನು ಹೈಲೈಟ್ ಮಾಡಬಹುದಾಗಿದೆ.

ಇನ್ಲೈನ್ ಕೋಡ್
ಒಂದು ವಾಕ್ಯದಲ್ಲಿ ಮಾಹಿತಿಯನ್ನು ಹೈಲೈಟ್ ಮಾಡಲು ಇನ್‌ಲೈನ್ ಕೋಡ್ ಉತ್ತಮ ಆಯ್ಕೆಯಾಗಿದೆ. ಅಗತ್ಯವಿರುವ ಪಠ್ಯದ ಮೊದಲು ಮತ್ತು ನಂತರ ಚಿಹ್ನೆಯನ್ನು ಸೇರಿಸುವ ಮೂಲಕ ವೈಶಿಷ್ಟ್ಯವನ್ನು ಪ್ರವೇಶಿಸಬಹುದು.

ಈ ಹೊಸ ಫಾರ್ಮ್ಯಾಟಿಂಗ್ ಆಯ್ಕೆಗಳು ವಾಟ್ಸಾಪ್‌ನಲ್ಲಿ ಇಂದಿನಿಂದಲೇ ಲಭ್ಯವಿವೆ. ಇನ್ನು ಕೂಡ ನಿಮಗೆ ಲಭ್ಯವಾಗದೇ ಇದ್ದರೇ ಕೂಡಲೆ ನಿಮ್ಮ ವಾಟ್ಸಾಪ್‌ ಅನ್ನು ಅಪ್ಡೇಟ್‌ ಮಾಡಿರಿ.

ಇದಲ್ಲದೆ ವಾಟ್ಸಾಪ್‌ ತನ್ನ ಪ್ಲಾಟ್‌ಫಾರ್ಮ್‌ನಲ್ಲಿ ಫಿಶಿಂಗ್‌ ಮತ್ತು ನಕಲಿ ಲಿಂಕ್‌ಗಳ ಹಾವಳಿ ತಡೆಗಟ್ಟುವುದಕ್ಕಾಗಿ ಅಪರಿಚಿತ ಸಂಖ್ಯೆಗಳು ಮತ್ತು ಸಂಖ್ಯೆಯನ್ನು ವರದಿ ಮಾಡುವ ಫೀಚರ್ಸ್‌ಗಳನ್ನು ಪರಿಚಯಿಸುತ್ತಿದೆ. ವಾಟ್ಸಾಪ್‌ ಸಂಖ್ಯೆಗಳನ್ನು ವಿಶ್ಲೇಷಿಸಲಿದೆ ಹಾಗೂ ಪ್ಲಾಟ್‌ಫಾರ್ಮ್‌ನಿಂದ ಅಂತಹ ಅಕೌಂಟ್‌ಗಳನ್ನು ಶಾಶ್ವತವಾಗಿ ಡಿಲೀಟ್‌ ಮಾಡಲಿದೆ. ಅಂದರೆ ವಾಟ್ಸಾಪ್‌ನ ಇತ್ತೀಚಿನ ಆವೃತ್ತಿಯು ಬಳಕೆದಾರರಿಗೆ ಅಪ್ಲಿಕೇಶನ್ ಅನ್ನು ತೆರೆಯದೆಯೇ ಅಪರಿಚಿತ ಸಂಖ್ಯೆಯ ಬರುವ ಸಂದೇಶವನ್ನು ನಿರ್ಬಂಧಿಸಲು ಅನುಮತಿಸಲಿದೆ.

ಇದಲ್ಲದೆ ವಾಟ್ಸಾಪ್‌ ಲಾಕ್ ಸ್ಕ್ರೀನ್‌ನೊಳಗೆ ಸಂದೇಶವನ್ನು ಬ್ಲಾಕ್‌ ಮಾಡುವುದಕ್ಕಾಗಿ ಎರಡು ಆಯ್ಕೆಗಳನ್ನು ನೀಡುತ್ತದೆ. ಇದರಲ್ಲಿ ಪ್ರತ್ಯುತ್ತರ ನೀಡಿ ಮತ್ತು ಅವುಗಳನ್ನು ನಿಮ್ಮ ಸಂಪರ್ಕಕ್ಕೆ ಸೇರಿಸಿ ಅಥವಾ ನಿರ್ಬಂಧಿಸಿ ಮತ್ತು ಸಂಖ್ಯೆಯನ್ನು ವರದಿ ಮಾಡಿ ಆಯ್ಕೆಗಳು ಸೇರಿವೆ. ಇದರ ಮೇಲೆ, ಇದು ಸುರಕ್ಷತಾ ಡಿವೈಸ್‌ಗಳಿಗೆ ಪ್ರವೇಶವನ್ನು ಸಹ ನೀಡುತ್ತದೆ. ಇದರಿಂದ ವಾಟ್ಸಾಪ್‌ ಬಳಕೆದಾರರಿಗೆ ಸಾಕಷ್ಟು ಅನುಕೂಲವಾಗಲಿದೆ. ಇದು ಬಳಕೆದಾರರು ಅನಗತ್ಯ ಸಂಪರ್ಕವನ್ನು ತ್ವರಿತವಾಗಿ ಗುರುತಿಸುವುದಕ್ಕೆ ಮತ್ತು ಬ್ಲಾಕ್‌ ಮಾಡುವುದಕ್ಕೆ ಅವಕಾಶ ಸಿಗಲಿದೆ.