ಎಲ್ಲರೂ ಕಾಯುತ್ತಿರುವ ವಾಟ್ಸ್ ಆಪ್ ನ 5 ಫೀಚರ್ ಗಳು 2019 ರಲ್ಲಿ ಬಿಡುಗಡೆ

ಡಾರ್ಕ್ ಮೋಡ್:

ಫೇಸ್ ಬುಕ್ ಮಾಲೀಕತ್ವದ ವಾಟ್ಸ್ ಆಪ್ ನಲ್ಲಿ ಡಾರ್ಕ್ ಮೋಡ್ ಫೀಚರ್ ಬಹಳ ದಿನಗಳಿಂದ ಕಾಯುತ್ತಿರುವ ಫೀಚರ್ ಆಗಿದೆ. ಈ ಬಗೆಗಿನ ವದಂತಿಗಳು ಕಳೆದ ಹಲವು ದಿನಗಳಿಂದ ಹರಡುತ್ತಲೇ ಇದೆ. ಈಗಾಗಲೇ ಈ ಫೀಚರ್ ಡೆವಲಪ್ ಮೆಂಟ್ ಹಂತದಲ್ಲಿದ್ದು 2019 ರಲ್ಲಿ ನಿರೀಕ್ಷಿಸಬಹುದಾಗಿದೆ.ಡಾರ್ಕ್ ಮೋಡ್ ಫೀಚರ್ ಬರುವುದರಿಂದ ಹಲವು ಲಾಭಗಳಿದೆ. ಇದು ಕಣ್ಣುಗಳಿಗೆ ಆರಾಮದಾಯಕವಾಗಿರುತ್ತದೆ ಮತ್ತು ವಾಟ್ಸ್ ಆಪ್ ಗೆ ಹೊಸ ಲುಕ್ ನೀಡುತ್ತದೆ. ಇದು ನಿಮ್ಮ ಡಿವೈಸಿನ ಬ್ಯಾಟರಿಯನ್ನು ಉಳಿಸುತ್ತದೆ ಅದರಲ್ಲೂ ಪ್ರಮುಖವಾಗಿ OLED ಡಿಸ್ಪ್ಲೇ ಇರುವ ಫೋನ್ ಗಳಲ್ಲಿ ಅಧಿಕವಾಗಿ ಬ್ಯಾಟರಿಯ ಉಳಿತಾಯವಾಗುತ್ತದೆ.

ವಾಟ್ಸ್ ಆಪ್ ಸ್ಟೇಟಸ್ ಚೆಕ್ ಮಾಡುವುದಕ್ಕಾಗಿ 3ಡಿ ಟಚ್

ಇದು ಐಫೋನ್ ಎಕ್ಸ್ ಕ್ಲೂಸೀವ್ ಫೀಚರ್ ಆಗಿರುತ್ತದೆ. ಇದು ಆಪಲ್ ಐಫೋನ್ ಬಳಕೆದಾರರಿಗೆ 3ಡಿ ಟಚ್ ಮೂಲಕ ಸ್ಟೇಟಸ್ ಪರೀಕ್ಷೆಗೆ ಅವಕಾಶ ನೀಡುತ್ತದೆ. ನೀವು ಸೀಕ್ರೆಟ್ ಆಗಿ ಯಾವುದಾದರೂ ವ್ಯಕ್ತಿಯ ಸ್ಟೋರಿಯನ್ನು ಗಮನಿಸುತ್ತಿದ್ದರೆ ಇದು ರೀಡ್ ರಿಸಿಪ್ಟ್ ಮೆಸೇಜ್ ನ್ನು ಆ ವ್ಯಕ್ತಿಗೆ ಕಳುಹಿಸುವುದಿಲ್ಲ..

ವಾಟ್ಸ್ ಆಪ್ ನಲ್ಲಿ ಬೆರಳಚ್ಚು ದೃಢೀಕರಣ:

ವಾಟ್ಸ್ ಆಪ್ ಫಿಂಗರ್ ಪ್ರಿಂಟ್ ದೃಢೀಕರಣ ಫೀಚರ್ ವಾಟ್ಸ್ ಆಪ್ ಬಳಕೆದಾರರಿಗೆ ಹೆಚ್ಚುವರಿ ಸೆಕ್ಯುರಿಟಿಯನ್ನು ನೀಡುತ್ತದೆ. ಪ್ರತಿಬಾರಿ ಅವರು ವಾಟ್ಸ್ ಆಪ್ ತೆರೆಯುವಾಗಲು ಫಿಂಗರ್ ಪ್ರಿಂಟ್ ಬಳಸಲು ಇದು ಅವಕಾಶ ನೀಡುತ್ತದೆ.

