"ನಮ್ಮ ಟೈಗರ್" ಆಪ್ ಸೇವೆ ಶುರು!..ಕ್ಯಾಬ್ ಸೇವೆಯ ಬೆಲೆಗಳು ಇಷ್ಟು!!

ಐದು ಸಾವಿರ ಚಾಲಕರು!!

ಮಾಜಿ ಮುಖ್ಯಮಂತ್ರಿ ಹೆಚ್‌ಡಿ ಕುಮಾರಸ್ವಾಮಿ ನೇತೃತ್ವದಲ್ಲಿ ರಚಿಸಿಕೊಂಡಿರುವ "ನಮ್ಮ ಟೈಗರ್" ಆಪ್ ಸೇವೆಗೆ ಮೊದಲ ಹಂತದಲ್ಲಿ ಐದು ಸಾವಿರ ಚಾಲಕರನ್ನು ನೋಂದಾಯಿಸಿಕೊಳ್ಳಲಾಗಿದೆ.ಇನ್ನು ಹೆಚ್ಚಿನ ಚಾಲಕರು ಶೀಘ್ರದಲ್ಲಿಯೇ ಟೈಗರ್ ಸೇವೆಗೆ ಸೇರ್ಪಡೆಗೊಳ್ಳಲಿದ್ದಾರೆ.!!

ಕ್ಯಾಬ್ ಸೇವೆ ಬೆಲೆ ಹೆಚ್ಚು!!

ಡ್ರೈವರ್‌ಗಳು ಮತ್ತು ಗ್ರಾಹಕರೀರ್ವರ ಯೋಗಕ್ಷೇಮವನ್ನು ಹೊಂದಿರುವ ಟೈಗರ್ ಕ್ಯಾಬ್‌ನಲ್ಲಿ ಗುಣಮಟ್ಟಕ್ಕೆ ಹಾಗೂ ಜನರ ಸೇವೆಗೆ ಆದ್ಯತೆ ನೀಡಲಾಗಿದೆ ಎಂದು ಚಾಲಕರ ಮುಖಂಡ ತನ್ವೀರ್ ಪಾಷಾ ಹೇಳಿದ್ದಾರೆ. ಹಾಗಾಗಿ, ಟೈಗರ್ ಕ್ಯಾಬ್ ಸೇವೆಗಳು ಓಲಾ ಮತ್ತು ಉಬರ್‌ಗಳಿಗಿಂತ ಸ್ವಲ್ಪ ಹೆಚ್ಚಿದೆ.!!

ಟೈಗರ್ ಕ್ಯಾಬ್ ಸೇವೆ ಬೆಲೆ ಎಷ್ಟು?

ನಮ್ಮ ಟೈಗರ್" ಆಪ್‌ ಮೂಲಕ ಸದ್ಯಕ್ಕೆ ಎರಡು ಬಗೆಯ ಕ್ಯಾಬ್‌ಗಳನ್ನು ಪರಿಚಯಿಸಲಾಗಿದ್ದು, ಮಿನಿ ಕ್ಯಾಬ್‌ಗೆ ಪ್ರತಿ ಕಿ.ಮೀ.ಗೆ 12.50 ರೂ. ಸೆಡಾನ್‌ನಲ್ಲಿ 14.50 ರೂ. ಹಾಗೂ ಎಸ್‌ಯುವಿನಲ್ಲಿ 18.50 ರೂ. ದರವನ್ನು ನಿಗದಿಪಡಿಸಲಾಗಿದೆ.! ಆದರೆ, ಓಲಾ, ಉಬರ್‌ನ ಹಲವು ವಿಭಾಗಗಳಂತೆ ಕಿ.ಮೀ.ಗೆ 6 ರೂ., 8 ರೂ. ಮತ್ತು 10 ರೂ. ದರವಿದೆ.!!

ರಸ್ತೆಯಲ್ಲಿ ನಿಂತು ಲಿಫ್ಟ್‌ ಕೇಳಬಹದು!!

ರಸ್ತೆಯಲ್ಲಿ ನಿಂತು ಲಿಫ್ಟ್‌ ನೀಡಿ ಎಂದು ಕೇಳಿದರೂ ಸೇವೆ ನೀಡಬೇಕು ಎಂದು ಟೈಗರ್ ಕ್ಯಾಬ್ ತಂಡ ತೀರ್ಮಾನಿಸಿದೆ. ಆದರೆ, ಸದ್ಯಕ್ಕೆ ಆಪ್ ಮೂಲಕವೇ ಕ್ಯಾಬ್ ಬುಕ್ಕಿಂಗ್ ಮಾಡಬಹುದಾಗಿದ್ದು, ಕೆಲ ತಿಂಗಳು ಕಳೆದ ನಂತರ ಇಂತಹ ಸೇವೆಯನ್ನು ಪರಿಚಯಿಸಲಾಗುತ್ತದೆ.!!