ಫೋನಿನಲ್ಲಿ IPL ನೋಡುವ ಮುನ್ನ ಈ ಸ್ಟೋರಿ ನೋಡಿ: 15 ನಿಮಿಷದ ಮ್ಯಾಚ್‌ಗೆ ಎಷ್ಟು ಡೇಟಾ ಬೇಕು.?

By Srinidhi

Published: Monday, April 9, 2018, 17:25 [IST]

ಸದ್ಯ IPL ಅಬ್ಬರ ಶುರುವಾಗಿದ್ದು, ಮೂರು ಪಂದ್ಯಗಳು ಈಗಾಗಲೇ ಮುಗಿದಿದೆ. ಕಳೆದ ಬಾರಿಗೆ ಹೋಲಿಕೆ ಮಾಡಿದರೆ ಈ ಬಾರಿ IPL ಹೊಸ ಮಾದರಿಯಲ್ಲಿ ಸದ್ದು ಮಾಡುತ್ತಿದೆ. ವೇಗದ ಮೊಬೈಲ್ ಡೇಟಾ ಸೇವೆಯೂ ಕಡಿಮೆ ಬೆಲೆಗೆ ಲಭ್ಯವಿದ್ದು, ಈ ಹಿನ್ನಲೆಯಲ್ಲಿ ಈ ಬಾರಿ IPL ಟಿವಿಯಿಂದ ನಿಂದ ಸ್ಮಾರ್ಟ್‌ಫೋನ್‌ಗೆ ವರ್ಗಾವಣೆಯಾಗಿದೆ ಎಂದರೆ ತಪ್ಪಾಗುವುದಿಲ್ಲ. ಹೆಚ್ಚಿನ ಮಂದಿ ತಮ್ಮ ಕೈನಲ್ಲಿರುವ ಸ್ಮಾರ್ಟ್‌ಫೋನಿನಲ್ಲಿಯೇ ಕ್ರಿಕೆಟ್ ನೋಡುತ್ತಿದ್ದಾರೆ.

ಸ್ಮಾರ್ಟ್‌ಫೋನಿನಲ್ಲಿ IPL ನೋಡುವ ಮುನ್ನ ಈ ಸ್ಟೋರಿ ನೋಡಿ:

ಇದಕ್ಕೆ ಕಾರಣ ಏರ್‌ಟೆಲ್ ಮತ್ತು ಜಿಯೋ ಎಂದರೆ ತಪ್ಪಾಗುವುದಿಲ್ಲ. ಬಳಕೆದಾರರು ಮೊಬೈಲ್‌ನಲ್ಲಿಯೇ ಮ್ಯಾಚ್ ನೋಡಲು ಎನ್ನುವ ಕಾರಣಕ್ಕೆ ಕಡಿಮೆ ಬೆಲೆಗೆ ಡೇಟಾ ಮತ್ತು ಲೈವ್ ಮ್ಯಾಚ್ ನೋಡುವ ಅವಕಾಶವನ್ನು ಮಾಡಿಕೊಟ್ಟಿವೆ. ಈ ಹಿನ್ನಲೆಯಲ್ಲಿ ಲೈವ್ ಮ್ಯಾಚ್ ಅನ್ನು ನೋಡುವ ಸಲುವಾಗಿ ಯಾವ ಆಪ್ ಉತ್ತಮವಾಗಿದೆ ಎಂಬುದನ್ನು ತಿಳಿಸುವ ಪ್ರಯತ್ನ ಇದಾಗಿದೆ.

ಲೈವ್ ಮ್ಯಾಚ್:

