ನಿಮ್ಮ ಶೂ ಸೈಜ್ ತಿಳಿದುಕೊಳ್ಳಲು ಆಪ್ ಬಿಡುಗಡೆಗೊಳಿಸಿದ ನೈಕ್

ನೈಕ್ ಫಿಟ್

"ನೈಕ್ ಫಿಟ್ ಹೊಸ ಸ್ಕ್ಯಾನಿಂಗ್ ಸಲ್ಯೂಷನ್ ಆಗಿದ್ದು ಕಂಪ್ಯೂಟರ್ ವಿಷನ್, ಡಾಟಾ ಸೈನ್ಸ್, ಮಷೀನ್ ಲರ್ನಿಂಗ್ ಮತ್ತು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಮತ್ತು ಕೆಲವು ಆಯ್ದ ಅಲ್ಗೋರಿತ್ತಮ್ ಗಳನ್ನು ಬಳಸಿ ನಿಮ್ಮ ಕಾಲಿಗೆ ಸರಿಹೊಂದುವ ಶೂ ಸೈಜ್ ನ್ನು ಗುರುತಿಸುತ್ತದೆ ಎಂದು ನೈಕ್ ನ ಗ್ಲೋಬಲ್ ಕಮ್ಯುನಿಕೇಷನ್ ನ ಡೈರೆಕ್ಟರ್ ಆಗಿರುವ ಸಂದ್ರಾ ಕರೋನ್ ಜಾನ್ ತಿಳಿಸಿದ್ದಾರೆ.

3 ಡಾಟಾ ಪಾಯಿಂಟ್

ಫಿಟ್ ಅಡ್ರೆಸ್ಸ್ ಅನ್ನೋದು ಶೂ ಇಂಡಸ್ಟ್ರಿಯ ಸೈಜ್ ಕಂಡುಹಿಡಿಯುವ ಮಾರ್ಗ. ಫೋನ್ ಕ್ಯಾಮರಾ ಬಳಸಿ ನಿಮ್ಮ ಕಾಲಿನ ಸೈಜ್ ನ್ನು ಗುರುತಿಸುವ ಟೂಲ್ ಕೆಲಸ ಮಾಡುತ್ತದೆ. 13 ಡಾಟಾ ಪಾಯಿಂಟ್ ಗಳನ್ನು ಗುರುತಿಸಿ ಕಾಲಿನ ಸೈಜ್ ತಿಳಿಯುತ್ತದೆ ಮತ್ತು ಇದು ನೈಕ್ ಪ್ಲಸ್ ಮೆಂಬರ್ ಪ್ರೊಫೈಲ್ ನಲ್ಲಿ ಸೇವ್ ಕೂಡ ಆಗಿರುತ್ತದೆ.

ನೈಕ್ ಫಿಟ್ ಮ್ಯಾಟ್

ಸ್ಕ್ಯಾನ್ ಆದ ನಂತರ, ನೈಕ್ ಸಂಸ್ಥೆ ನಿಮಗೆ ಉತ್ತಮ ಶೂ ಅಥವಾ ಫೂಟ್ ವೇರ್ ಯಾವುದು ಎಂದು ತಿಳಿಸುತ್ತದೆ. ಇದರ ಜೊತೆಗೆ ನೈಟ್ ಫಿಟ್ ನ್ನು ನೀವು ನೈಕ್ ರೀಟೇಲ್ ಸ್ಟೋರ್ ಗಳಲ್ಲಿ ಜೊತೆಗೆ ನೈಕ್ ಫಿಟ್ ಮ್ಯಾಟ್ ನಲ್ಲಿ ಬಳಸಬಹುದು. ನೀವು ನಿಮ್ಮ ಸ್ನೇಹಿತರು ಅಥವಾ ಕುಟುಂಬದ ಸದಸ್ಯರಿಗಾಗಿ ಶಾಪಿಂಗ್ ಮಾಡುತ್ತಿದ್ದರೆ ಅವರ ಪಾದವನ್ನು ಸ್ಕ್ಯಾನ್ ಮಾಡುವುದಕ್ಕೆ ನೈಕ್ ಫಿಟ್ ಆಪ್ ನ್ನು ಬಳಕೆ ಮಾಡಬಹುದು.

ನೈಕ್ ಆಪ್

ನೈಕ್ ಫಿಟ್ ಮೂಲಕ ಗ್ರಾಹಕರು ಅಗತ್ಯತೆ, ಡಿಸೈನ್, ತಯಾರಿಕೆ ಮತ್ತು ಮಾರಾಟ ಮಾಡುವ ಶೈಲಿ ಎಲ್ಲವೂ ಕೂಡ ಬದಲಾಗುತ್ತದೆ ಎಂದು ನೈಕ್ ಅಭಿಪ್ರಾಯ ಪಟ್ಟಿದೆ. ಅತ್ಯುತ್ತಮ ಫಿಟ್ಟಿಂಗ್ ಇರುವ ಶೂಗಳು ಹೆಚ್ಚು ಉತ್ತಮವಾಗಿರುತ್ತದೆ ಮತ್ತು ಉತ್ತಮ ಪ್ರದರ್ಶನವನ್ನು ನೀಡುತ್ತದೆ. ಅಂತಿಮ ಗುರಿ ಏನೆಂದರೆ ಸಂಖ್ಯೆಯಾಗಲೀ, ಲಿಂಗವಾಗಲಿ ಅಥವಾ ಕೇವಲ ಹೆಸರು ಮಾತ್ರವೇ ಅಲ್ಲ ನಿಮ್ಮ ವಯಕ್ತಿಕ ವಸ್ತುವೊಂದು ಹೆಚ್ಚು ಉತ್ತಮ ಫೀಲ್ ನೀಡುವುದಕ್ಕೆ ಸಹಕರಿಸಬೇಕು ಎಂಬುದೇ ಆಗಿದೆ.

ಜುಲೈ ನಲ್ಲಿ ಈ ತಂತ್ರಗಾರಿಕೆಯು ಬಿಡುಗಡೆಗೊಳ್ಳಲಿದೆ ಮತ್ತು ನೈಕ್ ಆಪ್ ಅಪ್ ಡೇಟ್ ಆಗುತ್ತದೆ ಮತ್ತು ಯುರೋಪ್ ನಲ್ಲಿ ನಂತರ ಬೇಸಿಗೆಯಲ್ಲಿ ಇದು ಆರಂಭವಾಗುತ್ತದೆ. ಒಟ್ಟಿನಲ್ಲಿ ನೈಕ್ ಸಂಸ್ಥೆ ಒಂದಿಲ್ಲೊಂದು ಹೊಸತನಕ್ಕೆ ತೆರೆದುಕೊಳ್ಳುತ್ತದೆ ಎಂಬುದು ಮಾತ್ರ ಸುಳ್ಳಲ್ಲ.