WhatsApp ಬಳಕೆದಾರರೇ, ಹುಷಾರ್..​​! ಈ ತಪ್ಪು ಮಾಡಲೇಬೇಡಿ.. ಕೇಂದ್ರದಿಂದ ಬಂತು ಖಡಕ್ ವಾರ್ನಿಂಗ್

ವಾಟ್ಸಾಪ್ ಬಳಕೆದಾರರೇ ಎಚ್ಚರ.. ಎಚ್ಚರ..! ಕೇಂದ್ರ ಸರ್ಕಾರದಿಂದ ಬಂದಿದೆ ಎಚ್ಚರಿಕೆ ಸಂದೇಶ. ನೀವು ವಾಟ್ಸಾಪ್ ಬಳಸುತ್ತಿದ್ದರೆ, ಈ ವಿಷಯ ತಿಳಿದುಕೊಳ್ಳಲೇಬೇಕು! ಹೌದು, ಪ್ರಸ್ತುತ, ವಾಟ್ಸಾಪ್ ಬಳಕೆದಾರರ (WhatsApp Users) ಸಂಖ್ಯೆ ಹೆಚ್ಚುತ್ತಲೇ ಇದೆ. ಇದು ಜನಪ್ರಿಯ ಸಂದೇಶ ವಿನಿಮಯ ಆಪ್ ಆಗಿದೆ. ಬಹುತೇಕರು ತಮ್ಮ ಡೆಸ್ಕ್‌ಟಾಪ್​ನಲ್ಲಿಯೂ (Computer) ವಾಟ್ಸಾಪ್ ಬಳಕೆ ಮಾಡುತ್ತಾರೆ. ಕೇಂದ್ರ ಸರ್ಕಾರ, ವಿಂಡೋಸ್ ಪಿಸಿ ಬಳಕೆದಾರರಿಗೆ ಭದ್ರತಾ ಎಚ್ಚರಿಕೆ (WhatsApp Security Warning) ನೀಡಿದೆ. ವಾಟ್ಸಾಪ್‌ ಡೆಸ್ಕ್‌ಟಾಪ್ ಆವೃತ್ತಿಯಲ್ಲಿ ದೊಡ್ಡ ಸಮಸ್ಯೆಯಿದೆ ಎಂದು ಬಹಿರಂಗಪಡಿಸಿದೆ. ಈ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ.

ಹೌದು, ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡ (CERT-In) ಇತ್ತೀಚೆಗೆ ಭದ್ರತಾ ಎಚ್ಚರಿಕೆಯನ್ನು ಪ್ರಕಟಿಸಿದೆ. ವಾಟ್ಸಾಪ್ ಅನ್ನು ಡೆಸ್ಕ್‌ಟಾಪ್​ನಲ್ಲಿ ಬಳಸುತ್ತಿರುವ ಬಳಕೆದಾರರು ಪ್ರಮುಖ ಭದ್ರತಾ ಅಪಾಯವನ್ನು ಎದುರಿಸುತ್ತಿದ್ದಾರೆ ಎಂದು ಹೇಳಿದೆ. ಇದು ಭಾರತ ಸರ್ಕಾರದ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಅಡಿಯಲ್ಲಿ ಬರುತ್ತದೆ. ಈ ತುರ್ತು ಪ್ರತಿಕ್ರಿಯೆ ತಂಡ (ಸಿಇಆರ್‌ಟಿ-ಇನ್) ತಮ್ಮ ಪಿಸಿಗಳಲ್ಲಿ ವಾಟ್ಸಾಪ್‌ನ ಡೆಸ್ಕ್‌ಟಾಪ್ ಆಪ್‌ ಇನ್​ಸ್ಟಾಲ್ ಮಾಡಿರುವ ಬಳಕೆದಾರರಿಗೆ ಹೆಚ್ಚು ಅಪಾಯದ ಎಚ್ಚರಿಕೆಯನ್ನು ನೀಡಿದೆ.

