ಆಹಾ! ಸಿಹಿ ಸುದ್ದಿ; ಬೆಂಗಳೂರಿನ ಹೊಸ ಟ್ಯಾಬ್ಲೆಟ್ ಮ್ಯಾಜಿಕ್!

ಇಲ್ಲಿದೆ ಸಿಹಿ ಸಿಹಿ ಸುದ್ದಿ! ಬೆಂಗಳೂರು ಮೂಲದ ಕಂಪೆನಿ EAFT ಟೆಕ್ನಾಲಜೀಸ್ ಬಿಡುಗಡೆ ಮಾಡುತ್ತಿದೆ, ಹೊಸ ಸ್ವದೇಶಿ ನಿರ್ಮಿತ ಟ್ಯಾಬ್ಲೆಟ್, ಮ್ಯಾಜಿಕ್ ಟೈಲ್ ಮ್ಯಾರಥಾನ್! ಈ ಹೆಸರನ್ನು ಈ ಮೊದಲು ನೀವು ಸಾಕಷ್ಟು ಕೇಳಿರಲಿಕ್ಕಿಲ್ಲ.

ಆದರೆ ಇನ್ನು ಯಾರೂ ಕೇಳದಿರಲಿಕ್ಕೂ ಸಾಧ್ಯವಿಲ್ಲ ಎನ್ನುವಂತೆ ಕಂಪೆನಿ ಸುಂದರವಾದ, ಅತೀ ಹಗುರವಾದ ಟ್ಯಾಬ್ಲೆಟ್ ಬಿಡುಗಡೆಗೆ ಸದ್ದಿಲ್ಲದೇ ಮುಂದಾಗಿ ಸುದ್ದಿ ಮಾಡಿದೆ.

ಇದರ ವಿಶೇಷತೆಗಳಲ್ಲಿಯೇ ಅತಿ ವಿಶೇಷ ಎಂದರೆ ಕೇವಲ 1 ಕೇ.ಜಿ. ತೂಕ ಹೊಂದಿರುವುದು. ಇನ್ನುಳಿದ ವಿಶೇಷತೆಗಳು ಈ ರೀತಿ ಇವೆ.

* 1 GHz ಪ್ರೊಸೆಸರ್

* ಆಂಡ್ರಾಯ್ಡ್ ಫ್ರೋಯೋ OS

* ಫುಲ್ HD ಪ್ಲೇ ಬ್ಯಾಕ್

* ಜಿಪಿಎಸ್, ಬ್ಲೂ ಟೂಥ್

* ವೈ-ಫೈ, 3G

ಸಾಕಷ್ಟು ಅತ್ಯಾಧುನಿಕವಾಗಿರುವ ಈ ಟ್ಯಾಬ್ಲೆಟ್ಟಿನ ಒಂದೇ ಒಂದು ದೋಷವೆಂದರೆ, ಆಂಡ್ರಾಯ್ಡ್ OS ಹೊಂದಿದ್ದರೂ ಕೂಡ '2.2 ಫ್ರೋಯೋ' ಹೊಂದಿರುವುದು. ಬದಲಿಗೆ ಇದು 'ಹನಿಕಾಂಬ್' ಆವೃತ್ತಿ ಹೊಂದಿದ್ದರೆ ತುಂಬಾ ಅನುಕೂಲಕರವಾಗಿರುತ್ತಿತ್ತು. ಆದರೇನಂತೆ! ಉಳಿದ ವಿಶೇಷತೆಗಳು ಚೆನ್ನಾಗಿವೆಯಲ್ಲ...

ಬೆಂಗಳೂರಿನ ಕಂಪೆನಿಯ ಈ ಹೊಸ ಟ್ಯಾಬ್ಲೆಟ್ 'ಮ್ಯಾಜಿಕ್ ಟೈಲ್ ಮ್ಯಾರಥಾನ್' ಬೆಲೆ ರು. 30,000. ಇಲ್ಲಿಯ ಕೆಲ ಆಯ್ದ ಶೋರೂಂ ಗಳಲ್ಲಿ ಇದು ಲಭ್ಯವಿದೆ. ನೋಡಿ, ನಿಮ್ಮ ಮನೆ ಮಗು ಎತ್ತಿಕೊಳ್ಳಲು ಖುಷಿ ಖಂಡಿತ ತಾನೇ!