ಹೋಲಿಕೆ: ಆಸಸ್ ಈ ಪ್ಯಾಡ್, ಎಚ್ ಟಿಸಿ ಆ ಪ್ಯಾಡ್

By Super

Updated: Tuesday, August 30, 2011, 12:28 [IST]

ಹೋಲಿಕೆ: ಆಸಸ್ ಈ ಪ್ಯಾಡ್, ಎಚ್ ಟಿಸಿ ಆ ಪ್ಯಾಡ್

ಮುಗಿಯದ ಧಾರವಾಹಿಗಳಂತೆ ಹಲವು ವಿನೂತನ ಡಿಜಿಟಲ್ ಸಾಧನಗಳು ಮಾರುಕಟ್ಟೆಗೆ ಆಗಮಿಸುತ್ತಿವೆ. ಅದರಲ್ಲಿ Asus EE Pad ಮತ್ತು HTC Flyer ಹೆಚ್ಚು ಜನಪ್ರಿಯವಾಗಿವೆ. ಆ ಪ್ಯಾಡಿಗೂ ಈ ಪ್ಯಾಡಿಗೂ ಏನೆಲ್ಲ ವ್ಯತ್ಯಾಸಗಳಿವೆ? ಯಾವೆಲ್ಲ ಸಾಮ್ಯತೆ? ಭಿನ್ನತೆಗಳಿವೆ? ಅಂತ ಹುಡುಕಿದಾಗ ಸಿಕ್ಕಿದ್ದು ಈ ಸೀರುಂಡೆ.

ಇವೆರಡು ಸ್ಟೈಲ್, ಫೀಚರ್ ವಿಷ್ಯಗಳಲ್ಲಿ ಒಂದಕ್ಕೊಂದು ಪೈಪೋಟಿ ನೀಡುವಂತ್ತಿದೆ. ಟ್ಯಾಬ್ಲೆಟ್ ಮಾರುಕಟ್ಟೆಯಲ್ಲಿ ಇದೇ ಕಾರಣಕ್ಕೆ ಇವೆರಡು ಜನಪ್ರಿಯತೆ ಗಳಿಸಿದೆ ಎಂದೆನಿಸಿತ್ತದೆ. ಇವೆರಡು ಟ್ಯಾಬ್ಲೆಟುಗಳಲ್ಲಿ ಸಾಕಷ್ಟು ಸಾಮ್ಯತೆಗಳಿವೆ. ಸಹಜವಾಗಿ ಭಿನ್ನತೆಗಳೂ ಇವೆ.

* ಆಸಸ್ ಇಇ ಪ್ಯಾಡಿನಲ್ಲಿ ಡಕ್ ಫೆಸಿಲಿಟಿ ಇದೆ. ಅಂದ್ರೆ ಇದಕ್ಕೆ ನಿಮಗೆ ಬೇಕಾದಾಗ ಕೀಬೋರ್ಡ್ ಜೋಡಿಸಬಹುದು. ಬೇಡವೆಂದರೆ ತೆಗೆದು ಪಕ್ಕಕ್ಕಿಡಬಹುದು. ಆದರೆ ಎಚ್ ಟಿಸಿ ಫ್ಲೈಯರ್ ನಲ್ಲಿ ಹೆಚ್ಚುವರಿಯಾಗಿ ಡಿಜಿಟಲ್ ಪೆನ್ ಇದೆ. ಈ ಪೆನ್ನಿನಲ್ಲಿ ಟ್ಯಾಬ್ಲೆಟ್ ಪರದೆ ಮೇಲೆ ಸುಲಭವಾಗಿ ಕಾರ್ಯನಿರ್ವಹಿಸಬಹುದಾಗಿದೆ.

