ನಿಮ್ಮ ಐಫೋನ್ಗೆ ಉತ್ತಮ ಎನ್ಕ್ರಿಪ್ಶನ್ ಆಪ್ ಗಳಿವು!

ಏನಿದು ಎನ್ಕ್ರಿಪ್ಶನ್?

ಡೇಟಾ ಅಥವಾ ಮಾಹಿತಿಯ ಸುರಕ್ಷತೆಯ ದೃಷ್ಟಿಯಿಂದ ಡೇಟಾವನ್ನು ಅದರ ಮೂಲ ಸ್ವರೂಪದಿಂದ ವಿಭಿನ್ನ ಮತ್ತು ರಹಸ್ಯ ಕೋಡ್ ಸ್ವರೂಪಕ್ಕೆ ಬದಲಾಯಿಸುವುದನ್ನು ಎನ್ಕ್ರಿಪ್ಶನ್ ಎನ್ನುತ್ತಾರೆ.

ಈ ಲೇಖನದಲ್ಲಿ ನೀವು ನಿಮ್ಮ ಐಫೋನ್ ನಲ್ಲಿ ಬಳಸಬಹುದಾದ ಎನ್ಕ್ರಿಪ್ಶನ್ ಹೊಂದಿರುವ ಆಪ್ಗಳನ್ನು ಪಟ್ಟಿಮಾಡಿದ್ದೇವೆ.

ವಿಕರ್ ಮಿ

ಆಂಡ್ರಾಯ್ಡ್ ಮತ್ತು ಐಓಎಸ್ ಎರಡರಲ್ಲೂ ಲಭ್ಯವಿರುವ ವಿಕರ್ ಮಿ ಆಪ್ ನಲ್ಲಿದೆ ಎಂಡ್-ಟು-ಎಂಡ್ ಎನ್ಕ್ರಿಪ್ಶನ್ ಫೀಚರ್. ಅಲ್ಲದೆ ನಿಮ್ಮ ಮೆಸೇಜ್ಗಳಿಂದ ಟೈಮ್ಸ್ಟಾಂಪ್ ನಂತಹ ಮಾಹಿತಿಗಳನ್ನು ತೆಗೆಯಬಹುದು. ನಿರ್ದಿಷ್ಟ ಸಮಯದ ನಂತರ ಮೆಸೇಜ್ ಗಳು ತನ್ನಿಂತಾನೇ ಡಿಲೀಟ್ ಆಗುವಂತೆ ಸೆಟ್ ಕೂಡ ಮಾಡಬಹುದು ಈ ಅಪ್ನಲ್ಲಿ!

ಸೈಲೆಂಟ್

ಆಂಡ್ರಾಯ್ಡ್ ನ ಮೂಲ ಮೆಸೇಜಿಂಗ್ ಆಪ್ ಗೆ ಬದಲಿಯಾಗಿರುವ ಈ ಆಪ್ , ನಾವು ನಮ್ಮ ಮೊಬೈಲ್ನಲ್ಲಿ ಸ್ವೀಕರಿಸುವ ಎಲ್ಲಾ ಮೆಸೇಜ್ಗಳನ್ನು ಎನ್ಕ್ರಿಪ್ಟೆಡ್ ಡೇಟಾಬೇಸ್ ನಲ್ಲಿ ಸಂಗ್ರಹಿಸಿಡುತ್ತದೆ.ಮೆಸೆಜ್ ಕಳುಹಿಸುವವರು ಮತ್ತು ಸ್ವೀಕರಿಸುವವರಿಬ್ಬರೂ ಈ ಆಪ್ ಅನ್ನು ಬಳಸುತ್ತಿದ್ದರೆ,ಟೆಕ್ಸ್ಟ್ ಮತ್ತು ಮೀಡಿಯಾ ಮೆಸೇಜ್ ಕಳುಹಿಸಲು ಎಂಡ್-ಟು-ಎಂಡ್ ಎನ್ಕ್ರಿಪ್ಶನ್ ತಂತ್ರಜ್ಞಾನ ಬಳಸುತ್ತದೆ.

