ASUS: ಎರಡು ಹೊಸ ಲ್ಯಾಪ್‌ಟಾಪ್‌ ಬಿಡುಗಡೆ; ಅಚ್ಚರಿ ಫೀಚರ್ಸ್‌.. ಅಬ್ಬಬ್ಬಾ, ಇವುಗಳು ಬೆಲೆ ಬಲು ದುಬಾರಿ!

ಆಸುಸ್ (ASUS) ಕಂಪನಿ ತನ್ನ ಅಭಿಮಾನಿಗಳಿಗೆ ಡಬಲ್ ಸಿಹಿಸುದ್ದಿ ನೀಡಿದೆ. ಭಾರತದಲ್ಲಿ ಎರಡು ಹೊಸ ಎಐ (AI) ಚಾಲಿತ ಲ್ಯಾಪ್‌ಟಾಪ್‌ಗಳನ್ನು ಬಿಡುಗಡೆ ಮಾಡಿದೆ. ಹೌದು, ಕಂಪನಿಯು ಆಸುಸ್ ಝೆನ್‌ಬುಕ್ S16 (ASUS Zenbook S16) ಮತ್ತು ಆಸುಸ್ ವಿವೋಬುಕ್ 16 (ASUS Vivobook 16) ಲ್ಯಾಪ್‌ಟಾಪ್‌ಗಳನ್ನು ಅಧಿಕೃತವಾಗಿ ಲಾಂಚ್ ಮಾಡಿದೆ. ಪ್ರೀಮಿಯಂ ಝೆನ್‌ಬುಕ್ S16 ಸ್ಲಿಮ್ ಮೆಗ್ನೀಸಿಯಮ್ ಅಲ್ಯೂಮಿನಿಯಂ ಮಿಶ್ರಲೋಹದ ಬಾಡಿ ಮತ್ತು 3K OLED ಟಚ್‌ಸ್ಕ್ರೀನ್ ಹೊಂದಿದೆ. ಆದರೆ, ಎರಡೂ AMDಯ ಇತ್ತೀಚಿನ AI 7 350 ಪ್ರೊಸೆಸರ್‌ನೊಂದಿಗೆ ಬಿಡುಗಡೆಯಾಗಿವೆ. ಈ ಹೊಸ ಲ್ಯಾಪ್‌ಟಾಪ್‌ಗಳ ಬೆಲೆ, ಲಭ್ಯತೆ ಮತ್ತು ವಿಶೇಷತೆಗಳನ್ನು ತಿಳಿಯೋಣ ಬನ್ನಿ.

ಆಸುಸ್ ಝೆನ್‌ಬುಕ್ S16 ಮತ್ತು ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್‌ಗಳು 16 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್ ಡಿಸ್ಪ್ಲೇ ಹೊಂದಿವೆ. ಆಸುಸ್ ಝೆನ್‌ಬುಕ್ S16 ಲ್ಯಾಪ್ 78Wh ಲಿಥಿಯಂ ಪಾಲಿಮರ್ ಬ್ಯಾಟರಿ ಮತ್ತು 65W ಟೈಪ್ ಸಿ ಪವರ್ ಅಡಾಪ್ಟರ್ ಹೊಂದಿದೆ. ವಿವೋಬುಕ್ 16 ಲ್ಯಾಪ್‌ 42Wh ಬ್ಯಾಟರಿ ಮತ್ತು ಯುಎಸ್‌ಬಿ ಸಿ ಮೂಲಕ 65W ವೇಗದ ಚಾರ್ಜಿಂಗ್ ಬೆಂಬಲಿಸುತ್ತದೆ. ಮೊದಲೇ ಹೇಳಿದಂತೆ ಎರಡೂ ಸಹ AMD Ryzen AI 7 350 ಪ್ರೊಸೆಸರ್ ಹೊಂದಿವೆ. ಇವುಗಳ ಮಾರಾಟ ವಿವರಗಳನ್ನು ತಿಳಿಯಲು ಮುಂದೆ ಓದಿ.