ಈ ಬಾರಿ ಏರ್‌ಟೆಲ್ ಮತ್ತು ಜಿಯೋಗಳು ತಮ್ಮ ಬಳಕೆದಾರರಿಗೆ ಲೈವ್ ಮ್ಯಾಚ್ ಅನ್ನು ತಮ್ಮ ಆಪ್ ಗಳ ಮೂಲಕವೇ ನೋಡುವ ಅವಕಾಶವನ್ನು ಮಾಡಿಕೊಟ್ಟಿವೆ. ಈ ಹಿನ್ನಲೆಯಲ್ಲಿ ಜಿಯೋ ಟಿವಿ ಮತ್ತು ಏರ್‌ಟೆಲ್ ಟಿವಿ ಎರಡು ಆಪ್‌ಗಳು ಲೈವ್ ಮ್ಯಾಚ್ ಸೇವೆಯನ್ನು ನೀಡುತ್ತಿವೆ. ಎರಡು ಟೆಲಿಕಾಂ ಸಂಸ್ಥೆಗಳು ಈ ಲೈವ್ ಮ್ಯಾಚ್ ನೀಡುವ ಸಲುವಾಗಿಯೇ ಹಾಟ್‌ಸ್ಟಾರ್ ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿವೆ ಎನ್ನಲಾಗಿದೆ.

ಏರ್‌ಟೆಲ್ ಸಾಹಸ:

ಮೈ ಏರ್‌ಟೆಲ್ ಆಪ್ ಬಳಕೆದಾರರಿಗೆ ಹಾಟ್ ಸ್ಟಾರ್ ನಲ್ಲಿ ಮ್ಯಾಚ್ ನೋಡುವ ಅವಕಾಶವನ್ನು ಈ ಬಾರಿಯಿಂದ ಮಾಡಿಕೊಟ್ಟಿದ್ದು, ಜಿಯೋ ತನ್ನ ಬಳಕೆದಾರರಿಗೆ ಹಿಂದಿನಿಂದಲೂ ಹಾಟ್ ಸ್ಟಾರ್ ಪ್ಲೇ ಮಾಡುವ ಅವಕಾಶವನ್ನು ನೀಡಿದೆ. ಆದರೆ ಹೆಚ್ಚಿನ ಮಂದಿ ಜಿಯೋ ಮೂಲಕವೇ ಲೈವ್ ಮ್ಯಾಚ್ ನೋಡುತ್ತಿದ್ದಾರೆ. ಅವರನ್ನು ಆಕರ್ಷಿಸಲು ಏರ್‌ಟೆಲ್ ಹರ ಸಾಹಸ ಪಡುತ್ತಿದೆ.

ಏರ್‌ಟೆಲ್ ಪರವಾಗಿಲ್ಲ:

ಜಿಯೋ ಟಿವಿ ಆಪ್ ಬಳಕೆದಾರರು ಕೇವಲ ಜಿಯೋ ಡೇಟಾವನ್ನು ಹೊಂದಿದ್ದರೇ ಮಾತ್ರವೇ ಲೈವ್ ಮ್ಯಾಚ್ ನೋಡಲು ಸಾಧ್ಯವಿದೆ. ವೈ-ಫೈ ಮೂಲಕ ನೋಡುವ ಸಾಧ್ಯತೆಯನ್ನು ಮಾಡಿಕೊಟ್ಟಿಲ್ಲ. ಆದರೆ ಏರ್‌ಟೆಲ್ ತನ್ನ ಬಳಕೆದಾರರಿಗೆ ವೈ-ಫೈ ಮೂಕಲವೂ ಲೈವ್ ಮ್ಯಾಚ್ ನೋಡುವ ಅವಕಾಶವನ್ನು ಮಾಡಿಕೊಟ್ಟಿದೆ.

ಹೆಚ್ಚಿನ ಡೇಟಾ ಬಳಕೆ:

ಈ ಎರಡು ಆಪ್‌ಗಳು ಹೆಚ್ಚಿನ ಪ್ರಮಾಣದ ಡೇಟಾವನ್ನು ಕಬಳಿಸುತ್ತವೆ ಎನ್ನಲಾಗಿದ್ದು, 15 ನಿಮಿಷದ ವಿಡಿಯೋ ನೋಡಿದರೆ 300MB ಡೇಟಾ ಖಾಲಿಯಾಗಲಿದೆ. ಒಂದು ಕಡೆಯ ಬ್ಯಾಟಿಂಗ್ ನೋಡಲು 1.5 GBಗಿಂತಲೂ ಹೆಚ್ಚಿನ ಡೇಟಾ ಅವಶ್ಯಕತೆ ಇದೆ.