ಸಿಗ್ನಲ್

ಸಿಗ್ನಲ್ ಎಂಡ್-ಟು-ಎಂಡ್ ಎನ್ಕ್ರಿಪ್ಶನ್ ಹೊಂದಿರುವ ಮೆಸೇಜಿಂಗ್ ಆಪ್ ಆಗಿದ್ದು, ನಮ್ಮ ಮೆಸೇಜ್ಗಳ ಕುರಿತಾದ ಯಾವುದೇ ಮಾಹಿತಿ ಅಥವಾ ಮೆಟಾಡೇಟಾ ಅನ್ನು ರೆಕಾರ್ಡ್ ಮಾಡುವುದಿಲ್ಲ ಮತ್ತು ನಮ್ಮ ಮೆಸೇಜ್ಗಳ ಪ್ರತಿಯನ್ನು ಎಲ್ಲೂ ಸಂಗ್ರಹಿಸುವುದಿಲ್ಲ. ಈ ಆಪ್ ನ ಸೋರ್ಸ್ ಕೋಡ್ ಅಥವ ಮೂಲ ಕೋಡ್ ಆನ್ಲೈನ್ ನಲ್ಲಿ ಲಭ್ಯವಿದ್ದು ನುರಿತ ತಜ್ಞರು ಇದರಲ್ಲಿರುವ ಲೋಪಗಳನ್ನು ನಿರಂತರವಾಗಿ ಕಂಡುಹಿಡಿದು ಸರಿಪಡಿಸಬಹುದು.

ಗ್ಲಿಫ್

SSL ಬಳಸಿ ಎನ್ಕ್ರಿಪ್ಶನ್ ಮಾಡುವ ಈ ಆಪ್ ಸುರಕ್ಷಿತವಾಗಿ ಮೆಸೇಜ್ ಡಿಲೀಟ್ ಮಾಡುವ ಸಾಮರ್ಥ್ಯವನ್ನೂ ಹೊಂದಿದೆ. ಸುರಕ್ಷಿತವಾದ ಗ್ರೂಪ್ ಮೆಸೇಜಿಂಗ್ ಫೀಚರ್ ಬಳಸಿ ಹಲವರೊಡನೆ ಸುರಕ್ಷಿತ ಸಂಭಾಷಣೆ ನಡೆಸಬಹುದು.ಅಲ್ಲದೆ ಬಿಟ್ಕಾಯಿನ್ ಪಾವತಿ ಸೌಲಭ್ಯ ಹೊಂದಿರುವ ಈ ಆಪ್ ಅನ್ನು ಬಳಸಿ ಸುರಕ್ಷಿತವಾಗಿ ನಮ್ಮ ಕಾಂಟಾಕ್ಟ್ಗಳೊಡನೆ ಹಣ ವಿನಿಮಯ ಮಾಡಬಹುದು.

ಟೆಲಿಗ್ರಾಮ್

ಟೆಲಿಗ್ರಾಮ್ ಆಪ್ನಲ್ಲಿ ಮೆಸೇಜ್ಗಳು ಎನ್ಕ್ರಿಪ್ಟ್ ಆಗಿರುತ್ತವೆ. ಅಲ್ಲದೆ ಇದರಲ್ಲಿರುವ ಸೀಕ್ರೆಟ್ ಚ್ಯಾಟ್ ಫೀಚರ್ ಬಳಸಿ ನಿರ್ದಿಷ್ಟ ಸಮಯದ ನಂತರ ತನ್ನಿಂತಾನೇ ಡಿಲೀಟ್ ಆಗುವಂತೆ ಸೆಟ್ ಮಾಡಬಹುದು.ಆದರೆ ಈ ಅಪ್ನಲ್ಲಿ ಲೋಕಲ್ ಮೆಸೇಜ್ ಡೇಟಾಬೇಸ್ ಎನ್ಕ್ರಿಪ್ಟ್ ಆಗದೇ ಇರುವ ಕಾರಣ ನೀವು ಇದಕ್ಕೆ ಪಾಸ್ವರ್ಡ್ ಸೆಟ್ ಮಾಡಬೇಕಾಗುತ್ತದೆ. ಟೆಲಿಗ್ರಾಮ್ ಆಪ್ನಲ್ಲಿ MTProto ಎಂಬ ಎನ್ಕ್ರಿಪ್ಶನ್ ಅಲ್ಗೋರಿದಮ್ ಬಳಸಲಾಗಿದ್ದು, ಸ್ವತಃ ಟೆಲಿಗ್ರಾಮ್ ಡೆವೆಲಪರ್ಸ್ ಅಭಿವೃದ್ಧಿಪಡಿಸಿರುವ ಎನ್ಕ್ರಿಪ್ಶನ್ ಅಲ್ಗೋರಿದಮ್ ಇದಾಗಿದೆ.