ಫೋನ್‌ ಅನ್‌ಲಾಕ್‌ ಆಗಿದ್ದರೂ ಈಗ 'ವಾಟ್ಸ್‌ಆಪ್‌' ಮೆಸೇಜ್‌ ಓದೋಕೆ ಆಗೊಲ್ಲ!

ಸಕ್ರಿಯಗೊಳಿಸುವುದು ಹೇಗೆ?

ಐಒಎಸ್ ಬೀಟಾ ಬಳಕೆದಾರರಿಗೆ ಕಳೆದ ವಾರವೇ ಈ ಸೌಲಭ್ಯ ಕಲ್ಪಿಸಿದ್ದು, ಇದೀಗ ವಿಶ್ವದಾದ್ಯಂತ ಎಲ್ಲಾ ಐಫೋನ್ ಬಳಕೆದಾರರಿಗೂ ಈ ಸೌಲಭ್ಯವನ್ನು ನೀಡಲಾಗಿದೆ ಎಂದು ವಾಟ್ಸ್ಆಪ್ ತಿಳಿಸಿದೆ. ಹಾಗಾಗಿ, ಐಫೋನ್ ಬಳಕೆದಾರರ ವಾಟ್ಸ್ಆಪ್ ಅನ್ನು ಅಪ್‌ಡೇಟ್ ಮಾಡಿಕೊಂಡ ನಂತರ Settings > Account > Privacy > Screen Lock ಮೂಲಕ ಈ ಫೀಚರ್ ಪಡೆಯಬಹುದು.

ಆರ್ಡರ್​​ನಲ್ಲಿ ವಾಯ್ಸ್​​ ಮೆಸೇಜ್​​​

ಈ ಹೊಸ ಫೀಚರ್​​​ ಮೂಲಕ ವಾಟ್ಸ್​​ಆಪ್​ ಬಳಕೆದಾರರು ಇನ್ಮುಂದೆ ಮಾರ್ನಾಲ್ಕು ವಾಯ್ಸ್​ ಮೆಸೇಜ್​ಗಳನ್ನ ಆರ್ಡರ್​​ನಲ್ಲಿ ಪ್ಲೇ ಮಾಡಬಹುದು ಎಂದು ಹೇಳಲಾಗಿದೆ. ಆಲಿಸಬೇಕಾದ ಎಲ್ಲಾ ವಾಯ್ಸ್ ಮೆಸೇಜ್‌ಗಳನ್ನು ಒಂದೇ ವೇಳೆಯಲ್ಲಿ ಸೆಲೆಕ್ಟ್ ಮಾಡಿ ಪ್ಲೇ ಮಾಡಿದರೆ, ಅವೆಲ್ಲವೂ ಆರ್ಡರ್​​ನಲ್ಲಿ ಪ್ಲೇ ಆಗುತ್ತವೆ ಎಂದು ಹೇಳಲಾಗಿದೆ.

ಡಾರ್ಕ್​ ಮೋಡ್​

ಕತ್ತಲಲ್ಲಿ ವಾಟ್ಸ್​​​ಆಪ್​ ಬಳಕೆ ಮಾಡುವಾಗ ಕಣ್ಣುಗಳ ಮೇಲಿನ ಒತ್ತಡ ಕಡಿಮೆ ಮಾಡುವ ಸಲುವಾಗಿ ಮತ್ತು ಬ್ಯಾಟರಿ ಬಾಳಿಕೆ ಹೆಚ್ಚಿಸುವ ಸಲುವಾಗಿ ಡಾರ್ಕ್​ ಮೋಡ್​ ಅನ್ನು ಈ ವರ್ಷ ವಾಟ್ಸ್‌ಆಪ್‌ನಲ್ಲಿ ಕಾಣಬಹುದಾಗಿದೆ. ವಾಟ್ಸ್​​ಆಪ್​ ಬೀಟಾ ಇನ್ಫೋ ಟ್ವಿಟರ್​​ ಅಕೌಂಟ್​​ನಲ್ಲಿ ಈ ಬಗ್ಗೆ ಖಚಿತ ಮಾಹಿತಿ ನೀಡಲಾಗಿದೆ.

ಸ್ವೈಪ್​ ಟು ರಿಪ್ಲೈ

ಈಗಾಗಲೇ​​ ಲಭ್ಯವಿರುವ ಈ ಸ್ವೈಪ್​ ಟು ರಿಪ್ಲೈ ಮತ್ತಷ್ಟು ಅಪ್‌ಡೇಟ್ ಆಗಿ ಬರಲಿದೆ. ಬಳಕೆದಾರರು ಈ ಫೀಚರ್​ ಮೂಲಕ ಬಳಕೆದಾರರು ಬಲಕ್ಕೆ ಸ್ವೈಪ್​ ಮಾಡುವ ಮೂಲಕ ಮೆಸೇಜ್​ಗಳಿಗೆ ರಿಪ್ಲೈ ಮಾಡಬಹುದು. ಬಲಕ್ಕೆ ಸ್ವೈಪ್​ ಮಾಡುತ್ತಿದ್ದಂತೆ ಆ ಸಂದೇಶ ರಿಪ್ಲೈ ಕಾಂಟೆಕ್ಸ್ಟ್​​​ನಲ್ಲಿ ಲೋಡ್​ ಆಗುತ್ತದೆ ಎಂದು ಹೇಳಲಾಗಿದೆ.

ಕಾಂಟ್ಯಾಕ್ಟ್ಸ್​ ಲಿಂಕಿಂಗ್

ವಾಟ್ಸ್ಆಪ್ ಪರಿಚಯಿಸಲಿರುವ ಈ ನೂತನ ಫೀಚರ್ ಸಹಾಯದಿಂದ ನೀವು ಯಾರೊಂದಿಗೆ ಹೆಚ್ಚು ಬಾರಿ ಚಾಟ್​​ ಮಾಡ್ತೀರ ಎನ್ನುವುದರ ಆಧಾರದ ಮೇಲೆ ಇತರೆ ಕಾಂಟ್ಯಾಕ್ಟ್​​ಗಳನ್ನ ಆಟೋಮ್ಯಾಟಿಕ್​ ಆಗಿ ಲಿಂಕ್​ ಮಾಡಿ ಪಟ್ಟಿ ಮಾಡಬಹುದಾಗಿದೆ. ಇದು ಚಾಟಿಂಗ್‌ಗೆ ಬಹಳ ಸಹಕಾರಿಯಾಗಲಿದೆ ಎಂದು ಹೇಳಲಾಗಿದೆ.