ಆಸುಸ್ ಝೆನ್‌ಬುಕ್ S16 ಮತ್ತು ವಿವೋಬುಕ್ 16 ಬೆಲೆ

ನೂತನ ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್‌ 1,49,990 ರೂ.ನಿಂದ ಆರಂಭವಾಗುತ್ತದೆ. ವಿವೋಬುಕ್ 16 ಲ್ಯಾಪ್‌ಟಾಪ್‌ 75,990 ರೂ. ಬೆಲೆಯನ್ನು ಹೊಂದಿದೆ. ಈ ಎರಡೂ ಲ್ಯಾಪ್‌ಟಾಪ್‌ಗಳನ್ನು ಆಸುಸ್ (ASUS) ಇ-ಶಾಪ್, ಫ್ಲಿಪ್‌ಕಾರ್ಟ್, ಅಮೆಜಾನ್, ರಿಲಯನ್ಸ್ ಸ್ಟೋರ್‌ಗಳು ಮತ್ತು ಪಾಲುದಾರ ಮಳಿಗೆಗಳಿಂದ ಖರೀದಿಸಬಹುದು. ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ ಎರಡು ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದೆ. ನೀವು ಜುಮಿಯಾ ಗ್ರೇ (Zumiya Gray) ಮತ್ತು ಸ್ಕ್ಯಾಂಡಿನೇವಿಯನ್ ವೈಟ್ (Scandinavian White) ಬಣ್ಣಗಳಲ್ಲಿ ಕೊಳ್ಳಬಹುದು.

ಆಸುಸ್ ಝೆನ್‌ಬುಕ್ S16 ವೈಶಿಷ್ಟ್ಯಗಳು

ಆಸುಸ್ ಝೆನ್‌ಬುಕ್ S16 ಡಿಸ್‌ಪ್ಲೇ

ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್ 16.0 ಇಂಚಿನ 3K OLED ಟಚ್‌ಸ್ಕ್ರೀನ್ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 2880 x 1800 ರೆಸಲ್ಯೂಶನ್ ಬೆಂಬಲದೊಂದಿಗೆ ಬರುತ್ತದೆ. ಹಾಗೆಯೇ 16:10 ಆಕಾರ ಅನುಪಾತವನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 120Hz ರಿಫ್ರೆಶ್ ದರ, 0.2ms ಪ್ರತಿಕ್ರಿಯೆ ಸಮಯ ಮತ್ತು 400 ನಿಟ್ಸ್ ಗರಿಷ್ಠ ಬ್ರೈಟ್‌ನೆಸ್ (500 ನಿಟ್ಸ್ HDR ಪೀಕ್) ಬೆಂಬಲ ಹೊಂದಿದೆ. ಇದು 100 ಪ್ರತಿಶತ DCI-P3 ಬಣ್ಣದ ಗ್ಯಾಮಟ್ ಹೊಂದಿದೆ. VESA ಡಿಸ್ಪ್ಲೇ HDR ಟ್ರೂ ಬ್ಲಾಕ್ 500 ಪ್ರಮಾಣೀಕರಣ ಮತ್ತು TUV ರೈನ್‌ಲ್ಯಾಂಡ್ ಮತ್ತು SGS ಐ ಕೇರ್ ಪ್ರಮಾಣೀಕರಣದೊಂದಿಗೆ ಬರುತ್ತದೆ. ಇದು ಕಡಿಮೆ ನೀಲಿ ಬೆಳಕಿನಲ್ಲಿ ಸ್ಪಷ್ಟ, ಬಣ್ಣ ನಿಖರವಾದ ದೃಶ್ಯಗಳನ್ನು ನೀಡುತ್ತದೆ.

ಆಸುಸ್ ಝೆನ್‌ಬುಕ್ S16 ಪ್ರೊಸೆಸರ್ ಸಾಮರ್ಥ್ಯ

ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್ AMD ರೈಜೆನ್ AI 7 350 ಪ್ರೊಸೆಸರ್ ಹೊಂದಿದೆ. ಇದು 8 ಕೋರ್‌ಗಳು ಮತ್ತು 16 ಥ್ರೆಡ್‌ಗಳನ್ನು ಹೊಂದಿರುವ ಪ್ರೊಸೆಸರ್ ಆಗಿದೆ. ಇದಲ್ಲದೆ XNDA 2 NPU ಅನ್ನು ಒಳಗೊಂಡಿದೆ. ಇದು 50 TOPS ವರೆಗಿನ ಎಐ (AI) ಕಾರ್ಯಕ್ಷಮತೆಯನ್ನು ನೀಡುತ್ತದೆ. ಗ್ರಾಫಿಕ್ಸ್‌ಗಾಗಿ ಇದು, ಇಂಟಿಗ್ರೇಟೆಡ್ AMD ರೇಡಿಯನ್ 860M ಒಳಗೊಂಡಿದೆ. ಸುಗಮ ದೃಶ್ಯ ಔಟ್‌ಪುಟ್‌ ಒದಗಿಸುತ್ತದೆ.

ಆಸುಸ್ ಝೆನ್‌ಬುಕ್ S16 ಸ್ಟೋರೇಜ್

ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್ 24GB RAM ನೊಂದಿಗೆ ಬಿಡುಗಡೆಯಾಗಿದೆ. ಇದು 8000MHz ನಲ್ಲಿ ಕೆಲಸ ಮಾಡುತ್ತದೆ. ಇದರೊಂದಿಗೆ 1TB ಸ್ಟೋರೇಜ್ ಆಯ್ಕೆಯನ್ನು ಒಳಗೊಂಡಿದೆ. ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ ವೈರ್‌ಲೆಸ್ ಸಂಪರ್ಕವು ಟ್ರೈ ಬ್ಯಾಂಡ್ ವೈ-ಫೈ 7 (802.11be) ಮತ್ತು ಬ್ಲೂಟೂತ್ 5.4 ಅನ್ನು ಒಳಗೊಂಡಿದೆ.

