ಆಂಡ್ರಾಯ್ಡ್ 4.0 ಐಸ್ ಕ್ರೀಮ್ ಸ್ಯಾಂಡ್ವಿಚ್ ಯಾಕೆ ಬೇಕು

By Varun

Updated: Tuesday, April 17, 2012, 11:52 [IST]

ಆಂಡ್ರಾಯ್ಡ್ 4.0 ಐಸ್ ಕ್ರೀಮ್ ಸ್ಯಾಂಡ್ವಿಚ್ ಯಾಕೆ ಬೇಕು

ಆಂಡ್ರಾಯ್ಡ್, ಆಂಡ್ರಾಯ್ಡ್, ಆಂಡ್ರಾಯ್ಡ್. ನೀವು ಯಾವುದೇ ಸ್ಮಾರ್ಟ್ ಫೋನ್ ಅಥವಾ ಟ್ಯಾಬ್ಲೆಟ್ ತೆಗೆದುಕೊಂಡರೂ ಅದರಲ್ಲಿ ಆಂಡ್ರಾಯ್ಡ್ ತಂತ್ರಾಂಶವಿರುತ್ತದೆ.

ಗೂಗಲ್ ನ ಆಂಡ್ರಾಯ್ಡ್ ಹಲವಾರು ಆವೃತ್ತಿಗಳನ್ನು ಬಿಡುಗಡೆ ಮಾಡಿದ್ದು 2012 ನಲ್ಲಿ ಬಿಡುಗಡೆಯಾಗುತ್ತಿರುವ ಹಲವಾರು ಟ್ಯಾಬ್ಲೆಟ್ ಹಾಗು ಸ್ಮಾರ್ಟ್ ಫೋನುಗಳಲ್ಲಿ ಆಂಡ್ರಾಯ್ಡ್ 4.0 ಐಸ್ ಕ್ರೀಮ್ ಸ್ಯಾಂಡ್ವಿಚ್ ಆಧಾರಿತವಾಗಿರುತ್ತದೆ.

ಐಸ್ ಕ್ರೀಮ್ ಸ್ಯಾಂಡ್ವಿಚ್, ಆಂಡ್ರಾಯ್ಡ್ ನ ನಾಲ್ಕನೇ ಆವೃತ್ತಿಯಾಗಿದ್ದು ಏಕೆ ಈ ಐಸ್ ಕ್ರೀಮ್ ಸ್ಯಾಂಡ್ವಿಚ್, ಹಿಂದಿನ ಆಂಡ್ರಾಯ್ಡ್ ಆವೃತ್ತಿಗಳಾದ ಹನಿಕೂಂಬ್ (ಆಂಡ್ರಾಯ್ಡ್ 3.0) ಹಾಗು ಜಿಂಜರ್ ಬ್ರೆಡ್ (ಆಂಡ್ರಾಯ್ಡ್ 2.3) ಗಿಂತ ಹೇಗೆಉತ್ತಮವಾಗಿದೆ ಈಗಿನ ಟ್ಯಾಬ್ಲೆಟ್ ಹಾಗು ಸ್ಮಾರ್ಟ್ ಫೋನುಗಳಿಗೆ ಎಂದುತಿಳಿದುಕೊಳ್ಳೋಣ.

1) ಅತ್ಯುತ್ತಮ ಇಂಟರ್ಫೇಸ್- ಆಂಡ್ರಾಯ್ಡ್ 4.0, ಇದುವರೆಗಿನ ಆವೃತ್ತಿಗಳಲ್ಲೇ ಉತ್ತಮವಾದ ಇಂಟರ್ಫೇಸ್ ಹೊಂದಿದ್ದು, ಇದರ ಉತ್ತಮ ರೆಸಲ್ಯೂಶನ್ ನಿಂದಾಗಿ ಅನಿಮೇಶನ್ ಗಳನ್ನು ಇನ್ನೂ ರಿಚ್ ಆಗಿ ಕಾಣಬಹುದು.

