ನಿಮ್ಮ ಸ್ಮಾರ್ಟ್‌ಫೋನಿಗೆ ಆಂಡ್ರಾಯ್ಡ್ ಪಿ ಬೀಟಾ ಇನ್‌ಸ್ಟಾಲ್ ಮಾಡುವುದು ಹೇಗೆ?

By Tejaswini P G

    ಗೂಗಲ್ ಸಂಸ್ಥೆಯು ಮಂಗಳವಾರ ನಡೆದ ಗೂಗಲ್ I/O 2018 ಸಮಾವೇಶ ದಲ್ಲಿ ಆಂಡ್ರಾಯ್ಡ್ P ಅನ್ನು ಘೋಷಿಸಿದೆ. ಓಎಸ್ ನ ಈ ಆವೃತ್ತಿಯ ಮೊದಲ ಪಬ್ಲಿಕ್ ಬೀಟಾ ಬಿಲ್ಡ್ ಈಗಾಗಲೇ ಲಭ್ಯವಿದೆ. ಈ ಹಿಂದಿನ ಆವೃತ್ತಿಗಳಂತೆ ಇದು ಕೇವಲ ಪಿಕ್ಸೆಲ್ ಸಾಧನಗಳಿಗೆ ಮಾತ್ರ ಸೀಮಿತವಾಗದೇ ಇತರ ಸಾಧನಗಳಿಗೂ ಲಭ್ಯವಿದೆ. ಪ್ರಾಜೆಕ್ಟ್ ಟ್ರೆಬಲ್ ನಿಂದಾಗಿ ಇದು ಸಾಧ್ಯವಾಗಿದೆ.

    ಆಂಡ್ರಾಯ್ಡ್ P ಹಲವು ಸುಧಾರಣೆಗಳು ಮತ್ತು ವಿನ್ಯಾಸದಲ್ಲಿ ಬದಲಾವಣೆಗಳನ್ನು ಹೊಂದಿದೆ. ಇದು ಎಐ ಗೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದು ಹಲವು ಆಂಡ್ರಾಯ್ಡ್ ಮೊಬೈಲ್ ತಯಾರಕರು ಒಲವು ತೋರುತ್ತಿರುವ ಡಿಸ್ಪ್ಲೇ ನಾಚ್ ಫೀಚರ್ಗೂ ಅಗತ್ಯ ಬೆಂಬಲ ನೀಡಲಿದೆ. ನಾವು ಈಗಾಗಲೇ ಒಂದು ಲೇಖನದಲ್ಲಿ ಆಂಡ್ರಾಯ್ಡ್ P ಯ ಫೀಚರ್ಗಳ ಬಗ್ಗೆ ಸಾಕಷ್ಟು ಮಾಹಿತಿ ನೀಡಿದ್ದು, ಈ ಲೇಖನದಲ್ಲಿ ಆಯ್ದ ಮೊಬೈಲ್ಗಳಲ್ಲಿ ಅದನ್ನು ಇನ್ಸ್ಟಾಲ್ ಮಾಡುವ ವಿಧಾನವನ್ನು ತಿಳಿಸಲಿದ್ದೇವೆ.

    ನಿಮ್ಮ ಸ್ಮಾರ್ಟ್‌ಫೋನಿಗೆ ಆಂಡ್ರಾಯ್ಡ್ ಪಿ ಬೀಟಾ ಇನ್‌ಸ್ಟಾಲ್ ಮಾಡುವುದು ಹೇಗೆ?

    ಆಂಡ್ರಾಯ್ಡ್ P ಬೀಟಾ ಬೆಂಬಲಿಸುವ ಸಾಧನಗಳು

    ಈಗಾಗಲೇ ಹೇಳಿದಂತೆ ಆಂಡ್ರಾಯ್ಡ್ ನ ಹಿಂದಿನ ಆವೃತ್ತಿಯು ಪಿಕ್ಸೆಲ್ , ಪಿಕ್ಸೆಲ XL, ಪಿಕ್ಸೆಲ್ 2 , ಪಿಕ್ಸೆಲ್ 2 XL ಮೊದಲಾದ ಪಿಕ್ಸೆಲ್ ಸಾಧನಗಳಿಗೆ ಮಾತ್ರ ಲಭ್ಯವಿತ್ತು. ಆದರೆ ಆಂಡ್ರಾಯ್ಡ್ P ಬೀಟಾ ಪಿಕ್ಸೆಲ್ ಸಾಧನಗಳು ಮಾತ್ರವಲ್ಲದೆ ಒನ್ಪ್ಲಸ್ 6, ಶಿಯೋಮಿ ಮಿ ಮಿಕ್ಸ್ 2S, ನೋಕಿಯಾ 7 ಪ್ಲಸ್, ಒಪ್ಪೋ R15 ಪ್ರೋ, ವಿವೋ X21, ವಿವೋ X21 UD, ಎಸೆನ್ಶಿಯಲ್ PH-1 ಮತ್ತು ಸೋನಿಯಾ ಎಕ್ಸ್ಪೀರಿಯಾ X72 ಮೊದಲಾದ ಸಾಧನಗಳನ್ನೂ ಬೆಂಬಲಿಸುತ್ತದೆ.

