ಮೈ ಜಿಯೋ ಆಪ್ ಆಪ್ ಡೇಟ್: ಗ್ರಾಹಕರಿಗೆ ಹೊಸ ಆಯ್ಕೆಗಳು

ರಿಲಯನ್ಸ್ ಮಾಲೀಕತ್ವದ ಜಿಯೋ ಮೈ ಜಿಯೋ ಆಪ್ ಅನ್ನು ಅಪ್ ಡೇಟ್ ಮಾಡಿದ್ದು, ಇದರಲ್ಲಿ ಗ್ರಾಹಕರಿಗೆ ಹಲವಾರು ಹೊಸ ಫೀಚರ್ ಗಳನ್ನು ಬಳಕೆಗೆ ನೀಡಲು ಮುಂದಾಗಿದೆ. ಈ ಹೊಸ ಆಪ್ ನಲ್ಲಿ ಜಿಯೋ ಬಳಕೆದಾರರು ಹೊಸದಾಗಿ ಜಿಯೋ ಮನಿ ಇಲ್ಲವೇ ಪೇಟಿಎಂ ಮೂಲಕ ನೇರವಾಗಿ ಪೇಮೆಂಟ್ ಮಾಡಬಹುದಾಗಿದೆ. ಇದರಿಂದಾಗಿ ಜಿಯೋ ಬಳಕೆದಾರರು ಬೇರೆ ಬೇರೆ ಪೇಮೆಂಟ್ ಆಪ್ ಬಳಕೆ ಮಾಡಿಕೊಳ್ಳುವುದು ತಪ್ಪುತ್ತದೆ.

ಈ ಹೊಸ ಆಪ್ ಡೇಟ್ ಅನ್ನು ಜಿಯೋ ತನ್ನ ಪ್ರೀಪೇಯ್ಡ್ ಮತ್ತು ಪೋಸ್ಟ್ ಪೇಯ್ಡ್ ಬಳಕೆದಾರರಿಗೆ ಮತ್ತು ಆಂಡ್ರಾಯ್ಡ್ ಮತ್ತು ಆಪಲ್ ಬಳಕೆದಾರರಿಗೆ ನೀಡಿದೆ ಎನ್ನಲಾಗಿದೆ. ಅಲ್ಲದೇ ಈ ಹೊಸ ಆಪ್ ಜಿಯೋ ಫೈ, ಜಿಯೋ ಫೈಬರ್ ಮತ್ತು ಜಿಯೋ ನೆಟ್ವರ್ಕ್ ಗಳಲ್ಲಿ ಕಾರ್ಯನಿರ್ವಹಿಸುವಂತೆ ವಿನ್ಯಾಸವನ್ನು ಮಾಡಲಾಗಿದೆ.

ಇದಲ್ಲದೇ ಆಂಡ್ರಾಯ್ಡ್ ಬಳಕೆದಾರರು ಮೈ ಜಿಯೋ ಆಪ್ ನಲ್ಲಿ ಹಲೋ ಜಿಯೋ ವಾಯ್ಸ್ ಅಸಿಸ್ಟೆಂಟ್ ಅನ್ನು ಪಡೆದುಕೊಂಡಿದ್ದು, ಈ ಮೂಲಕ ವಾಯ್ಸ್ ಕಮೆಂಡಿಂಗ್ ನಲ್ಲಿ ಆಪ್ ಅನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಇದಲ್ಲದೇ ಜಿಯೋ ಆಫರ್ ಗಳನ್ನು ಇಲ್ಲಿಯೇ ತಿಳಿಯಬಹುದಾಗಿದೆ.

ಈಗಾಗಲೇ ಹೆಚ್ಚು ಮಂದಿ ಬಳಕೆ ಮಾಡುತ್ತಿರುವ ಆಪ್ ಗಳಲ್ಲಿ ಮೈ ಜಿಯೋ ಆಪ್ ಸ್ಥಾನವನ್ನು ಪಡೆದುಕೊಂಡಿದ್ದು, ಈ ಹೊಸ ಆಯ್ಕೆಯಿಂದಾಗಿ ಇನಷ್ಟು ಜನರು ಜಿಯೋ ಸೇವೆಯನ್ನು ಪಡೆದುಕೊಳ್ಳಲಿದ್ದಾರೆ ಎನ್ನಲಾಗಿದೆ.