KYC ಕಂಪ್ಲಯೆನ್ಸ್ ಗೆ ರೂ 400 ಕೋಟಿ ಹೂಡಲಿರುವ ಮೊಬಿಕ್ವಿಕ್

ಮುಂದಿನ 5 ವರ್ಷಗಳಲ್ಲಿ ಮೊಬೈಲ್ ವಾಲೆಟ್ ದಿಗ್ಗಜ ಮೊಬಿಕ್ವಿಕ್ Know Your Client(KYC) ಕಂಪ್ಲಯೆನ್ಸ್ ಮೇಲೆ ರೂ 400 ಕೊಟಿ ಹೂಡುವ ಯೋಜನೆ ಹೊಂದಿದೆ.

"ಮುಂದಿನ ಒಂದು ವರ್ಷದಲ್ಲಿ 2 ಕೋಟಿ ಸಂಪೂರ್ಣ KYC ವಾಲೆಟ್ಗಳನ್ನು ಹೊಂದುವ ಗುರಿ ನಮ್ಮದು, ಹಾಗೂ ಇದನ್ನು ಸಾಧಿಸಲು ಪ್ರತಿ ಗ್ರಾಹಕರಿಗೆ ರೂ 50 ರಂತೆ ಖರ್ಚು ಆಗಬಹುದೆಂಬ ಅಂದಾಜು ನಮ್ಮದು " ಎಂದು ಬಿಪಿನ್ ಪ್ರೀತ್ ಸಿಂಗ್, ಮೊಬಿಕ್ವಿಕ್ ನ ಸ್ಥಾಪಕ ಹೇಳಿದ್ದಾರೆ.

ಪ್ರೀಪೇಯ್ಡ್ ಪೇಯ್ಮೆಂಟ್ ಇನ್ಸ್ಟ್ರುಮೆಂಟ್(ಪಿಪಿಐ) ಪರವಾನಗಿಯನ್ನು ಹೊಂದಿರುವ ಮೊಬಿಕ್ವಿಕ್ ನಂತಹ ಸಂಸ್ಥೆಗಳಿಗೆ ಕಟ್ಟುನಿಟ್ಟಾದ KYC ನಿಯಮಗಳನ್ನು ಪಾಲಿಸುವಂತೆ ಭಾರತೀಯ ರಿಸರ್ವ್ ಬ್ಯಾಂಕ್(RBI) ಇಂಟರ್-ಆಪರೆಬಿಲಿಟಿ ಕುರಿತು ತನ್ನ ನೂತನ ಪರಿಷ್ಕರಿಸಿದ ಮಾರ್ಗದರ್ಶನದಲ್ಲಿ ತಿಳಿಸಿದೆ.ಸಂಪೂರ್ಣ KYC ವಾಲೆಟ್ಗಳು ಯಾವುದೇ ಸಂಧರ್ಭದಲ್ಲಿ ರೂ 1 ಲಕ್ಷದಷ್ಟು ಬ್ಯಾಲೆನ್ಸ್ ಹೊಂದಿರಲು ಅವಕಾಶವಿದೆ.

ನೋಕಿಯಾದ ಅತ್ಯಂತ ಕಡಿಮೆ ಬೆಲೆಯ ನೋಕಿಯಾ 2 ಇಂದು ಲಾಂಚ್!..4000mAh ಬ್ಯಾಟರಿ ಫೋನ್ ಬೆಲೆ!?

"ವಾಲೆಟ್ಗಳು ಆರ್ಥಿಕ ತಂತ್ರಜ್ಞಾನದ ಹೊಸ ದೊರೆಯೆನಿಸಿದೆ.ಭಾರತೀಯ ಅರ್ಥ ವ್ಯವಸ್ಥೆಯಲ್ಲಿ ಡಿಜಿಟಲ್ ವಾಲೆಟ್ಗಳ ಬೆಳೆಯುತ್ತಿರುವ ಪ್ರಭಾವಕ್ಕೆ RBI ನ ಹೊಸ ಮಾರ್ಗದರ್ಶನಗಳೇ ಸಾಕ್ಷಿ . RBI ನ ನೂತನ ಮಾರ್ಗದರ್ಶನಗಳು ಪಿಪಿಐಗಳಿಗೆ ಹೆಚ್ಚಿನ ಶಕ್ತಿ ನೀಡಿದ್ದು, ಡಿಜಿಟಲ್ ಪಾವತಿಗಳತ್ತ ಸರ್ಕಾರದ ನಿಷ್ಠೆ ಮತ್ತು ಈ ಉದ್ಯಮದ ಬೆಳವಣಿಗೆಗೆ ಅವರ ಬದ್ಧತೆಗೆ ಸಾಕ್ಷಿಯಾಗಿದೆ" ಎಂದು ಬಿಪಿನ್ ಪ್ರೀತ್ ಸಿಂಗ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