ಆಸುಸ್ ಝೆನ್‌ಬುಕ್ S16 ಬ್ಯಾಟರಿ

ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್ 78Wh ಲಿಥಿಯಂ ಪಾಲಿಮರ್ ಬ್ಯಾಟರಿಯನ್ನು ಹೊಂದಿದೆ. ಈ ಬ್ಯಾಟರಿಯನ್ನು ಚಾರ್ಜ್ ಮಾಡಲು, 65W ಟೈಪ್ ಸಿ ಪವರ್ ಅಡಾಪ್ಟರ್ ಒದಗಿಸಲಾಗಿದೆ. ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ಟಾಪ್ ಸ್ಲಿಮ್ ಮತ್ತು ಹಗುರವಾದ ಚಾಸಿಸ್ ಹೊಂದಿದೆ. ಇದರ ಅಳತೆ 35.36 x 24.30 x 1.19-1.29 ಸೆಂ.ಮೀ ಮತ್ತು ತೂಕ 1.50 ಕೆಜಿ ಇದೆ.

ಆಸುಸ್ ಝೆನ್‌ಬುಕ್ S16 ಲ್ಯಾಪ್‌ ಪೋರ್ಟ್ ಆಯ್ಕೆಗಳಲ್ಲಿ ಡಿಸ್ಪ್ಲೇ ಮತ್ತು ಚಾರ್ಜಿಂಗ್ ಬೆಂಬಲದೊಂದಿಗೆ ಎರಡು USB 4.0 ಜನರೇಷನ್ 3 ಟೈಪ್ ಸಿ ಪೋರ್ಟ್‌ ಹೊಂದಿದೆ. ಹಾಗೆಯೇ ಒಂದು USB 3.2 ಜನರೇಷನ್ 2 ಟೈಪ್-ಎ, ಒಂದು HDMI 2.1 (TMDS), 3.5mm ಕಾಂಬೊ ಆಡಿಯೊ ಜ್ಯಾಕ್ ಮತ್ತು SD 4.0 ಕಾರ್ಡ್ ರೀಡರ್ ಲಭ್ಯವಿದೆ. ಈ ಲ್ಯಾಪ್‌ಟಾಪ್ ಡಾಲ್ಬಿ ಅಟ್ಮಾಸ್‌ ಹೊಂದಿದೆ. ಇದರೊಂದಿಗೆ ಆರು ಬಿಲ್ಟ್ ಇನ್ ಸ್ಪೀಕರ್‌ಗಳು, ಮೂರು ಬಿಲ್ಟ್ ಇನ್ ಮೈಕ್ರೊಫೋನ್‌ಗಳು, FHD IR ಕ್ಯಾಮೆರಾ, ASUS ErgoSense ಟಚ್‌ಪ್ಯಾಡ್ ಮತ್ತು ಇನ್ನಿತರೆ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್‌ನ ವೈಶಿಷ್ಟ್ಯಗಳು

ಆಸುಸ್ ವಿವೋಬುಕ್ 16 ಡಿಸ್ಪ್ಲೇ

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್ 16 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್ ಐಪಿಎಸ್ ಡಿಸ್ಪ್ಲೇಯನ್ನು ಹೊಂದಿದೆ. ಇದು 1920 x 1200 ರೆಸಲ್ಯೂಶನ್ ಬೆಂಬಲದೊಂದಿಗೆ ಬರುತ್ತದೆ. ಇದು 16:10 ಆಕಾರ ಅನುಪಾತವನ್ನು ಹೊಂದಿದೆ. ಈ ಡಿಸ್ಪ್ಲೇಯು 60Hz ರಿಫ್ರೆಶ್ ದರ, 300 ನಿಟ್ಸ್ ಗರಿಷ್ಠ ಬ್ರೈಟ್‌ನೆಸ್ ಮತ್ತು 45 ಪ್ರತಿಶತ NTSC ಬಣ್ಣದ ಗ್ಯಾಮಟ್ ಅನ್ನು ಬೆಂಬಲಿಸುತ್ತದೆ.