    ಆಂಡ್ರಾಯ್ಡ್ P ಬೀಟಾ ಇನ್ಸ್ಟಾಲ್ ಮಾಡುವ ವಿಧಾನ

    ನಿಮ್ಮ ಸ್ಮಾರ್ಟ್ಫೋನ್ ಆಂಡ್ರಾಯ್ಡ್ P ಬೀಟಾ ಅಪ್ಡೇಟ್ ಪಡೆಯಲು ಅರ್ಹವಾಗಿದ್ದಲ್ಲಿ ಅದನ್ನು ನಿಮ್ಮ ಸ್ಮಾರ್ಟ್ಫೋನ್ ನಲ್ಲಿ ಇನ್ಸ್ಟಾಲ್ ಮಾಡಲು ಈ ಕೆಳಗಿನ ಸೂಚನೆಗಳನ್ನು ಪಾಲಿಸಿ.

    ಹಂತ 1: ನೀವು ಈ ಮೇಲೆ ಹೇಳಿರುವ ಸಾಧನಗಳ ಪೈಕಿ ಯಾವುದಾದರೂ ಒಂದನ್ನು ಹೊಂದಿದ್ದರೆ ನಿಮ್ಮ ಪಿಸಿ ಅಥವಾ ಮೊಬೈಲ್ ಬ್ರೌಸರ್ ನಲ್ಲಿ android.com/beta ಗೆ ಭೇಟಿ ನೀಡಿ

    ಹಂತ 2: ನೀವು ಅಪ್ಡೇಟ್ ಮಾಡಬಯಸುವ ಸ್ಮಾರ್ಟ್ಫೋನ್ ನಲ್ಲಿ ಲಾಗಿನ್ ಮಾಡಲು ಬಳಸಿರುವ ಗೂಗಲ್ ಐಡಿ ಬಳಸಿ ಸೈನ್-ಇನ್ ಮಾಡಿ

    ಹಂತ 3: ಸೈನ್-ಇನ್ ಮಾಡಿದ ನಂತರ ಈ ಅಪ್ಡೇಟ್ ಪಡೆಯಲು ಅರ್ಹವಾಗಿರುವ ನಿಮ್ಮ ಸಾಧನ 'ಆಪ್ಟ್-ಇನ್' ಎಂಬ ಬಟನ್ ನೊಂದಿಗೆ ನಿಮಗೆ ಕಾಣಸಿಗುತ್ತದೆ. ಈ ಬಟನ್ ಮೇಲೆ ಕ್ಲಿಕ್ ಮಾಡಿ.

    ಹಂತ 4: ಆಂಡ್ರಾಯ್ಡ್ P ಬೀಟಾ ಪ್ರೋಗ್ರಾಮ್ ಗೆ ದೃಢೀಕರಣ ದೊರಕಿದ ಮೇಲೆ ಸ್ವಲ್ಪ ಹೊತ್ತು ಕಾಯಬೇಕು. ನಂತರ ಸೆಟ್ಟಿಂಗ್ಸ್->ಸಿಸ್ಟಮ್->ಅಡ್ವಾನ್ಸ್ಡ್->ಸಿಸ್ಟಮ್ ಅಪ್ಡೇಟ್ ಗೆ ಹೋಗಿ. ಆಂಡ್ರಾಯ್ಡ್ ನ ಇತ್ತೀಚಿನ ಆವೃತ್ತಿ ಲಭ್ಯವಿದ್ದಲ್ಲಿ ಅದನ್ನು ಡೌನ್ಲೋಡ್ ಮಾಡಿ ನಿಮ್ಮ ಸಾಧನವನ್ನು ರೀಬೂಟ್ ಮಾಡಿ. ಈ ಅಪ್ಡೇಟ್ ಅಂದಾಜು 1.2 GB ಗಾತ್ರದ್ದಾಗಿದೆ.

    ಫೇಸ್‌ಬುಕ್ ಅನ್ನು ಸಹ ಬಳಸಬಹುದಾದ ಈ ಫೀಚರ್ ಪೋನ್ ಅತ್ಯುತ್ತಮವಾಗಿದೆ
    ಇನ್ಸ್ಟಾಲೇಶನ್ ಪೂರ್ಣಗೊಂಡ ಮೂಲಕ ನಿಮ್ಮ ಸಾಧನ ಆಂಡ್ರಾಯ್ಡ್ P ಬೀಟಾ ಆವೃತ್ತಿ ಚಲಾಯಿಸುತ್ತದೆ. ನೀವು ಮಾರ್ಚ್ನಲ್ಲಿ ಬಂದ ಡೆವಲಪರ್ ಪ್ರಿವ್ಯೂ 1 ಅನ್ನು ಇನ್ಸ್ಟಾಲ್ ಮಾಡಿದ್ದರೆ ಮೇಲೆ ಹೇಳಿದ ಸೂಚನೆಗಳ ಮೂಲಕ ಬೀಟಾ ಆವೃತ್ತಿಯನ್ನು ಪಡೆಯಬಹುದು. ಈ ಅಪ್ಡೇಟ್ ಅನ್ನು ಫ್ಯಾಕ್ಟರಿ ಇಮೇಜ್ಗಳನ್ನು ಮ್ಯಾನುವಲಿ ಫ್ಲ್ಯಾಶ್ ಮಾಡುವ ಮೂಲಕ ಕೂಡ ಪಡೆಯಬಹುದಾಗಿದ್ದು ಅದನ್ನು ಗೂಗಲ್ ಇನ್ನೂ ಬಿಡುಗಡೆ ಮಾಡಬೇಕಷ್ಟೆ.

    English summary
    Android P Beta is available for a slew of devices. Get to know how to install it on your device.to know more visit to kannada.gizbot.com
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more