ಅದರಲ್ಲೂ ಮೊಬೈಲ್ ಹಾಗು ಕಂಪ್ಯೂಟರ್ ಗಳಂತೂ ವಿಶ್ವವ್ಯಾಪಿಯಾಗಿ ಪ್ರತಿಯೊಬ್ಬರ ಆಫೀಸ್, ಮನೆ-ಮನಸ್ಸನ್ನು ಈಗಾಗಲೇ ಆಕ್ರಮಿಸಿಬಿಟ್ಟಿವೆ.
ಎರಡರಲ್ಲೂ ಇರುವ ಸಾಮಾನ್ಯ ಫೀಚರ್ಸ್ ಎಂದರೆ ಹೊರಕವಚ ಹಾಗೂ ಕೀ ಬೋರ್ಡ್. ಪ್ರತಿಯೊಬ್ಬರೂ ಸಾಕಷ್ಟು ಹೊತ್ತು ಇವುಗಳ ಸಂಗಾತಿಯಾಗಿರಬೇಕಾಗಿರುವುದು ಈ ಕಾಲದಲ್ಲಿ ಅನಿವಾರ್ಯವೂ, ಅಗತ್ಯವೂ ಆಗಿದೆ.
ಆರೋಗ್ಯವಂತರಾಗಿರಲು ಎಲ್ಲರೂ ಕಾಣುವ ಕನಸಿಗೆ ಕಲ್ಲೆನ್ನೆತ್ತಿ ಹಾಕುತ್ತಿವೆ ಈ ಕೀಬೋರ್ಡ್ ಹಾಗೂ ಹೊರಕವಚಗಳು. ಏಕೆಂದರೆ ಅವುಗಳಲ್ಲಿ ಮನೆಮಾಡಿವೆ ಹೇರಳವಾದ ರೋಗಾಣುಗಳು. ಕಾಲನ ಕಾಣದ ಕೈ ಜೀವನದಲ್ಲಿ ಸಾಕಷ್ಟು ಆಟವಾಡುವಂತೆ ಈ ಸಾಧನಗಳಲ್ಲಿ ಅಡಗಿಕೊಂಡಿರುವ ರೋಗಾಣುಗಳು ಒಬ್ಬರಿಂದ ಇನ್ನೊಬ್ಬರಿಗೆ ಹರಡುವ ಮೂಲಕ ನಮ್ಮ ಆರೋಗ್ಯದ ಮೇಲೆ ಬಹಳಷ್ಡು ದುಷ್ಪರಿಣಾಮ ಉಂಟುಮಾಡುತ್ತವೆ.
ಇದಕ್ಕೆಲ್ಲ ನಾವು ಪರಿಹಾರ ಕಂಡುಕೊಳ್ಳದಿದ್ದರೆ ಹೇಗೆ? ದುಡಿದಿದ್ದನ್ನೆಲ್ಲ ಆಸ್ಪತ್ರೆಗೇ ಸುರಿಯುವಂತಾದರೆ ಊಟಕ್ಕೇನು ಮಾಡುವುದು? ಹಾಗಾಗಿ ಈ ಉಪಕರಣಗಳಲ್ಲಿರಿಬಹುದಾದ ಸೂಕ್ಷ್ಮ ರೋಗಾಣುಗಳು, ಅವುಗಳಿಂದ ತಗಲಬಹುದಾದ ಸೋಂಕು ಇವುಗಳ ಬಗ್ಗೆ ಸಾಕಷ್ಟು ಎಚ್ಚರವಾಗಿರಬೇಕಾದುದು ಅಗತ್ಯ.
ಈ ಹಾನಿಕಾರಕ ಫಂಗಸ್, ಪಾಚಿ ಹಾಗೂ ಬ್ಯಾಕ್ಟೀರಿಯಾಗಳು ನಮಗೆ ಸಾಕಷ್ಟು ಹಾನಿ ಉಂಟುಮಾಡುವುದರಿಂದ ಅವುಗಳ ವಿರುದ್ಧ ನಾವು ರಕ್ಷಣೆಪಡೆಯಬೇಕಾದುದು ಅತ್ಯವಶ್ಯ.
ಈ ನಿಟ್ಟಿನಲ್ಲಿ ಸಾಕಷ್ಟು ಸಂಶೋಧನೆಗಳು, ಪರಿಹಾರದ ದಾರಿಗಳು ಇದೀಗ ಗೋಚರಿಸತೊಡಗಿವೆ. ಅವುಗಳ ಕುರಿತು ತಿಳಿಯಲು ಮುಂದಿನ ಪುಟ ನೋಡಿ...