400 ಮಿಲಿಯನ್‌ ಸಕ್ರಿಯ ಬಳಕೆದಾರರು

ಮೆಟಾ ಒಡೆತನದ ವಾಟ್ಸಾಪ್‌ ಭಾರತದಲ್ಲಿಯೇ 400 ಮಿಲಿಯನ್‌ ಸಕ್ರಿಯ ಬಳಕೆದಾರರನ್ನು ಹೊಂದಿದೆ. ಹೀಗಾಗಿ, ವಾಟ್ಸಾಪ್‌ ನಂಬರ್ ಒನ್ ಮೆಸೇಜಿಂಗ್ ಆಪ್ ಆಗಿ ಹೊರಹೊಮ್ಮಿದೆ. ಪ್ರಸ್ತುತ, ಈ ಅಪ್ಲಿಕೇಶನ್ ಮೇಲೆ ವಂಚಕರ ಕಣ್ಣುಬಿದ್ದಿದೆ. ಸೈಬರ್ ಕಳ್ಳರು (ಹ್ಯಾಕರ್‌ಗಳು) ಪಿಸಿಯ ದುರ್ಬಲತೆಗಳನ್ನು ಬಳಸಿಕೊಳ್ಳುವಲ್ಲಿ ಯಶಸ್ವಿಯಾದರೆ, ವಾಟ್ಸಾಪ್ ಬಳಕೆದಾರರು ದೊಡ್ಡ ವಂಚನೆಗೆ ಗುರಿಯಾಗುತ್ತಾರೆ. ಇವರು ವಾಟ್ಸಾಪ್ ಪ್ರವೇಶಿಸಿ ಅನಿಯಂತ್ರಿತ ಕೋಡ್ ಕಾರ್ಯಗತಗೊಳಿಸುತ್ತಾರೆ. ಈ ಮೂಲಕ ವಂಚೆನೆ ಮಾಡುತ್ತಾರೆ ಎಂದು ಭದ್ರತಾ ಎಚ್ಚರಿಕೆಯ ಬಗ್ಗೆ ಕೇಂದ್ರ ಸರ್ಕಾರ ತಿಳಿಸಿದೆ.

ತಕ್ಷಣವೇ ಇತ್ತೀಚಿನ ಆವೃತ್ತಿಗೆ ಅಪ್ಡೇಟ್ ಮಾಡಿ

ವಿಂಡೋಸ್ ಪಿಸಿಗಳಲ್ಲಿ ಕಾರ್ಯನಿರ್ವಹಿಸುವ ವಾಟ್ಸಾಪ್ ಡೆಸ್ಕ್‌ಟಾಪ್ ಆಪ್‌ಗಳಿಗೆ ಈ ಭದ್ರತಾ ಅಪಾಯವು ಹೆಚ್ಚಾಗಿ ಸಂಬಂಧಿಸುತ್ತದೆ. 2.2450.6 ಕ್ಕಿಂತ ಹಿಂದಿನ ವಿಂಡೋಸ್ ಆವೃತ್ತಿಗಳಿಗಾಗಿ ಡೆಸ್ಕ್‌ಟಾಪ್‌ಗಳು ಈ ವಂಚನೆ ದಾಳಿಗೆ ಗುರಿಯಾಗುತ್ತವೆ. ಹೀಗಾಗಿ, ವಾಟ್ಸಾಪ್ ಸಾರ್ವಜನಿಕರಿಗೆ ಕೆಲವು ಭದ್ರತಾ ಸಲಹೆ ನೀಡಿದೆ. ವಾಟ್ಸಾಪ್ ಡೆಸ್ಕ್‌ಟಾಪ್ ಆಪ್ ಬಳಕೆದಾರರು ತಕ್ಷಣವೇ ಇತ್ತೀಚಿನ ಆವೃತ್ತಿಗೆ ಅಪ್ಡೇಟ್ ಆಗುವಂತೆ ಸಲಹೆ ನೀಡಿದೆ. ನೀವು ಈ ಕೆಳಗಿನ ಸುಲಭ ಹಂತಗಳನ್ನು ಅನುಸರಿಸಬಹುದು.

* ಮೈಕ್ರೋಸಾಫ್ಟ್ ಸ್ಟೋರ್‌ನಿಂದ ವಾಟ್ಸಾಪ್ ಅಪ್ಡೇಟ್ (ನವೀಕರಿಸಬಹುದು) ಮಾಡಬಹುದು.

* ಮೈಕ್ರೋಸಾಫ್ಟ್ ಸ್ಟೋರ್‌ನಲ್ಲಿ ವಾಟ್ಸಾಪ್ ಮೆಸೆಂಜರ್ ಸರ್ಚ್ ಮಾಡಿ.

* ಇದಾದ ಬಳಿಕ, ಅಪ್ಡೇಟ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.

