ಈ ತಿಂಗಳು ವಿಂಡೋಸ್ 8 ಆಧಾರಿತ ಟ್ಯಾಬ್ಲೆಟ್ ಗಳ ತಿಂಗಳು ಎನ್ನಿಸುತ್ತೆ. ಹಾಗಾಗಿ ಸುಮಾರು ಕಂಪನಿಗಳು ವಿಂಡೋಸ್ 8 ಟ್ಯಾಬ್ಲೆಟ್ ಗಳನ್ನು ಹೊರತರುತ್ತಿವೆ. ಈಗ ವಿಶ್ವದ ಎರಡನೆ ಅತಿ ದೊಡ್ಡ ಮದರ್ ಬೋರ್ಡ್ ಉತ್ಪಾದಕ AMD ತನ್ನ ವಿಂಡೋಸ್ 8 ಟ್ಯಾಬ್ಲೆಟ್ ಅನ್ನು ಹೊರತಂದಿದೆ.
ಈಗಾಗಲೇ ಅಸುಸ್, ಡೆಲ್, ಏಸರ್, ಲೆನೊವೋ ಹಾಗು MSI ಕಂಪನಿಗಳು ಅನಾವರಣಗೊಳಿಸಿದ್ದು, ಈಗ ಟ್ಯಾಬ್ಲೆಟ್ ಬಿಡುವ ಸರದಿ AMD ಯದಾಗಿದೆ.
ಸದ್ಯಕ್ಕೆ ಇರುವ ಮಾಹಿತಿಯ ಪ್ರಕಾರ ಈ ಟ್ಯಾಬ್ಲೆಟ್ 11.6 ಇಂಚ್ ಡಿಸ್ಪ್ಲೇ ಹೊಂದಿದ್ದು 1366 x 768 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿದೆ. ದಿಟಾಚ್ ಮಾಡಬಹುದಾದ ಕೀಬೋರ್ಡ್ ಡಾಕ್ ಕೂಡ ಇದೆ ಎನ್ನಲಾಗಿದೆ. ಪ್ರಮುಖವಾಗಿ AMD ಯದೇ ಆದ ಟ್ರಿನಿಟಿ A6 APU ಕೂಡ ಇರಲಿದೆಯಂತೆ.
ಕಂಪಾಲ್ ಎಂಬ ಕಂಪನಿಯ ಈ ಟ್ಯಾಬ್ಲೆಟ್ ಅನ್ನು ಡಿಸೈನ್ ಮಾಡಿದ್ದು, ವರ್ಷದ ಕೊನೆಗೆ ಬರಲಿದೆ ಎನ್ನಲಾಗಿದೆ. ಬಹುತೇಕ ಕಂಪನಿಗಳು 40-50 ಸಾವಿರ ರೂಪಾಯಿಗೆ ಬರಬಹುದು.