ಕನ್ಸಗೇಟಿವ್ ವಾಯ್ಸ್ ಮೆಸೇಜ್ ಗಳು:

ಕನ್ಸಗೇಟಿವ್ ವಾಯ್ಸ್ ಮೆಸೇಜ್ ಫೀಚರ್ ಈಗಾಗಲೇ ವಾಟ್ಸ್ ಆಪ್ ನ ಆಂಡ್ರಾಯ್ಡ್ ಬೇಟಾ ವರ್ಷನ್ 2.19.86 ನಲ್ಲಿ ಲಭ್ಯವಿದೆ. ಹಲವು ವಾಯ್ಸ್ ಮೆಸೇಜ್ ಗಳು ನಿಮ್ಮ ವಾಟ್ಸ್ ಆಪ್ ಇನ್ ಬಾಕ್ಸ್ ನಲ್ಲಿದ್ದರೆ ನೀವು ಪ್ರತಿಯೊಂದನ್ನು ಕ್ಲಿಕ್ಕಿಸುತ್ತಾ ಕುಳಿತುಕೊಳ್ಳುವ ಅಗತ್ಯವಿಲ್ಲ. ಒಂದು ವಾಯ್ಸ್ ಮೆಸೇಜ್ ನ್ನು ಪ್ಲೇ ಮಾಡಿದರೆ ಅದು ಮುಗಿದ ಕೂಡಲೇ ಇನ್ ಬಾಕ್ಸ್ ನಲ್ಲಿ ಮತ್ತೊಂದು ತೆರೆಯದ ವಾಯ್ಸ್ ಮೆಸೇಜ್ ಸ್ವಯಂಚಾಲಿತವಾಗಿ ಪ್ಲೇ ಆಗುತ್ತದೆ. ಅಷ್ಟೇ ಅಲ್ಲ ಒಂದು ವಾಯ್ಸ್ ಮೆಸೇಜ್ ಮುಗಿದ ಕೂಡಲೇ ಬಳಕೆದಾರರಿಗೆ ಸೌಂಡ್ ಪ್ಲೇ ಆಗುವ ಮೂಲಕ ಮುಂದಿನ ವಾಯ್ಸ್ ಮೆಸೇಜ್ ಬಗ್ಗೆ ಬಳಕೆದಾರರಿಗೆ ಮಾಹಿತಿಯನ್ನು ನೀಡಲಾಗುತ್ತದೆ. ಅದರ ಮಧ್ಯೆ ಬಳಕೆದಾರರು ಯಾವುದೇ ಆಕ್ಷನ್ ಮಾಡುವ ಆಗತ್ಯವಿರುವುದಿಲ್ಲ.

ಕಾಂಟ್ಯಾಕ್ಟ್ಸ್ ರ್ಯಾಂಕಿಂಗ್

ಆಂಡ್ರಾಯ್ಡ್ ನಲ್ಲಿ ವಾಟ್ಸ್ ಆಪ್ ಕೆಲವೇ ದಿನಗಳಲ್ಲಿ ಕಾಂಟ್ಯಾಕ್ಟ್ಸ್ ರ್ಯಾಕಿಂಗ್ ಸಿಸ್ಟಮ್ ನ್ನು ಬಿಡುಗಡೆಗೊಳಿಸಲಿದೆ. ಅತೀ ಹೆಚ್ಚು ನೀವು ಯಾವ ಕಾಂಟ್ಯಾಕ್ಟ್ ನಂಬರ್ ನೊಂದಿಗೆ ಚರ್ಚೆ ಮಾಡುತ್ತೀರಿ ಅಥವಾ ಮಾತನಾಡುತ್ತೀರಿ ಎಂಬುದನ್ನು ಇದು ರ್ಯಾಂಕ್ ಮೂಲಕ ನೀಡುತ್ತದೆ.