ಯುವಕರಿಂದ ಹಿಡಿದು ಮುದುಕರವರೆಗೆ, ಮಕ್ಕಳಿಂದ ಮಹಿಳೆಯರವರೆಗೆ ಆಟವೆಂದರೆ ಎಲ್ಲರಿಗೂ ಇಷ್ಟ. ಅದರಲ್ಲೂ ಯುವತಲೆಮಾರಿಗೆ ಕಂಪ್ಯೂಟರ್ ಗೇಮ್ಸ್ ಅಂದ್ರೆ ವಿಶೇಷ ಆಕರ್ಷಣೆ. ಇದೀಗ ಕೇವಲ ಆಟಕ್ಕಾಗಿ ಒಂದು ಲ್ಯಾಪ್ ಟಾಪ್ ಮಾರುಕಟ್ಟೆಗೆ ಬರಲಿದೆ.

ಎಂಎಸ್ಐ ನೂತನ ಗೇಮಿಂಗ್ ಲ್ಯಾಪ್ ಟಾಪ್ ಹೊರತರುವುದಾಗಿ ಪ್ರಕಟಿಸಿದೆ. ಇದರ ಹೆಸರು MSI GT80DX 17.3. ಪರ್ಸನಲ್ ಕಂಪ್ಯೂಟರಿನಷ್ಟೇ ದೊಡ್ಡ ಪರದೆ ಹೊಂದಿರುವ ಈ ಗೇಮಿಂಗ್ ಲ್ಯಾಪ್ ಟಾಪ್ ಗ್ರಾಹಕರಿಗೆ ಇಷ್ಟವಾಗುವ ನಿರೀಕ್ಷೆ ಕಂಪನಿಗಿದೆ. ಆಕರ್ಷಕ ಗೇಮ್ ಗಳ ಖಜಾನೆಯೇ ಈ ಲ್ಯಾಪ್ ಟಾಪ್ ನಲ್ಲಿರಲಿದೆಯಂತೆ!

ವಿಶೇಷತೆ
* ಎಲ್ಇಡಿ ಹಿನ್ನೆಲೆ ಬೆಳಕಿರುವ ಫುಲ್ ಹೈಡೆಫಿನೆಷನ್ ಪರದೆ
* ಎನ್ ವಿಡಿಯ ಜಿಫೋರ್ಸ್ ಜಿಟಿಎಕ್ಸ್ 570 ಎಂ M ಗ್ರಾಪಿಕ್ಸ್ ಕಾರ್ಡ್
* 1.5 ಜಿಬಿಯ ಹೈಸ್ಪೀಡ್ ಮೆಮೊರಿ
* 3ಗಿಗಾಹರ್ಟ್ಸ್ ಇಂಟೆಲ್ ಕೊರ್ ಐ7-2630ಕ್ಯೂಎಂ ಪ್ರೊಸೆಸರ್
* ಡಿವಿಡಿ ವೃಟರಿನಿಂದ ಬ್ಲೂ ರೇ ರೀಡರ್ ವರೆಗೆ ಸೌಲಭ್ಯ
* ಆಕರ್ಷಕ ಆಡಿಯೋ ಸೌಂಡ್ ಅನುಭವ
* ವೈ-ಫೈ ಮತ್ತು ಬ್ಲೂಟೂಥ್ ಕನೆಕ್ಟಿವಿಟಿ, ಯುಎಸ್ ಬಿ

ಹೀಗೆ ಹತ್ತು ಹಲವು ಫೀಚರುಗಳ ಈ ಗೇಮ್ ಲ್ಯಾಪ್ ಟಾಪ್ ಗ್ರಾಹಕರಿಗೆ ಇಷ್ಟವಾಗುವುದರಲ್ಲಿ ಎರಡು ಮಾತಿಲ್ಲ. ಎಲ್ಲಾದರೂ ಇಷ್ಟವಾಗದ ವಿಷಯವಿದ್ದರೆ ಅದರ ದರ. ಯಾಕೆಂದರೆ ಇದು ಕೊಂಚ ದುಬಾರಿ ಎನಿಸಬಹುದು. ಇದರ ದರ ಸುಮಾರು 1,25,000 ರು. ಆಗಿದೆ. ಆಟ ಆಡುವುದಕ್ಕೆ ಇಷ್ಟು ಲಕ್ಷ ಖರ್ಚು ಮಾಡಬೇಕೆ?