"ಸಂಪೂರ್ಣ KYC ವಾಲೆಟ್ ಹೊಂದಿರುವ ಗ್ರಾಹಕರು ತಮ್ಮ ವಾಲೆಟ್ ಮೂಲಕ ಪೂರ್ತಿ ಆರ್ಥಿಕ ವ್ಯವಸ್ಥೆಗೆ ಪ್ರವೇಶ ಪಡೆಯಬಹುದು. ಹಾಗಾಗಿ ಈ ಉದ್ಯಮಕ್ಕೆ ಒಳ್ಳೆ ಭವಿಷ್ಯವಿದೆ. ಸಹಯೋಗಗಳು ಮತ್ತು ಸ್ಪರ್ಧಾತ್ಮಕ ಪರಿಸರ ಡಿಜಿಟಲ್ ಪೇಯ್ಮೆಂಟ್ ಉದ್ಯಮವನ್ನು ಮುಂದಿನ ಹಂತಕ್ಕೆ ಕರೆದೊಯ್ಯಲಿದೆ" ಎಂದು ಅವರು ಹೇಳಿದ್ದಾರೆ.

KYC ತನ್ನ ಗ್ರಾಹಕರ ಕುರಿತು ಮಾಹಿತಿ ಪಡೆದು ಅವರ ಗುರುತನ್ನು ಪರಿಶೀಲಿಸುವತ್ತ ಒಂದು ಹೆಜ್ಜೆಯಾಗಿದೆ. ಈ ಮೂಲಕ ಸುರಕ್ಷಿತ ಆರ್ಥಿಕ ವ್ಯವಹಾರಗಳು ನಡೆಯುತ್ತವೆ ಎಂದು ಖಚಿತಪಡಿಸಿಕೊಳ್ಳಬಹುದು.ಮೊಬಿಕ್ವಿಕ್ ಆಧಾರ್ ಆಧಾರಿತ e-KYC ನಡೆಸುವ ಯೋಜನೆ ಹೊಂದಿದ್ದು ಇದಕ್ಕಾಗಿ 7000 ಫೀಲ್ಡ್ ಸ್ಟಾಫ್ ಅನ್ನು ನೇಮಕ ಮಾಡಿಕೊಳ್ಳಲಿದ್ದಾರೆ.

ಈ ಮಧ್ಯೆ ಮೊಬಿಕ್ವಿಕ್ ಖಾಸಗಿ ವಲಯದ ಸಾಲದಾತರಾದ ಇಂಡಸ್ಇಂಡ್ ಜೊತೆ ಕೈಜೋಡಿಸಿದ್ದು 'ಇಂಡಸ್ಇಂಡ್ ಮೊಬಿಕ್ವಿಕ್' ಎಂಬ ಸಹ-ಬ್ರ್ಯಾಂಡ್ ನ ವಾಲೆಟ್ ಒಂದನ್ನು ಕೂಡ ಲಾಂಚ್ ಮಾಡಲಿದ್ದಾರೆ.

ಈ ಹೊಸ ಸಹಯೋಗದ ಮೂಲಕ ಇಂಡಸ್ ಇಂಡ್ ನ ಗ್ರಾಹಕರು 2 ಮಿಲಿಯನ್ ಮೊಬಿಕ್ವಿಕ್ ಮರ್ಚಂಟ್ ಗಳಿಗೆ 'ಡೈರೆಕ್ಟ್ ಡೆಬಿಟ್’ ಫೀಚರ್ ಬಳಸಿ ತಮ್ಮ ಇಂಡಸ್ಇಂಡ್ ಖಾತೆಯಿಂದ ಹಣ ಪಾವತಿಸಬಹುದಾಗಿದೆ.