ಎಟಿಎಂ ಕಾರ್ಡ್​ ಕಳಿತಾ ಚಿಂತೆ ಬೇಡ..! ಒಂದೇ ಕ್ಲಿಕ್ ಲಾಕ್ ಮಾಡಿ..!

ಉತ್ತಮ ಅವಕಾಶ

ಮ್ಯಾನೇಜ್‌ ಕಾರ್ಡ್‌ ಫೀಚರ್ ಮೂಲಕ ಖಾತೆದಾರರು ತಮ್ಮ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್​ನ್ನು ಬ್ಲಾಕ್ ಅಥವಾ ಅನ್​ಬ್ಲಾಕ್ ಮಾಡಿಕೊಳ್ಳಬಹುದು. ಆನ್​ಲೈನ್ ವ್ಯವಹಾರ, ಅಂತರಾಷ್ಟ್ರೀಯ ವಹಿವಾಟು ಮತ್ತು ಎಟಿಎಂ ವಿತ್​ಡ್ರಾ ಮಾಡುವುದನ್ನು ನೀವು ಈ ಫೀಚರ್‌ನಿಂದ ಬ್ಲಾಕ್ ಮಾಡಬಹುದಾಗಿದೆ. ಈ ಫೀಚರ್‌ ಬ್ಯಾಂಕಿಂಗ್‌ ವ್ಯವಸ್ಥೆಯಲ್ಲಿಯೇ ಮೊದಲನೆಯದಾಗಿದೆ.

ಬ್ಯಾಂಕ್‌ ಅಲೆದಾಟಕ್ಕೆ ಮುಕ್ತಿ

ಕಾರ್ಡ್‌ ಕಳೆದರೆ ಬ್ಯಾಂಕ್‌ಗೆ ಹೋಗಿ ಅಥವಾ ಗ್ರಾಹಕ ಸೇವಾ ಪ್ರತಿನಿಧಿಗೆ ಕರೆ ಮಾಡಿ ಕಾರ್ಡ್‌ ಬ್ಲಾಕ್‌ ಮಾಡಬೇಕಾಗಿರುತ್ತದೆ. ಕೆಲವೊಂದು ಬಾರಿ ಕಾರ್ಡ್‌ ಮತ್ತೆ ಸಿಗುವ ಸಂಭವ ಕೂಡ ಹೆಚ್ಚಿದ್ದು, ಮತ್ತೆ ಅನ್‌ಬ್ಲಾಕ್‌ ಮಾಡಲು ಬ್ಯಾಂಕ್‌ಗೆ ತೆರಳುವುದು ಅವಶ್ಯಕವಾಗಿರುತ್ತದೆ. ಆದರೆ, ಇನ್ಮುಂದೆ ಬ್ಯಾಂಕ್‌ಗೆ ಅಲೆದಾಡಬೇಕಿಲ್ಲ. ಎಲ್ಲಾ ಸ್ಮಾರ್ಟ್‌ಫೋನ್‌ ಮೂಲಕ ನಿರ್ಬಂಧಿಸುವ ಮತ್ತು ಅವಕಾಶ ನೀಡುವ ಆಯ್ಕೆಯಿದೆ. ಅದಲ್ಲದೇ ಎಟಿಎಂ ಬಳಕೆ ಮತ್ತು ಇಂಟರ್‌ನೆಟ್‌ ಬ್ಯಾಂಕಿಂಗ್‌ನ್ನು ಕೂಡ ಕೆಲ ಸಮಯ ಈ ಆಪ್‌ ಮೂಲಕ ನಿರ್ಬಂಧಿಸಬಹುದು.

Temp Block

ನಿಮ್ಮ ಕಾರ್ಡ್​ನ್ನು ಸಂಪೂರ್ಣ ಬ್ಲಾಕ್ ಮಾಡಲು ಬಯಸಿಲ್ಲವೆಂದರೆ ಅಲ್ಲಿಯೇ ಕೆಳಗೆ 'Temp Block' ಎಂಬ ಆಯ್ಕೆಯನ್ನು ಸಹ ನೀಡಲಾಗಿದೆ. ಅದನ್ನು ಆಯ್ಕೆ ಮಾಡಿಕೊಂಡು ಕಾರ್ಡ್​ನ ಬಳಕೆಯನ್ನು ಸ್ವಲ್ಪ ದಿನಗಳ ಮಟ್ಟಿಗೆ ನಿರ್ಬಂಧಿಸಬಹುದು. ಈ ಫೀಚರ್‌ ಮೂಲಕ ಬ್ಯಾಂಕ್ ಕಾರ್ಡ್​ ಕಳೆದರೆ ಶೀಘ್ರದಲ್ಲಿಯೇ ಯಾವುದೇ ದುರ್ಬಳಕೆಯಾಗದಂತೆ ಬ್ಲಾಕ್‌ ಮಾಡಿಕೊಳ್ಳಬಹುದಾಗಿದೆ.

ಹೇಗೆ ಅಂತಿರಾ..?

ಮೊದಲು ಐಸಿಐಸಿಐ ಬ್ಯಾಂಕಿನ imobile ಆಪ್‌ ಡೌನ್‌ಲೋಡ್‌ ಮಾಡಿಕೊಂಡು ಲಾಗಿನ್‌ ಆಗಿ. ಆ ನಂತರ ಆಪ್‌ನಲ್ಲಿ ಮ್ಯಾನೇಜ್ ಕಾರ್ಡ್ ಎಂಬ ಆಯ್ಕೆಯಿದ್ದು, ಅದರ ಮೇಲೆ ಕ್ಲಿಕ್ ಮಾಡಿ, ಆಗ ನಿಮಗೆ ಆನ್​ಲೈನ್ ವರ್ಗಾವಣೆ, ಇಂಟರ್​ನ್ಯಾಷನಲ್ ವಹಿವಾಟು, ಮತ್ತು ಎಟಿಎಂ ವಿತ್​ಡ್ರಾ ಮಾಡಿಕೊಳ್ಳುವ ಆಯ್ಕೆಯನ್ನು ಬ್ಲಾಕ್ ಮತ್ತು ಅನ್​ಬ್ಲಾಕ್ ಮಾಡುವ ಆಯ್ಕೆ ಸಿಗುತ್ತದೆ.