2) ಸುಲಭವಾಗಿ ಹಲವಾರು ಆಪ್ಸ್ ನೋಡಬಹುದು- ಯಾವುದೇ ಜಂಜಾಟವಿಲ್ಲದೆ ಹಲವಾರು ಆಪ್ಸ್ ಗಳನ್ನು ಒಟ್ಟಿಗೆ ನೋಡಿದರೂ ಹ್ಯಾಂಗ್ ಹಾಗುವುದಿಲ್ಲ. ಮಲ್ಟಿ ಟಾಸ್ಕಿಂಗ್ ಮಾಡಲು ಅನುಕೂಲ ಒದಗಿಸುತ್ತದೆ.

3)ಹೋಮ್ ಸ್ಕ್ರೀನ್ ಫೋಲ್ಡರ್ ಹಾಗು ಫೈಲ್ ನಿರ್ವಹಣೆ- ವಿನ್ದೊವ್ಸ್ ಎಕ್ಸಪ್ಲೋರರ್ ರೀತಿ ಫೈಲ್ ಗಳನ್ನು ಮ್ಯಾನೆಜ್ ಮಾಡಬಹುದು.

4) ಉತ್ತಮ ವಾಯ್ಸ್ ರೆಕಗ್ನಿಶನ್- ಆಪಲ್ ನ ಸಿರಿ ರೀತಿಯಲ್ಲಿ ನಿಮ್ಮ ಧ್ವನಿಯನ್ನು ಗ್ರಹಿಸಿ, ಟೆಕ್ಸ್ಟ್ ಮಾಡುತ್ತದೆ.

5) ವೈಫೈ ಶೇರಿಂಗ್- ಇದರಲ್ಲಿನ ಆಂಡ್ರಾಯ್ಡ್ ಬೀಮ್ ಮೂಲಕ ನೀವು ಫೈಲ್ಗಳನ್ನು ನಿಮ್ಮ ಸಾಧನದಿಂದ ಬೇರೆ ಸಾಧನಕ್ಕೆ ವೈಫೈ ಮೂಲಕ ಕಳಿಸಬಹುದು.

6) ಕೀ ಬೋರ್ಡ್, ಮೌಸ್ ಅಳವಡಿಸಬಹುದು- ಹಿಂದಿನ ಆವೃತ್ತಿಗಳಲ್ಲಿ ಇದು ಸಾಧ್ಯವಿರಲಿಲ್ಲ. ಆದರೆ USB ಮೂಲಕ ಮೌಸ್ ಹಾಗು ಕೀ ಬೋರ್ಡ್ ನಂತಹ ಬಾಹ್ಯ ಸಾಧನಗಳನ್ನು ಅಳವಡಿಸಬಹುದು,ಆಂಡ್ರಾಯ್ಡ್ 4.0 ನಿಂದಾಗಿ.

7) ಸಾಮಾಜಿಕ ಜಾಲ ತಾಣಗಳ ಅನುಕಲನ ಮಾಡಬಹುದು- ನಿಮ್ಮ ಫೇಸ್ ಬುಕ್, ಟ್ವಿಟರ್, ಗೂಗಲ್ + ಅನ್ನು ಈ ಆಂಡ್ರಾಯ್ಡ್ 4.0 ಮೂಲಕ ಅನುಕಲನ ಮಾಡಿ ಪೀಪಲ್ ಎಂಬ ಆಪ್ ಮೂಲಕ ಎಲ್ಲ ಅಪ್ಡೇಟ್ ಗಳನ್ನು ಕೊಡುತ್ತದೆ.

ಇಷ್ಟೆಲ್ಲಾ ಅನುಕೂಲಗಳಿರುವ ಆಂಡ್ರಾಯ್ಡ್ 4.0 ಐಸ್ ಕ್ರೀಮ್ ಸ್ಯಾಂಡ್ವಿಚ್ ತಂತ್ರಾಂಶ ವಿರುವ ಟ್ಯಾಬ್ಲೆಟ್ ಇಲ್ಲವೆ ಸ್ಮಾರ್ಟ್ ಫೋನ್ ಕೊಂಡರೆ ಒಳ್ಳೆಯದು.