ಆರಂಭಕ್ಕೂ ಮುನ್ನವೇ ವಿಘ್ನ: ಸಂಕಷ್ಟದಲ್ಲಿ ವಾಟ್ಸ್‌ಆಪ್ ಪೇಮೆಂಟ್ ಸೇವೆ..!

RBI ತಡೆ:

ಈ ಹಿಂದೆಯೇ ವಾಟ್ಸ್‌ಆಪ್ ತನ್ನ ಪೇಮೆಂಟ್ ಬಳಕೆದಾರರ ವಿವರಣೆಯನ್ನು ತನ್ನ ಫೋಷಕರ ಕಂಪನಿಯೊಂದಿಗೆ ಹಂಚಿಕೊಳ್ಳುವುದಾಗಿ ತಿಳಿಸಿತ್ತು. ಇದರಂತೆ ಫೇಸ್‌ಬುಕ್ ನೊಂದಿಗೆ ತನ್ನ ಬಳಕೆದಾರರ ಮಾಹಿತಿಯನ್ನು ಹಂಚಿಕೊಳ್ಳಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತಡೆಯನ್ನು ಒಡ್ಡಿದೆ ಎನ್ನಲಾಗಿದೆ.

ಪ್ರಶ್ನೆ ಮಾಡಿದೆ:

ದೇಶದಲ್ಲಿ ನೀಡುತ್ತಿರುವ ಪೇಮೆಂಟ್ ಸೇವೆಯ ವಿವರವನ್ನು ಯಾವ ಕಾರಣಕ್ಕಾಗಿ ಫೇಸ್‌ಬುಕ್ ನೊಂದಿಗೆ ಹಂಚಿಕೊಳ್ಳುತ್ತಿದೆ ಎನ್ನುವುದನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಪ್ರಶ್ನೇ ಮಾಡಿದೆ ಎನ್ನಲಾಗಿದೆ. ಸರಿಯಾದ ಉತ್ತರವನ್ನು ನೀಡುವಂತೆ ಕೋರಿದೆ.

ಒಪ್ಪಿಕೊಂಡ ವಾಟ್ಸ್‌ಆಪ್:

ಈಗಾಗಲೇ ತನ್ನ ಬಳಕೆದಾರರ ಸ್ಪಲ್ಪ ಪ್ರಮಾಣದ ಮಾಹಿತಿಯನ್ನು ಫೇಸ್‌ಬುಕ್‌ನೊಂದಿಗೆ ಹಂಚಿಕೊಳ್ಳುವುದಾಗಿ ವಾಟ್ಸ್‌ಆಪ್ ಮಾಹಿತಿಯನ್ನು ನೀಡಿತ್ತು ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಮಾಹಿತಿಯನ್ನು ಹಂಚಿಕೊಳ್ಳುವುದಕ್ಕೆ ಭಾರತೀಯ ರಿಸರ್ವ್ ಬ್ಯಾಂಕ್ ತಡೆಯಿಡ್ಡಿದೆ.

ಹಂಚಿಕೊಳ್ಳುವಂತೆ ಇಲ್ಲ:

ವಾಟ್ಸ್‌ಆಪ್ ಯಾವುದೇ ಕಾರಣಕ್ಕೂ ಫೇಸ್‌ಬುಕ್ ನೊಂದಿಗೆ ಬಳಕೆದಾರರ ಮಾಹಿತಿಯನ್ನು ಹಂಚಿಕೊಳ್ಳುವಂತಿಲ್ಲ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ವಾಟ್ಸ್‌ಆಪ್ ಗೆ ತಿಳೀಸಿದೆ ಎನ್ನಲಾಗಿದೆ. ಒಟ್ಟಿನಲ್ಲಿ ಫೇಸ್‌ಬುಕ್ ಮಾಹಿತಿ ಪಡೆಯುವ ಸಹಾಯಕ್ಕೆ ಭಾರತೀಯ ರಿಸರ್ವ್ ಬ್ಯಾಂಕ್ ಹೊಡೆತವನ್ನು ನೀಡಿದೆ.