ಹುರ್ರೆ ರಿಲಯೆನ್ಸ್ ಅಗ್ಗದ ಕಂಪ್ಯೂಟರ್ ಬರಲಿದೆಯಂತೆ!!

ರಿಲಯೆನ್ಸ್ ಎಲ್ಲರಿಗೂ ಚಿರಪರಿಚಿತ. ದೂರಸಂಪರ್ಕ, ಶಿಕ್ಷಣ, 3ಜಿ, ಪೆಟ್ರೋಲಿಯಂ ಕ್ಷೇತ್ರದಲ್ಲಿ ಇದು ಹೆಚ್ಚು ಜನಪ್ರಿಯ. ಅನಿಲ್ ಅಂಬಾನಿ ಗ್ರೂಪ್ ನ ರಿಲಯೆನ್ಸ್ ಕಮ್ಯೂನಿಕೇಷನ್ ಮೊಬೈಲ್ ದರಗಳನ್ನು ಕೈಟೆಕುವ ಮಟ್ಟಕ್ಕೆ ತಂದದ್ದು ಯಾರು ಮರೆಯುವಂತ್ತಿಲ್ಲ.

ಇದೀಗ ರಿಲಯೆನ್ಸ್ ಕಂಪ್ಯೂಟರ್ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಅಗ್ಗದ ಟ್ಯಾಬ್ಲೆಟ್ ಕಂಪ್ಯೂಟರ್ ಮೂಲಕ ಜನಮಾನಸದ ಹತ್ತಿರ ತಲುಪಲು ನಿರ್ಧರಿಸಿದೆ. ದೇಶಕ್ಕೆ ಅಗ್ಗದ ನೋಟ್ ಬುಕ್ ಕಂಪ್ಯೂಟರ್ ಹೊರತರಲು ರಿಲಯೆನ್ಸ್ ಕಂಪನಿಯು ಇಂಟೆಲ್ ಮತ್ತು ಆಸಸ್ ಕಂಪನಿಗಳೊಂದಿಗೆ ಮೈತ್ರಿ ಮಾಡಿಕೊಂಡಿದೆ.

ತಂತ್ರಜ್ಞಾನ ಮತ್ತು ಅನ್ವೇಷಣೆ ವಿಷಯದಲ್ಲಿ ಇಂಟೆಲ್ ಪುರಾತನ ಕಂಪನಿ. ಅಗ್ಗದ, ಕೈಗೆಟುಕವ ದರದಲ್ಲಿ ಲ್ಯಾಪ್ ಟಾಪ್ ಹೊರತರುವಲ್ಲಿ ಆಸಸ್ ಕಂಪನಿ ಮುಂದಿದೆ. ಇವೆರಡರ ಜೊತೆ ರಿಲಯೆನ್ಸ್ ಜೊತೆಸೇರಿರುವುದರಿಂದ ದೇಶದ ಗ್ರಾಹಕರಿಗೆ ಕಂಪ್ಯೂಟರ್ ಸುಗ್ಗಿ ಗ್ಯಾರಂಟಿ.

ಕಂಪನಿಯು ರಿಲಯೆನ್ಸ್ ಬ್ರಾಡ್ ಬ್ಯಾಂಡ್ ಸಂಪರ್ಕದೊಂದಿಗೆ ಅಗ್ಗದ ನೋಟ್ ಬುಕ್ ಹೊರತರಲಿದೆ. ಇಂಟೆಲ್ ಮತ್ತು ಆಸಸ್ ಜೊತೆಯಾಗಿ ಪ್ರಮುಖವಾಗಿ ಗ್ರಾಮೀಣ ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ನೋಟ್ ಬುಕ್ ಕಂಪ್ಯೂಟರ್ ಹೊರತರುವುದಾಗಿ ರಿಲಯೆನ್ಸ್ ಕಮ್ಯುನಿಕೇಷನ್ ಪ್ರಕಟಿಸಿದೆ. ಅದರ ನಿರೀಕ್ಷೆಯಲ್ಲಿ ನಾವಿರೋಣ.