ಬಂದಿದೆ 'ಪಬ್ಲಿಕ್ ಐ' ಆಪ್: ಹೆಲ್ಮೆಟ್ ಇಲ್ಲದೇ ಗಾಡಿ ಓಡಿಸುವವರೇ ಹುಷಾರ್..!!!

ಸಾರ್ವಜನಿಕರು ಪೊಲೀಸರಾಗುವುದು ಹೇಗೆ..?

'ಪಬ್ಲಿಕ್‌ ಐ' ಆಂಡ್ರಾಯ್ಡ್ ಆಪ್‌ ಅನ್ನು ನಿಮ್ಮ ಫೋನಿನಲ್ಲಿ ಇನ್‌ಸ್ಟಾಲ್ ಮಾಡಿಕೊಳ್ಳಬೇಕಾಗಿದೆ. ಇದಕ್ಕಾಗಿ ಪ್ಲೇ ಸ್ಟೋರಿನಲ್ಲಿ 'ಪಬ್ಲಿಕ್‌ ಐ' ಡೌನ್‌ಲೋಡ್ ಮಾಡಿಕೊಳ್ಳಬೇಕಾಗಿದೆ. ಡೌನ್‌ಲೋಡ್ ಮಾಡಿ ಇನ್‌ಸ್ಟಾಲ್ ಮಾಡಿಕೊಂಡ ನಂತರದಲ್ಲಿ ನಿಮ್ಮ ಇಮೇಲ್ ಇಲ್ಲವೇ ಫೇಸ್‌ಬುಕ್ ಮೂಲಕ ಲಾಗ್ ಇನ್ ಆಗಬೇಕಾಗಿದೆ.

ನಂತರ ಮಾಡುದೇನು..?

'ಪಬ್ಲಿಕ್‌ ಐ' ಆಂಡ್ರಾಯ್ಡ್ ಆಪ್‌ ಹಾಕಿಕೊಂಡು ಲಾಗ್ ಆದ ನಂತರದಲ್ಲಿ ಸಂಚಾರ ನಿಯಮ ಉಲ್ಲಂಘಿಸುವ ವಾಹನಗಳ ಫೋಟೋ ತೆಗೆದು ಆಪ್‌ ನಲ್ಲಿ ಲೋಡ್ ಮಾಡಬೇಕಾಗಿದೆ. ಸಂಚಾರಿ ನಿಯಮ ಉಲ್ಲಂಘಿಸಿದ ವಾಹನ ಸಂಖ್ಯೆ, ಸಂಚಾರ ಉಲ್ಲಂಘನೆಯ ಮಾದರಿ, ದಿನಾಂಕ, ಸಮಯ, ಸ್ಥಳವನ್ನು ನಮೂದಿಸಿ ತೆಗೆದ ಫೋಟೋವನ್ನು ಹಾಕಬೇಕಾಗಿದೆ. ಇದೆಲ್ಲವನ್ನು ನೀವು ಬರೆಯುವ ಅಗತ್ಯವಿಲ್ಲ. ಅಲ್ಲಿಯೇ ಆಯ್ಕೆಗಳಿರಲಿದ್ದು, ಅವುಗಳನ್ನು ತುಂಬಿದರೆ ಸಾಕು.

ಯಾವ ವಿಷಯಗಳ ಕುರಿತು ದೂರು ದಾಖಲಿಸಬಹುದು..?

• ನೋ ಪಾರ್ಕಿಂಗ್ ನಲ್ಲಿ ವಾಹನ ನಿಲ್ಲಿಸಿದ್ದರೆ
• ಒನ್ ವೇ/ ನೋ ಎಂಟ್ರಿಯಲ್ಲಿ ವಾಹನ ಓಡಿಸುತ್ತಿದ್ದರೆ
• ಫುಟ್ ಪಾತ್ ಮೇಲೆ ವಾಹನ ಪಾರ್ಕಿಂಗ್ ಮಾಡಿದ್ದರೆ
• ಫುಟ್ ಪಾತ್ ಮೇಲೆ ವಾಹನ ಚಲಾಯಿಸಿದರೆ
• ಹೆಲ್ಮೆಟ್ ಇಲ್ಲದೆ ವಾಹನ ಚಾಲನೆ ಮಾಡುತ್ತಿದ್ದರೆ
• ಹಾಳಾಗಿರುವ ನಂಬರ್ ಪ್ಲೇಟ್ ಹೊಂದಿದ್ದರೆ
• ಕಾರಿನಲ್ಲಿ ಸೀಟ್ ಬೆಲ್ಟ್ ಧರಿಸದಿದ್ದರೆ



ಇವುಗಳ ಕುರಿತು ದೂರು ದಾಖಲಿಸಬಹುದು:

• TRF ದೀಪದ ಬಳಿ ಅಥವಾ ಜೀಬ್ರಾ ಕ್ರಾಸಿಂಗ್ ನಿಯಮ ಉಲ್ಲಂಘನೆ ಮಾಡಿದರೆ
• ಯೂ ಟರ್ನ್ ಇಲ್ಲದ ಕಡೆ ಯೂ ಟರ್ನ್ ತೆಗೆದುಕೊಂಡರೆ
• ತ್ರಿಬ್ಬಲ್ ರೈಡಿಂಗ್, ವ್ಹೀಲಿಂಗ್ ಮಾಡುತ್ತಿದ್ದರೆ
  
• ಮೊಬೈಲ್ ಫೋನ್ ಬಳಸಿಕೊಂಡು ವಾಹನ ಚಾಲನೆ ಮಾಡುತ್ತಿದ್ದರೆ
  
• ಲೇನ್ ನಿಯಮ ಉಲ್ಲಂಘನೆ ಮಾಡಿದರೆ
  
• ಪಾರ್ಕಿಂಗ್ ನಿಯಮ ಉಲ್ಲಂಘನೆ ಮಾಡಿದರೆ
  
• ಕಾರಿನ ಗಾಜಿನ ಕಪ್ಪು ಹೊದಿಕೆ ಹಾಕಿಸಿಕೊಂಡಿದ್ದರೆ



ನೀವು ನೀಡಿದ ದೂರಿನ ಕುರಿತು ಪರಿಶೀಲನೆ ನಡೆಸಬಹುದು:

ಪಬ್ಲಿಕ್ ಐ ಮೂಲಕ ದೂರು ಸಲ್ಲಿಸಿದ ನಂತರದಲ್ಲಿ ಸಂಚಾರಿ ಪೊಲೀಸರು ಆ ದೂರಿನ ಕುರಿತು ಯಾವ ರೀತಿಯಲ್ಲಿ ಕ್ರಮವನ್ನು ಕೈಗೊಂಡರು ಎಂಬುದನ್ನು ನೀವು ಪರಿಶೀಲನೆ ನಡೆಸಬಹುದಾಗಿದೆ. ಐಚೇಂಜ್ ಸಿಟಿ.ಕಾಂ ಮೂಲಕ ದೂರಿನ ಬಗ್ಗೆ ಮಾಹಿತಿಯನ್ನು ಪಡೆದುಕೊಳ್ಳಬಹುದು.