ಮೇ 12ಕ್ಕೆ ಮತದಾನ ಮಾಡಿ: ಅದಕ್ಕೂ ಮುನ್ನ ಈ ಆಪ್ ಹಾಕಿಕೊಳ್ಳಿ..!

ಪ್ಲೇ ಸ್ಟೋರಿನಲ್ಲಿ ಲಭ್ಯ:

ಚುನಾವಣಾ ಹೆಸರಿನಲ್ಲಿಯೇ ಇರುವ ಆಪ್ ಗೂಗಲ್ ಪ್ಲೇ ಸ್ಟೋರಿನಲ್ಲಿ ಲಭ್ಯವಿದ್ದು, ಚುನಾವಣಾಧಿಕಾರಿಗಳ ಕಚೇರಿ, ಕರ್ನಾಟಕ ರಾಜ್ಯ ದೂರ ಸಂವೇದಿ ಆನ್ವಯಿಕ ಕೇಂದ್ರದ ಸಹಯೋಗದೊಂದಿಗೆ ಈ ಆಪ್ ಅನ್ನು ಅಭಿವೃದ್ಧಿ ಪಡಿಸಲಾಗಿದೆ.

ಚುನಾವಣೆಯ ಸಮಗ್ರ ಮಾಹಿತಿ:

"ಚುನಾವಣಾ ಆಪ್‌" ಗುಣಮಟ್ಟದಿಂದ ಕೂಡಿದ್ದು, ರಾಜ್ಯದ 56,696 ಮತಕೇಂದ್ರಗಳು ಮತ್ತು ಅವುಗಳ ವಿಳಾಸ ಮ್ಯಾಪ್‌(ನಕಾಶೆ) ನೊಂದಿಗೆ ಲಭ್ಯವಿದ್ದು, ಚುನಾವಣೆಗೆ ಸಂಬಂಧಿಸಿದಂತೆ ಸಮಗ್ರ ಮಾಹಿತಿಯನ್ನು ಒಳಗೊಂಡಿದೆ.

ಹೆಚ್ಚು ಮಾಹಿತಿ:

ಆಪ್‌ನಲ್ಲಿ ಚುನಾವಣೆಗೆ ಸ್ಪರ್ಧಿಸುತ್ತಿರುವ ಅಭ್ಯರ್ಥಿಗಳ ಪಟ್ಟಿ, ಚುನಾವಣಾ ವೇಳಾ ಪಟ್ಟಿ, ಅಧಿಕಾರಿಗಳ ಪಟ್ಟಿ, ಸೇರಿದಂತೆ ಇಲ್ಲವೇ ತುರ್ತು ಸಂದರ್ಭಗಳಲ್ಲಿ ಹತ್ತಿರದ ಪೊಲೀಸ್‌ ಠಾಣೆ ಮತ್ತು ಆರೋಗ್ಯ ಕೇಂದ್ರದ ಮಾಹಿತಿಯೂ ದೊರೆಯಲಿದೆ.

ಮತದಾನದ ಬಗ್ಗೆ:

ಇದಲ್ಲದೇ ಮತದಾನ ಮಾಡಲು ಗಾಲಿ ಕುರ್ಚಿಯ ಅಗತ್ಯವಿದ್ದರೆ ಅನ್ನು ಆಪ್ ಮೂಲಕವೇ ಬುಕ್ ಮಾಡಬಹುದಾಗಿದೆ. ವಿಕಲಚೇತನರು ಮತ ಚಲಾಯಿಸಲು ಅಗತ್ಯವಿರುವ ಸಹಾಯ ಮತ್ತು ಮತಗಟ್ಟೆಯ ಸರದಿ ಬಗ್ಗೆಯೂ ಮಾಹಿತಿಯನ್ನು ಪಡೆದುಕೊಳ್ಳಬಹುದಾಗಿದೆ.

ಮತಗಟ್ಟೆ ಬಗ್ಗೆ:

ನಿಮ್ಮ ಸಮೀಪದ ಮತದಾನದ ಕೇಂದ್ರ ಯಾವುದು, ನಿಮ್ಮ ಗುರುತಿನ ಚೀಟಿಯೂ ಯಾವ ಪಟ್ಟಿಯಲ್ಲಿದೆ. ನೀವು ಮತದಾನ ಎಲ್ಲಿ ಮತದಾನ ಮಾಡಬೇಕು ಎಂಬುದರ ಬಗ್ಗೆ ಮಾಹಿತಿಯನ್ನು ಈ ಚುನಾವಣಾ ಆಪ್ ಮೂಲಕವೇ ಪಡೆದುಕೊಳ್ಳಬಹುದಾಗಿದೆ.

ಜಾಗೃತಿ:

ಈ ಆಪ್ ಮೂಲಕ ಸಾರ್ವಜನಿಕರು ನೇರವಾಗಿ ಅಧಿಕಾರಿಗಳೊಂದಿಗೆ ಸಂಪರ್ಕ ಸಾಧಿಸಲು ಸಾಧ್ಯವಾಗಲಿದ್ದು, ಪರಿಣಾಮಕಾರಿಯಾಗಿ ಚುನಾವಣೆ ನಡೆಸಲು ಮತ್ತು ಮಾದರಿ ನೀತಿ ಸಂಹಿತೆಯನ್ನು ಜಾರಿಗೆ ತರಲು ಸಾರ್ವಜನಿಕರು ತಮ್ಮ ಕೊಡುಗೆಯನ್ನು ನೀಡಬಹುದಾಗಿದೆ.

ಎಲ್ಲಾ ಸಂದರ್ಭದಲ್ಲಿಯೂ ಸಹಾಯಕಾರಿ:

ಚುನಾವಣಾ ಆಯೋಗವು ಎಲ್ಲಾ ಸಂದರ್ಭದಲ್ಲಿಯೂ ಸಾರ್ವಜನಿಕರಿಗೆ ಮಾಹಿತಿಯನ್ನು ನೀಡುವ ಸಲುವಾಗಿ ಈ ಆಪ್ ಬಿಡುಗಡೆ ಮಾಡಿದ್ದು, ಹೊಸ ಮತದಾರರಾಗಿ ಮತದಾರ ಪಟ್ಟಿಯಲ್ಲಿ ಹೆಸರು ಸೇರ್ಪಡೆ ಮಾಡಲು ಬಳಸಬಹುದಾಗಿದೆ.