ಆಸುಸ್ ವಿವೋಬುಕ್ 16 ಪ್ರೊಸೆಸರ್

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್ AMD Ryzen AI 7 350 ಪ್ರೊಸೆಸರ್ ಅನ್ನು ಹೊಂದಿದೆ. ಇದು 8 ಕೋರ್‌ಗಳು, 16 ಥ್ರೆಡ್‌ಗಳು ಮತ್ತು 5.0GHz ವರೆಗಿನ ಗಡಿಯಾರದ ವೇಗವನ್ನು ಹೊಂದಿರುವ ಚಿಪ್‌ಸೆಟ್ ಆಗಿದೆ. ಈ ಲ್ಯಾಪ್ AMD XDNA 2 NPU ಅನ್ನು ಒಳಗೊಂಡಿದೆ. ಇದು 50 TOPS ವರೆಗಿನ ಎಐ (AI) ಸಂಸ್ಕರಣಾ ಶಕ್ತಿಯನ್ನು ನೀಡುತ್ತದೆ. ಗ್ರಾಫಿಕ್ಸ್‌ಗಾಗಿ ಇದು, ಸಂಯೋಜಿತ AMD ರೇಡಿಯನ್ 860M ಹೊಂದಿದೆ. ಇದು ದೈನಂದಿನ ದೃಶ್ಯ ಮತ್ತು ಮಾಧ್ಯಮ ಕಾರ್ಯಗಳನ್ನು ಸುಲಭವಾಗಿ ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ.

ಆಸುಸ್ ವಿವೋಬುಕ್ 16 ಸ್ಟೋರೇಜ್

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್ 16GB RAM ನೊಂದಿಗೆ ಬರುತ್ತದೆ. ಇದು 5600MHz ನಲ್ಲಿ ಕಾರ್ಯ ನಿರ್ವಹಿಸುತ್ತದೆ. ಇದಲ್ಲದೆ, ವಿಷಯದ ನವೀಕರಣಗಳಿಗಾಗಿ SO-DIMM ಸ್ಲಾಟ್‌ನೊಂದಿಗೆ ಬರುತ್ತದೆ. ನೀವು ಈ ಲ್ಯಾಪ್‌ಟಾಪ್‌ನಲ್ಲಿ 512GB ಸ್ಟೋರೇಜ್ ಆಯ್ಕೆ ಪಡೆಯಬಹುದು.

ಆಸುಸ್ ವಿವೋಬುಕ್ 16 ಬ್ಯಾಟರಿ

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್ 42Wh ಬ್ಯಾಟರಿಯನ್ನು ಹೊಂದಿದೆ. ಈ ಬ್ಯಾಟರಿಯನ್ನು ಚಾರ್ಜ್ ಮಾಡಲು, 65W ವೇಗದ ಚಾರ್ಜಿಂಗ್ ಸೌಲಭ್ಯ ನೀಡಲಾಗಿದೆ. ಇದು ಯುಎಸ್‌ಬಿ ಸಿ ಜೊತೆಗೆ ಬರುತ್ತದೆ. ಈ ಲ್ಯಾಪ್‌ಟಾಪ್ 35.70 x 25.06 x 1.79-1.99 ಸೆಂ.ಮೀ ಅಳತೆ ಮತ್ತು ಸುಮಾರು 1.88 ಕೆಜಿ ತೂಕ ಹೊಂದಿದೆ. ಇದು ಪೋರ್ಟಬಿಲಿಟಿ ಮತ್ತು ಸ್ಕ್ರೀನ್ ರಿಯಲ್ ಎಸ್ಟೇಟ್‌ನ ಸಮತೋಲನವನ್ನು ನೀಡುತ್ತದೆ.

ಇತರೆ ವೈಶಿಷ್ಟ್ಯಗಳು

ಆಸುಸ್ ವಿವೋಬುಕ್ 16 ಲ್ಯಾಪ್‌ಟಾಪ್ ವೈ-ಫೈ 6 ಮತ್ತು ಬ್ಲೂಟೂತ್ 5.3 ಮೂಲಕ ವೈರ್‌ಲೆಸ್ ಸಂಪರ್ಕವನ್ನು ಹೊಂದಿದೆ. ಈ ಪೋರ್ಟ್‌ಗಳಲ್ಲಿ ಎರಡು ಯುಎಸ್‌ಬಿ 3.2 ಜನರೇಷನ್ 1 ಟೈಪ್ ಎ ಪೋರ್ಟ್‌ಗಳಿವೆ. ಹಾಗೆಯೇ ಎರಡು ಯುಎಸ್‌ಬಿ 3.2 ಜನರೇಷನ್ 1 ಟೈಪ್ ಸಿ ಪೋರ್ಟ್‌ಗಳು (ಡಿಸ್ಪ್ಲೇ ಮತ್ತು ಪವರ್ ಡೆಲಿವರಿ ಬೆಂಬಲದೊಂದಿಗೆ), ಒಂದು HDMI 2.1 (TMDS) ಪೋರ್ಟ್ ಮತ್ತು 3.5mm ಕಾಂಬೊ ಆಡಿಯೊ ಜ್ಯಾಕ್ ಲಭ್ಯವಿದೆ.