ಭದ್ರತೆಗಾಗಿ ತಕ್ಷಣ ಈ ಕ್ರಮಗಳನ್ನು ಅನುಸರಿಸಿ

ಈ ಭದ್ರತಾ ತೊಂದರೆ ಸಂಬಂಧಿಸಿದಂತೆ ವಾಟ್ಸಾಪ್‌ ತನ್ನ ವೆಬ್‌ಸೈಟ್‌ನಲ್ಲಿ ತಾಂತ್ರಿಕ ವಿವರಗಳೊಂದಿಗೆ ಪರಿಹಾರಗಳನ್ನು ಸೂಚಿಸಿದೆ. ಅಪ್ಡೇಟ್ ಪ್ರಕ್ರಿಯೆಯು ಸುಲಭವಾಗಿದೆ. ವಾಟ್ಸಾಪ್ ಬಳಕೆದಾರರು ಕೂಡಲೇ ಇತ್ತೀಚಿನ ಆವೃತ್ತಿಗೆ ಅಪ್ಲಿಕೇಶನ್ ನವೀಕರಣ ಮಾಡಿಕೊಳ್ಳಬೇಕು.

* ಮೊದಲಿಗೆ ವಾಟ್ಸಾಪ್‌ ಡೆಸ್ಕ್‌ಟಾಪ್ ಅಪ್ಲಿಕೇಶನ್‌ನ ಇತ್ತೀಚಿನ ಆವೃತ್ತಿಗೆ ನವೀಕರಿಸಬೇಕು.

* ಯಾವುದೇ ಕಾರಣಕ್ಕೂ ಅನುಮಾನದ ಲಿಂಕ್‌ಗಳನ್ನು ಓಪನ್ ಮಾಡಬೇಡಿ.

* ಅಪರಿಚಿತ ಅಟ್ಯಾಚ್​​ಮೆಂಟ್ (ಲಗತ್ತು​) ಡೌನ್‌ಲೋಡ್ ಮಾಡಬೇಡಿ.

* ಇತ್ತೀಚಿನ ಆಂಟಿವೈರಸ್ ಬಳಸಿ ಪಿಸಿ ಸ್ಕ್ಯಾನ್ ಮಾಡಬೇಕು.

* ಇತ್ತೀಚಿನ ಆವೃತ್ತಿಗೆ ಅಪ್ಲಿಕೇಶನ್ ಅಪ್‌ಡೇಟ್ ಮಾಡಬೇಕು.

ಆಪಲ್ ಸಾಧನಗಳಲ್ಲಿಯೂ ಅಪಾಯಕಾರಿ ಭದ್ರತಾ ದೋಷ

ಆಪಲ್ ಸಾಧನಗಳಲ್ಲಿ ಅನೇಕ ಅಪಾಯಕಾರಿ ಭದ್ರತಾ ದೋಷಗಳು ಕಂಡುಬಂದಿವೆ ಎಂದು CERT-In ಬಹಿರಂಗಪಡಿಸಿದೆ. ಹ್ಯಾಕರ್‌ಗಳು ಇದರ ಲಾಭವನ್ನು ಪಡೆದುಕೊಂಡು ಬಳಕೆದಾರರ ಸಾಧನವನ್ನು ಪ್ರವೇಶಿಸುತ್ತಾರೆ. ಸುಲಭವಾಗಿ ನಿಮ್ಮ ಡೇಟಾವನ್ನು ಕಳ್ಳತನ ಮಾಡುತ್ತಾರೆ. ಇದಲ್ಲದೆ, ಹ್ಯಾಕರ್‌ಗಳು ನಿಮ್ಮ ಸಾಧನದ ಮೇಲೆ ಸಂಪೂರ್ಣ ನಿಯಂತ್ರಣ ಪಡೆಯುತ್ತಾರೆ. CIVN-2025-0071 ಎಂಬ ಸಲಹಾ ಸಂಸ್ಥೆಯಲ್ಲಿ ಈ ಎಚ್ಚರಿಕೆ ನೀಡಲಾಗಿದ್ದು, ಈ ನ್ಯೂನತೆಗಳು iOS, macOS, iPadOS, Safari ಬ್ರೌಸರ್ ಮತ್ತು ಇತರ ಆಪಲ್ ಸಾಫ್ಟ್‌ವೇರ್‌ಗಳ ಮೇಲೆ ಪರಿಣಾಮ ಬೀರಬಹುದು ಎಂದು ಹೇಳಿದೆ.