ಆಕಾಶ್ ಉತ್ಪಾದಕನಿಂದ 2 ಯುಬಿಸ್ಲೇಟ್ ಟ್ಯಾಬ್ಲೆಟ್

ಕೆಟ್ಟ ಮೇಲೆ ಬುದ್ಧಿ ಬಂತು ಅನ್ನೋದು ಹಳೆ ಗಾದೆ. "ಸರ್ಕಾರದ ಸಹವಾಸ ಬಿಟ್ಟ ಮೇಲೆ ಬುದ್ಧಿ ಬಂತು" ಅನ್ನೋ ಹೊಸ ಗಾದೆ ಮಾಡಬಹುದೇನೋ, ಆಕಾಶ್ 2 ಟ್ಯಾಬ್ಲೆಟ್ ಬಗ್ಗೆ ವಿಚಾರ ಮಾಡಿದಾಗ.

ಆಕಾಶ್ 2 ಟ್ಯಾಬ್ಲೆಟ್ ಸಪ್ಲೈ ಮಾಡಬೇಕಾಗಿದ್ದ ಡೇಟಾವಿಂಡ್ಸರಕಾರದ ಜೊತೆ ಸಂಬಂಧ ಮುರಿದುಕೊಂಡ ಮೇಲೆಈಗ ತನ್ನದೇ ಆದ ಹೊಸ 2 ಹೊಸ ಮಿನಿ ಬಜೆಟ್ ಟ್ಯಾಬ್ಲೆಟ್ ಅನ್ನು ಮಾರುಕಟ್ಟೆಗೆ ತಂದಿದೆ.

ಯುಬಿಸ್ಲೇಟ್ 7C ಹಾಗು 7+ ಹೆಸರಿನ ಎರಡು ಟ್ಯಾಬ್ಲೆಟ್ ಗಳನ್ನು ಕ್ರಮವಾಗಿ3,499 ಹಾಗು 4,299 ರೂಪಾಯಿಗೆ ಹೊರತಂದಿದೆ.

ಎರಡೂ ಹೊಸ ಮಾದರಿಯ ಈ ಟ್ಯಾಬ್ಲೆಟ್ ಗಳ ಸ್ಪೆಸಿಫಿಕೇಶನ್ ಗಳು ಬಹುತೇಕ ಒಂದೇ ಆಗಿದೆ. ಎರಡಕ್ಕೂ 7 ಇಂಚ್ ಕೆಪಾಸಿಟಿವ್ ಟಚ್ ಸ್ಕ್ರೀನ್, 800 MHz ARM ಕಾರ್ಟೆಕ್ಸ್ A8 ಪ್ರೋಸೆಸರ್, ಆಂಡ್ರಾಯ್ಡ್ 2.3 ಜಿಂಜರ್ ಬ್ರೆಡ್ ತಂತ್ರಾಂಶ, ಮೈಕ್ರೋ USB ಸ್ಲಾಟ್, ವೈ-ಫೈ ಹಾಗು GSM ಸಪೋರ್ಟ್ ಹಾಗು 3 ಗಂಟೆ ಬ್ಯಾಕಪ್ ಇರುವ 3200 mAh ಬ್ಯಾಟರಿ ಇರಲಿದೆ. 7C ಮಾಡಲ್ ಗೆ 4GB ಆಂತರಿಕ ಮೆಮೊರಿ ಇದ್ದರೆ, 7+ ಮಾಡಲ್ ಗೆ 2GB ಮೆಮೊರಿ ಇರಲಿದೆ.

ಗ್ರಾಹಕರು ಯುಬಿಸ್ಲೇಟ್ 7+ ಅನ್ನು ಡೇಟಾವಿಂಡ್ ವೆಬ್ಸೈಟ್ ನಲ್ಲಿ ಬುಕ್ ಈಗಲೇ ಮಾಡಬಹುದಾಗಿದ್ದು, 7C ಮಾಡೆಲ್ ಮುಂದಿನ ತಿಂಗಳಿಂದ ಬೂಕಿಂಗ್ ಮಾಡಬಹುದು ಎಂದು ಕಂಪನಿಯ ಮೂಲಗಳು ತಿಳಿಸಿವೆ.