ಮಾರುಕಟ್ಟೆಯಲ್ಲಿ ಸಂಚಲನ: ಲೀಕ್ ಆಗಿದೆ ನೋಕಿಯಾ 8 ಪ್ರೋ ಮಾಹಿತಿ...!

Posted By: Tejaswini P G

    ಇತ್ತೀಚೆಗೆ ನಡೆದ MWC 2018 ರಲ್ಲಿ HMD ಗ್ಲೋಬಲ್ ಸಂಸ್ಥೆಯು ಹಲವು ನೋಕಿಯಾ ಫೋನ್ ಗಳನ್ನು ಅನಾವಾರಣಗೊಳಿಸಿತ್ತು. ಈ ಫಿನ್ನಿಶ್ ಸಂಸ್ಥೆಯು ಸಧ್ಯಕ್ಕೆ ನೋಕಿಯಾ 9 ಮತ್ತು ನೋಕಿಯಾ 8 ಪ್ರೋ ಎಂಬ 2 ಹೈ-ಎಂಡ್ ಸ್ಮಾರ್ಟ್ಫೋನ್ ಗಳ ಮೇಲೆ ಕೆಲಸಮಾಡುತ್ತಿದೆ. ಈ ಎರಡೂ ಸ್ಮಾರ್ಟ್ಫೋನ್ಗಳು ಈ ವರ್ಷಾಂತ್ಯದೊಳಗೆ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ನೋಕಿಯಾ 9 ನ ಮಾಹಿತಿಗಳು ಈಗಾಗಲೇ ಹಲವು ಬಾರಿ ಸೋರಿಕೆಯಾಗಿದ್ದು, ಈಗ ನೋಕಿಯಾ 8 ಪ್ರೋ ನ ಸಂಪೂರ್ಣ ಮಾಹಿತಿ ಆನ್ಲೈನ್ ನಲ್ಲಿ ಸೋರಿಕೆಯಾಗಿದೆ.

    ನೋಕಿಯಾ 8 ಪ್ರೋ ಸ್ಮಾರ್ಟ್ಫೋನ್ ನೋಕಿಯಾ 8 ಸಿರೋಕೋ ನ ಸುಧಾರಿತ ಆವೃತ್ತಿ ಎಂದು ಹೇಳಲಾಗುತ್ತಿದೆ. ಸೋರಿಕೆಯಾಗಿರುವ ಮಾಹಿತಿಯ ಅನುಸಾರ ಈ ಸ್ಮಾರ್ಟ್ಫೋನ್ ನಲ್ಲಿದೆ 6.01 ಇಂಚ್ ಫುಲ್ HD ಡಿಸ್ಪ್ಲೇ 1080X2160 ಪಿಕ್ಸೆಲ್ ರೆಸೊಲ್ಯೂಶನ್ ಮತ್ತು 18:9 ಆಸ್ಪೆಕ್ಟ್ ಅನುಪಾತದೊಂದಿಗೆ. ಅಲ್ಲದೆ ಇದರಲ್ಲಿದೆಯಂತೆ ಕ್ವಾಲ್ಕಮ್ ನ ನೂತನ ಫ್ಲ್ಯಾಗ್ಶಿಪ್ ಪ್ರಾಸೆಸರ್ ಆದ ಸ್ನ್ಯಾಪ್ಡ್ರಾಗನ್ 845 SoC.

    ಇದರ ಮೆಮೋರಿ ಕುರಿತು ಹೇಳುವುದಾದರೆ ನೋಕಿಯಾ 8 ಪ್ರೋ ಎರಡು ಆವೃತ್ತಿಗಳಲ್ಲಿ ಬರಲಿದೆ. ಮೂಲ ಆವೃತ್ತಿ 6GB RAM ಮತ್ತು 64GB ಆಂತರಿಕ ಸ್ಟೋರೇಜ್ ಹೊಂದಿದ್ದರೆ, ಮತ್ತೊಂದು ಆವೃತ್ತಿ 8GB RAM ಮತ್ತು 128GB ಆಂತರಿಕ ಸ್ಟೋರೇಜ್ ಹೊಂದಿರಲಿದೆ.

