ಪೋಟೋ ಗಾತ್ರ ಕುಗ್ಗಿಸಲು ಐಫೋನ್ ಬಳಕೆದಾರರಿಗೆ ಈ ಆಪ್‌ಗಳು ಅನುಕೂಲ..!

1) ಫೋಟೋ ಮರುಗಾತ್ರಗೊಳಿಸುವಿಕೆ(Reduce Photo Size) :

ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪ್ ಸ್ಟೋರ್ ಗಳಲ್ಲಿ ಇದಕ್ಕಾಗಿ ಹಲವಾರು ಆಪ್ ಗಳು ಲಭ್ಯವಿದೆ. ಇಮೇಲ್ ಮೂಲಕ ಅಥವಾ ಫೇಸ್ ಬುಕ್, ಟ್ವೀಟರ್ ಇಲ್ಲವೇ ಇನ್ಯಾವುದೇ ಕಡೆ ಅಪ್ ಲೋಡ್ ಮಾಡುವ ಮುನ್ನ ಫೋಟೋವನ್ನು ಕತ್ತರಿಸಿ ಹೊಸ ಆಕಾರ ನೀಡಲು ನೆರವಾಗುತ್ತದೆ. ಹೀಗೆ ಮರುಗಾತ್ರಗೊಳಿಸುವಿಕೆಯು ಮೂಲ ಫೋಟೋವಿನ ಮೇಲೆ ಯಾವುದೇ ಪರಿಣಾಮವನ್ನು ಉಂಟುಮಾಡದೇ ಇನ್ನಷ್ಟು ಚೆಂದಗಾಣಿಸಲು ನೆರವಾಗುತ್ತದೆ.

ಬಳಕೆ ಮಾಡುವುದು ಹೇಗೆ?: ನೀವು ಇಮೇಲ್ ಗೆ ಫೋಟೋವನ್ನು ಅಟ್ಯಾಚ್ ಮಾಡುವ ಮುನ್ನ ಅದರಲ್ಲಿ "Reduce Photo Size" ಆಯ್ಕೆ ಮಾಡಿ. ಮತ್ತು ಚಿತ್ರವನ್ನು ಟ್ಯಾಪ್ ಮಾಡಿ ಅದನ್ನು ಸ್ಕ್ರೀನ್ ಗೆ ತಕ್ಕ ಹಾಗೆ ಗಾತ್ರವನ್ನು ಸಣ್ಣದು ಮಾಡಿ.ಒಮ್ಮೆ ಆಯ್ಕೆ ಮಾಡಿದ ನಂತರ ಡನ್ ಬಟನ್ ನ್ನು ಹಿಟ್ ಮಾಡಿ.

2) ಚಿತ್ರವನ್ನು ಕುಗ್ಗಿಸುವಿಕೆ (Image Compress):

ನಿಮ್ಮ ಆಯ್ಕೆಗೆ ತಕ್ಕಂತೆ ಫೋಟೋವನ್ನು ಯಾವುದೇ ಗಾತ್ರಕ್ಕೆ ಅಥವಾ ಯಾವುದೇ ಆಕಾರಕ್ಕೆ ಬದಲಿಸುವ ಅವಕಾಶವನ್ನು ಈ ಆಪ್ ನಿಮಗೆ ಒದಗಿಸಿಕೊಡುತ್ತದೆ.ಯಾವುದೇ ಅನುಪಾತ, ಎತ್ತರ, ಅಗಲಕ್ಕೆ ಫೋಟೋವನ್ನು ಕತ್ತರಿಸಲು ಇದು ಅನುವು ಮಾಡಿ ಕೊಡುತ್ತದೆ. ಇದರ ಇನ್ನೊಂದು ಪ್ರಮುಖ ಪ್ರಯೋಜನವೇನೆಂದರೆ ಹಲವಾರು ಫೋಟೋವನ್ನು ಒಂದೇ ಸಮಯಕ್ಕೆ ಮರುಆಕಾರಗೊಳಿಸಿಕೊಳ್ಳಲು ಈ ಆಪ್ ನಲ್ಲಿ ಅವಕಾಶವಿದೆ.

3) ಫೋಟೋ ರೀಸೈಜರ್ (Photo Resizer): 

ಯಾಂಗ್ ಯೋಯಾನ್ ಚೋ ಅವರ ಫೋಟೋ ರಿಸೈಜರ್ ಆಪ್ ಮೂಲಕ ಯಾವುದೇ ಫೋಟೋವನ್ನು ಸುಲಭದಲ್ಲಿ ಮರು ಆಕಾರಗೊಳಿಸಿಕೊಳ್ಳಲು ಸಾಧ್ಯವಾಗುತ್ತದೆ.ಇದರಲ್ಲಿ 8 ಪ್ರೀಡಿಫೈನ್ಡ್ ಅಂದರೆ ಮೊದಲೇ ನಿರ್ಧರಿತವಾಗಿರುವ ಆಕಾರಗಳಿರುತ್ತದೆ ಮತ್ತು ಒಂದು ಕಸ್ಟಮ್ ಸೈಜ್ ಮೋಡ್ ಕೂಡ ಇರುತ್ತದೆ. ನಿಮ್ಮ ಆಯ್ಕೆಗೆ ಅನುಗುಣವಾಗಿ ಫೋಟೋವನ್ನು ಸೈಜನ್ನು ಬದಲಾಯಿಸಿಕೊಳ್ಳಲು ಇದರಲ್ಲಿ ಅವಕಾಶವಿದೆ.ಒಮ್ಮೆ ಫೋಟೋ ರೀಸೈಜ್ ಆದರೆ ಸ್ವಯಂಚಾಲಿತವಾಗಿ ಫೋಟೋ ನಿಮ್ಮ ಕ್ಯಾಮರಾ ವಿಭಾಗದಲ್ಲಿ ಸೇವ್ ಆಗುತ್ತದೆ.