* ಮೊಬೈಲ್ ಕಂಪ್ಯೂಟರಿನಂತೆ ಇವೆರಡು ಟ್ಯಾಬ್ಲೆಟುಗಳ ಇನ್ ಪುಟ್ ಸಾಧನಗಳು ಒಂದೇ ರೀತಿ ಇವೆ. ಎರಡೂ ಸಾಧನಗಳ ಇನ್ ಪುಟ್ ಗಳು ಗ್ರಾಹಕರಿಗೆ ಕಂಫರ್ಟ್ ಅಪರೇಟಿಂಗ್ ಗೆ ಅನುವು ಮಾಡಿಕೊಡುತ್ತದೆ.

* ಗಾತ್ರದ ವಿಷ್ಯಕ್ಕೆ ಬಂದ್ರೆ ಇವೆರಡರ ನಡುವೆ ಕೆಲವು ಇಂಚುಗಳ ವ್ಯತ್ಯಾಸವಿದೆ. ಅಂದ್ರೆ ಎಚ್ ಟಿಸಿ ಫೈಯರ್ 7 ಇಂಚಿನ ಡಿಸ್ ಪ್ಲೇ ಹೊಂದಿದ್ದರೆ ಆಸಸ್ ಇಇ ಪ್ಯಾಡ್ 10.1 ಇಂಚಿನ ಡಿಸ್ ಪ್ಲೇ ಹೊಂದಿದೆ.

* ಇವೆರಡು ಟ್ಯಾಬ್ಲೆಟುಗಳು 5 ಮೆಗಾ ಫಿಕ್ಸೆಲ್ ಕ್ಯಾಮರಾ ಹೊಂದಿವೆ. ಎರಡರ ಕ್ಯಾಮರಾ ಗುಣಮಟ್ಟ ಅತ್ಯುತ್ತಮವಾಗಿದೆ. ಆದರೆ ಮುಂಭಾಗದಲ್ಲಿರುವ ಕ್ಯಾಮರಾದಲ್ಲಿ ತುಸು ಭಿನ್ನತೆಯಿದೆ. ಎಚ್ ಟಿಸಿಯಲ್ಲಿ 1.3 ಎಂಪಿ ಕ್ಯಾಮರಾ, ಆಸಸ್ ನಲ್ಲಿ 1.2 ಎಂಪಿ ಕ್ಯಾಮರಾವಿದೆ. ವಿಡಿಯೋ ಚಾಟಿಂಗ್ ಗುಣಮಟ್ಟವೂ ಅನನ್ಯವಾಗಿದೆ.

* ಅಪರೇಟಿಂಗ್ ಸಿಸ್ಟಮ್: ಎಚ್ ಟಿಸಿ ಜಿಂಜರ್ ಬ್ರೀಡ್ ಮತ್ತು ಆಸಸ್ ಹನಿಕಾಂಬ್ ಅಪರೇಟಿಂಗ್ ಸಿಸ್ಟಮ್ ಗಳನ್ನು ಹೊಂದಿದೆ.

* ಉಳಿದಂತೆ ಇವೆರಡರಲ್ಲೂ ಬ್ಲೂಟೂಥ್, ವೈಫೈ, ಇತ್ಯಾದಿ ಫೀಚರುಗಳಿವೆ. ಇವೆರಡು 16 ಜಿಬು ಮೆಮೊರಿ ಸಂಗ್ರಹ ಸಾಮರ್ಥ್ಯ ಹೊಂದಿದ್ದು ಇದನ್ನು ಮೆಮೊರಿ ಕಾರ್ಡ್ ಮೂಲಕ 32 ಜಿಬಿವರೆಗೆ ವಿಸ್ತರಿಸಬಹುದಾಗಿದೆ.

* ದರದ ವಿಷ್ಯದಲ್ಲೂ ಇವೆರಡರ ನಡುವೆ ಕೊಂಚ ಭಿನ್ನತೆಯಿದೆ. ಆಸಸ್ ಇಇ ಪ್ಯಾಡ್ ದರ 28 ಸಾವಿರ ರು. ಮತ್ತು ಎಚ್ ಟಿಸಿ ಫೈಯರ್ ದರ ಸುಮಾರು 30 ಸಾವಿರ ರು. ಆಗಿದೆ.