ಕಿವಿ ಕೇಳದವರಿಗೆ ಗೂಗಲ್‌ನಿಂದ ಹೊಸ ಆಪ್‌..!

ಹೇಗೆ ಕಾರ್ಯನಿರ್ವಹಿಸುತ್ತದೆ..?

ಲೈವ್‌ ಟ್ರಾನ್ಸ್‌ಸ್ಕ್ರೈಬ್‌ ಆಪ್‌ ಶ್ರವಣ ದೋಷವುಳ್ಳ ಜನರಿಗೆ ಟ್ರಾನ್ಸ್‌ಕ್ರಿಪ್ಷನ್‌ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ. ಮಾತಿನ ರೂಪದ ಪದಗಳು ಇಲ್ಲಿ ಅಕ್ಷರರೂಪ ಪಡೆದು ಡಿಸ್‌ಪ್ಲೇ ಮೇಲೆ ಕಾಣುತ್ತವೆ. ಇನ್ನು, ಸೌಂಡ್‌ ಆಂಪ್ಲಿಫಯರ್ ಆಪ್‌ ಭಾಗಶಃ ಶ್ರವಣ ದೋಷವುಳ್ಳ ಜನರಿಗೆ ಸ್ಪಷ್ಟ ಹಾಗೂ ಹೆಚ್ಚಿನ ಮಟ್ಟದ ಧ್ವನಿ ನೀಡುವ ಮೂಲಕ ಸಹಾಯ ಮಾಡುತ್ತದೆ.

ಕಸ್ಟಮೈಸ್ಡ್ ಶಬ್ಧವರ್ಧನೆ

ಸೌಂಡ್‌ ಆಂಪ್ಲಿಫಯರ್‌ ಆಪ್‌ನ್ನು ಗೂಗಲ್‌ I/O ಕಾರ್ಯಕ್ರಮದಲ್ಲಿ 2018ರಲ್ಲಿ ಘೋಷಣೆ ಮಾಡಲಾಯಿತು. ಸ್ಮಾರ್ಟ್‌ಫೋನ್‌ ಬಳಕೆದಾರರು ವೈಯರ್ ಹೆಡ್‌ಫೋನ್‌ಗಳೊಂದಿಗೆ ಶಬ್ಧಗಳನ್ನು ಫಿಲ್ಟರ್‌ ಮಾಡಲು, ಶಬ್ಧ ವರ್ಧಿಸಲು ಈ ಆಪ್‌ನ್ನು ಬಳಸಬಹುದು. ಈ ಆಪ್‌ ಸ್ತಬ್ಧ ಶಬ್ಧಗಳನ್ನು ಹೆಚ್ಚಿಸುತ್ತದೆ ಎಂದು ಹೇಳಿಕೊಂಡಿದ್ದು, ದೊಡ್ಡ ಶಬ್ಧಗಳನ್ನು ಈ ಆಪ್‌ ಹೆಚ್ಚಿಸುವುದಿಲ್ಲ. ಧ್ವನಿವರ್ಧನೆಯ ಸೆಟ್ಟಿಂಗ್‌ಗಳನ್ನು ಕಸ್ಟಮೈಸ್ ಮಾಡಲು ಮತ್ತು ಗದ್ದಲವನ್ನು ತೆಗೆದುಹಾಕಲು ಬಳಕೆದಾರರಿಗೆ ಅವಕಾಶ ಮಾಡಿಕೊಡುತ್ತದೆ.

ಟ್ರಾನ್ಸ್‌ಸ್ಕ್ರೈಬ್‌ ಆಪ್‌

ಇನ್ನು, ಲೈವ್‌ ಟ್ರಾನ್‌ಸ್ಕ್ರೈಬ್‌ ಆಪ್‌ 70ಕ್ಕೂ ಹೆಚ್ಚು ಭಾಷೆಗಳಲ್ಲಿ ಲಭ್ಯವಿದೆ. ಈ ಆಪ್‌ನ ಮುಖ್ಯ ಉದ್ದೇಶ ನೈಜ ಸಮಯದಲ್ಲಿ ಮೈಕ್ರೋಫೋನ್‌ನಲ್ಲಿ ಬಂದ ಮಾತುಗಳನ್ನು ಅಕ್ಷರ ರೂಪದಲ್ಲಿ ನೀಡುವುದಾಗಿದೆ. ಮಾತನಾಡಲು ಇಷ್ಟಪಡದ ಬಳಕೆದಾರರಿಗೆ ಟೈಪ್‌ ಬ್ಯಾಕ್‌ ಕೀಬೋರ್ಡ್‌ ಮೂಲಕ ದ್ವಿಮುಖ ಸಂಭಾಷಣೆಗೆ ಅವಕಾಶ ನೀಡುತ್ತದೆ. ಮತ್ತು ಟ್ರಾನ್ಸ್‌ಸ್ಕ್ರೈಬ್‌ನ ನಿಖರತೆಯನ್ನು ಸುಧಾರಿಸಲು ಬಾಹ್ಯ ಮೈಕ್ರೊಫೋನ್‌ಗಳೊಂದಿಗೆ ಸಂಪರ್ಕ ಸಾಧಿಸುತ್ತದೆ. ಬಳಕೆದಾರರು ಇದಕ್ಕೆ ಸೆಟ್ಟಿಂಗ್ಸ್‌ಗಳಲ್ಲಿ ಅಲ್ಪ ಬದಲಾವಣೆ ಮಾಡಬೇಕಾಗುತ್ತದೆ. ನಂತರ, ನ್ಯಾವಿಗೇಷನ್ ಬಾರ್‌ನಲ್ಲಿನ ಬಟನ್‌ನಿಂದ ಲೈವ್‌ ಲಿಪ್ಯಂತರವನ್ನು ಪ್ರಾರಂಭಿಸಬಹುದು.