4) ಇಮೇಜ್ ರೀಸೈಜ್ ಕನ್ವರ್ಟರ್ (Image resize Convertor):

ಈ ಆಪ್ ಕೂಡ ಸುಲಭದಲ್ಲಿ ನಿಮ್ಮ ಫೋಟೋವನ್ನು ರೀಸೈಜ್ ಮಾಡಲು ಅನುವು ಮಾಡಿಕೊಡುತ್ತದೆ ಮತ್ತು ಸುಲಭದಲ್ಲಿ ಯಾವುದೇ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವುದಕ್ಕೆ ಸಹಾಯ ಮಾಡುತ್ತದೆ. ಕ್ಯಾಮರಾ ರೆಸಲ್ಯೂಷನ್ ನ ಆಧಾರದಲ್ಲಿ ಫೋಟೋದ ಮೂಲ ಅನುಪಾತವನ್ನು ಉಳಿಸಿಕೊಳ್ಳುವುದಕ್ಕೆ ರೆಸಲ್ಯೂಷನ್ ನ್ನು ಇದು ಸೂಚಿಸುತ್ತದೆ. ಒಮ್ಮೆ ಫೋಟೋ ಮರುಆಕಾರಗೊಳಿಸಿದ ನಂತರ ಸ್ವಯಂಚಾಲಿತವಾಗಿ ಪಿಕ್ಚರ್ ಅಥವಾ ಫೋಟೋ ರೀಸೈಜರ್ ಫೋಲ್ಡರ್ ನಲ್ಲಿ ಸೇವ್ ಆಗುತ್ತದೆ.

5)ಕಿರಿಹಾರಿ-ಸ್ಯಾನ್( Kirihari-San):

ಗುಣಮಟ್ಟ ಮತ್ತು ರೆಸಲ್ಯೂಷನ್ ಗೆ ಯಾವುದೇ ಕಳಂಕ ಬರದಂತೆ ದೊಡ್ಡ ಗಾತ್ರದ ಚಿತ್ರವನ್ನು ಸಣ್ಣಗಾತ್ರಕ್ಕೆ ಇಳಿಸುವುದಕ್ಕೆ ಈ ಆಪ್ ಬಹಳವಾಗಿ ಅನುಕೂಲಕರವಾಗಿದೆ. ಈ ಆಪ್ ಮೂಲಕ ಫೋಟೋವನ್ನು ಕೇವಲ ಮರುಗಾತ್ರಗೊಳಿಸುವಿಕೆ ಮಾತ್ರವಲ್ಲ ಬದಲಾಗಿ ಫೋಟೋ ಫಾರ್ಮೆಟ್ ನ್ನು ಕೂಡ ಬದಲಾಯಿಸುವುದಕ್ಕೆ ಇದರಲ್ಲಿ ಅವಕಾಶವಿದೆ. ಇದರಲ್ಲಿ ನೀವು ಮರುಆಕಾರಗೊಳಿಸಿದ ಫೋಟೋವನ್ನು ಮತ್ತೊಮ್ಮೆ ಪರೀಕ್ಷೆ ಮಾಡಲು ಅವಕಾಶವಿರುತ್ತದೆ ಅಂದರೆ ಪ್ರಿವ್ಯೂಗೆ ಅವಕಾಶವನ್ನು ಇದು ಕಲ್ಪಿಸುತ್ತದೆ ಮತ್ತು ಅದು ನಿಮಗೆ ಸರಿಯಾಗಿಲ್ಲ ಎಂದೆನಿಸಿದಲ್ಲಿ ರೀಡೂ ಮಾಡಲು ಅಂದರೆ ನೀವು ಹಿಂದೆ ಮಾಡಿದ ಬದಲಾವಣೆಯನ್ನು ತೆಗೆದುಹಾಕಿಕೊಳ್ಳಲು ಹಲವಾರು ಬಾರಿ ಅವಕಾಶ ನೀಡುತ್ತದೆ. ಮರುಗಾತ್ರಗೊಳಿಸಿದ ಚಿತ್ರವನ್ನು ಇತರೆ ಅಪ್ಲಿಕೇಷನ್ ಗಳಲ್ಲಿ ಅಥವಾ ಸರ್ವರ್ ಗಳಲ್ಲಿ ಎಫ್ ಟಿಪಿ ಮೂಲಕ ಹಂಚಿಕೊಳ್ಳಲು ಇದು ಸಹಾಯ ಮಾಡುತ್ತದೆ.