    ಸೋರಿಕೆಯಾಗಿರುವ ಮಾಹಿತಿಗಳ ಅನುಸಾರ ನೋಕಿಯಾ 8 ಪ್ರೋ ನಲ್ಲಿ ಡ್ಯುಯಲ್ ರೇರ್ ಕ್ಯಾಮೆರಾ ಸೆಟಪ್ ಇರಲಿದ್ದು, ಎರಡು 16MP ಸೆನ್ಸರ್ಗಳು ಇರಲಿವೆ. ಇದರೊಂದಿಗೆ ಡ್ಯುಯಲ್ ಟೋನ್ LED ಫ್ಲ್ಯಾಶ್ ಕೂಡ ಇರಲಿದೆ. ಅಲ್ಲದೆ ನೋಕಿಯಾ 8 ಪ್ರೋ ನಲ್ಲಿರಲಿದೆ 13 MP ಸೆನ್ಸರ್ ಹೊಂದಿರುವ ಫ್ರಂಟ್ ಕ್ಯಾಮೆರಾ.

    ಈ ನೂತನ ನೋಕಿಯಾ ಸ್ಮಾರ್ಟ್ಫೋನ್ ಹಿರಿದಾದ 4000 mAh ಸಾಮರ್ಥ್ಯದ ಬ್ಯಾಟರಿ ಇರಲಿದ್ದು,ವೈರ್ಲೆಸ್ ಚಾರ್ಜಿಂಗ್ ಅನ್ನು ಇದು ಬೆಂಬಲಿಸಲಿದೆ. ಅಲ್ಲದೆ ಇದರಲ್ಲಿರಲಿದೆ ಆಂಡ್ರಾಯ್ಡ್ ಓರಿಯೋ ಓಎಸ್ ಮತ್ತು USB ಟೈಪ್-ಸಿ ಪೋರ್ಟ್.

    ಈ ಹಿಂದೆ ಬಂದಿರುವ ವರದಿಗಳ ಅನುಸಾರ ನೋಕಿಯಾ 8 ಹಿಂಭಾಗ ಮತ್ತು ಮುಂಭಾಗದಲ್ಲಿ 3D ಗ್ಲಾಸ್ ಹೊಂದಿರಲಿದೆ. ಇನ್ನು ಇದರ ಲಭ್ಯತೆ ಮತ್ತು ಬೆಲೆಯ ಕುರಿತು ಹೇಳುವುದಾದರೆ ಇದು ಆಗಸ್ಟ್ ನಲ್ಲಿ ಲಾಂಚ್ ಆಗಲಿದ್ದು, ತುಲನಾತ್ಮಕವಾಗಿ ಕಡಿಮೆ ಬೆಲೆ ಹೊಂದಿರಲಿದೆ. ಈ ವರದಿಗಳನ್ನು ನಂಬುವುದಾದರೆ ಇದು ಒನ್ಪ್ಲಸ್ 6, ಶಿಯೋಮಿ ಮಿ ಮ್ಯಾಕ್ಸ್ 3 ಮೊದಲಾದ ಸ್ಮಾರ್ಟ್ಫೋನ್ಗಳಿಗೆ ಪ್ರತಿಸ್ಪರ್ಧಿಯಾಗಿ ನಿಲ್ಲಲಿದೆ.

    Do you know what all u can do by Downloading Hike Messenger app.?
    ಇಗಾಗಲೇ ತಿಳಿಸಿದಂತೆ ನೋಕಿಯಾ 9 ನ ತಯಾರಿಯೂ ಪ್ರಗತಿಯಲ್ಲಿದೆ. ಈ ಹ್ಯಾಂಡ್ಸೆಟ್ ನಲ್ಲಿ ತುಂಬಾ ಶಕ್ತಿಶಾಲಿ ಫೀಚರ್ಗಳು ಇರಲಿವೆಯಂತೆ. ಗಿಜ್ಮೋಚೈನಾ ದ ಅನುಸಾರ ಇದು 2018ರಲ್ಲಿ HMD ಗ್ಲೋಬಲ್ ಸಂಸ್ಥೆಯ ಟಾಪ್ ಫ್ಲ್ಯಾಗ್ಶಿಪ್ ಮೊಬೈಲ್ ಎನಿಸಲಿದೆ. ವರದಿಗಳ ಅನುಸಾರ ಇದು ಅಂಡರ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ಸೆನ್ಸರ್ ಹೊಂದಿರುವ ಮೊದಲ ನೋಕಿಯಾ ಫೋನ್ ಎನಿಸಲಿದೆ. ನೋಕಿಯಾ 9 ಈ ಬೇಸಿಗೆಯ ಅಂತ್ಯದಲ್ಲಿ ಬರ್ಲಿನ್ ನಲ್ಲಿ ನಡೆಯಲಿರುವ IFA 2018 ಟ್ರೇಡ್ ಶೋ ನಲ್ಲಿ ಬಿಡುಗಡೆಯಾಗಲಿದೆ.

    English summary
    Nokia 8 Pro specifications leaked; Snapdragon 845, 8GB RAM. to know more visit kannada.gizbot.com
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more