ಆಂಡ್ರಾಯ್ಡ್‌ ಮೆಸೇಜ್ ಆಪ್‌ಗೆ ಬಂದಿದೆ ಮತ್ತಷ್ಟು ಬಲ..!

ಹುಡುಕಾಟ ನಡೆಸುವುದು ಹೇಗೆ?

ನೀವು ಮಾಡಬೇಕಾಗಿರುವುದು ಇಷ್ಟೇ. ಮೇಲ್ಬಾಗದಲ್ಲಿರುವ ಸರ್ಚ್ ಬಾರ್ ನ್ನು ಟ್ಯಾಪ್ ಮಾಡಬೇಕು ಮತ್ತು ಏನನ್ನು ಹುಡುಕಾಡಲು ಇಚ್ಛಿಸುತ್ತಿದ್ದೀರಿ ಎಂಬುದನ್ನು ನಮೂದಿಸಬೇಕು. ಅದರಲ್ಲಿ ಚಿತ್ರಗಳು, ವೀಡಿಯೋಗಳು, ಲಿಂಕ್ ಗಳು ಅಥವಾ ಶೇರ್ ಆಗಿರುವ ಲೋಕೇಷನ್ ಮಾಹಿತಿಗಳು ಅಥವಾ ಕಾಂಟ್ಯಾಕ್ಟ್ ಕೂಡ ಆಗಿರಬಹುದು. ಹಿಸ್ಟರಿಯ ಯಾವುದೇ ಮಾಹಿತಿಯನ್ನು ಕ್ಷಣಾರ್ಧದಲ್ಲಿ ಹುಡುಕಲು ಇದರಿಂದ ಸಾಧ್ಯವಾಗುತ್ತದೆ.

ಗ್ರೂಪ್ ಚಾಟ್ ಗೂ ಅನ್ವಯ:

ಹೌದು ಈ ಹೊಸ ವೈಶಿಷ್ಟ್ಯತೆಯ ಮೂಲಕ ಕೇವಲ ಒನ್-ಟು-ಒನ್ ಮಾತುಕತೆಯಲ್ಲಿನ ಚಾಟ್ ಹಿಸ್ಟರಿಯನ್ನು ಮಾತ್ರ ಹುಡುಕಬಹುದು ಎಂದುಕೊಳ್ಳಬೇಡಿ. ಬದಲಾಗಿ ಗ್ರೂಪ್ ಚಾಟ್ ನಲ್ಲಿರುವ ಮಾಹಿತಿಗಳನ್ನು ಕೂಡ ಹುಡುಕಾಟ ನಡೆಸುವುದಕ್ಕೆ ಅವಕಾಶವಿದೆ.

ಯಾವಾಗ ಬಿಡುಗಡೆಗೊಳ್ಳುತ್ತದೆ?

ಈಗಾಗಲೇ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಆಂಡ್ರಾಯ್ಡ್ ಮೆಸೇಜಿಂಗ್ ಬಳಕೆದಾರರು ಈ ವೈಶಿಷ್ಟ್ಯತೆಯನ್ನು ಇನ್ನೊಂದು ವಾರದಲ್ಲಿ ಪಡೆಯಲಿದ್ದಾರೆ. ಇದು ಆಪ್ ಅಪ್ ಡೇಟ್ ನ ಒಂದು ಭಾಗವಾಗಿ ಬಳಕೆದಾರರಿಗೆ ಲಭ್ಯವಾಗಲಿದೆ.

ಎಸ್ಎಂಎಸ್ ಗೆ ಆರ್ ಸಿಎಸ್ ಸೌಲಭ್ಯ:

ಆಂಡ್ರಾಯ್ಡ್ ಮೆಸೇಜಿಂಗ್ ಆಪ್ ಗೆ ಗೂಗಲ್ ಸಾಕಷ್ಟು ಬದಲಾವಣೆಗಳನ್ನು ತರುತ್ತಿದೆ. ಅದರಲ್ಲಿ ಒಂದು ಆರ್ ಸಿಎಸ್ ( ರಿಚ್ ಕಮ್ಯುನಿಕೇಷನ್ ಸರ್ವೀಸ್). ಇದು ಹೈ ರೆಸಲ್ಯೂಷನ್ ಚಿತ್ರಗಳನ್ನು ನೋಡಲು ಮತ್ತು ಇತರೆ ಹಲವು ಫೀಚರ್ ಗಳನ್ನು ಬಳಕೆದಾರರಿಗೆ ತರುತ್ತದೆ. ಇನ್ನೇನು ಕೆಲವೇ ದಿನಗಳಲ್ಲಿ ಎಸ್ಎಂಎಸ್ ಗೆ ಆರ್ ಸಿಎಸ್ ಲಭ್ಯವಾಗಲಿದೆ.

ಮೆಸೇಜ್ ಪ್ಲಾನ್ ಗಳ ಬದಲಾಗಿ ಡಾಟಾ ಪ್ಲಾನ್ ಗಳ ಬಳಕೆ:

ಗೂಗಲ್ ಈ ಆಂಡ್ರಾಯ್ಡ್ ಮೆಸೇಜ್ ಆಪ್ ನ್ನು ನಿಲ್ಲಿಸಲು ಮತ್ತು ಆರ್ ಸಿಎಸ್ ಮೂಲಕ ಚಾಟ್ ನ್ನು ಪರಿಚಯಿಸಲು ಯೋಜಿಸುತ್ತಿದೆ ಎಂದು ಹೇಳಲಾಗುತ್ತಿದೆ. ಆದರೆ ಈ ವಿಚಾರಕ್ಕೆ ಖಚಿತತೆ ಇಲ್ಲ ಮತ್ತು ಯಾವಾಗ ಆಗುತ್ತದೆ ಎಂಬ ಬಗ್ಗೆ ನಿಖರವಾದ ಮಾಹಿತಿಯೂ ಲಭ್ಯವಿಲ್ಲ. ಆರ್ ಸಿಎಸ್ ಮೆಸೇಜ್ ನಿಮ್ಮ ಮೆಸೇಜ್ ಪ್ಲಾನ್ ಗಳ ಬದಲಾಗಿ ಡಾಟಾ ಪ್ಲಾನ್ ನ್ನೇ ಬಳಕೆ ಮಾಡುತ್ತದೆ. ಆದರೆ ಒಂದು ವೇಳೆ ರಿಸೀವ್ ಮಾಡುವ ವ್ಯಕ್ತಿಯ ಸ್ಮಾರ್ಟ್ ಫೋನ್ ಆರ್ ಸಿಎಸ್ ನ್ನು ಬೆಂಬಲಿಸದೇ ಇದ್ದಲ್ಲಿ ರೆಗ್ಯುಲರ್ ಟೆಕ್ಸ್ಟ್ ಮೆಸೇಜ್ ನಂತೆಯೇ ಅದು ತಲುಪುತ್ತದೆ. ಅಷ್ಟೇ ಅಲ್ಲ ಈ ಚಾಟ್ ಆಪ್ ಐಮೆಸೇಜ್ ನಷ್ಟು ಸುರಕ್ಷತೆಯನ್ನು ನೀಡುವುದಿಲ್ಲ ಎಂದು ಹೇಳಲಾಗುತ್ತದೆ. ಯಾಕೆಂದರೆ ಎಸ್ಎಂಎಸ್ ನ ಕಾನೂನು ಮಾನದಂಡಗಳನ್ನೇ ಇದು ಬಳಸುತ್ತದೆ.