ಕೊಬಿ ಹೊರತರಲಿದೆ ಆಂಡ್ರಾಯ್ಡ್ ಐಸಿಎಸ್ ಟ್ಯಾಬ್ಲೆಟ್

By Super

Updated: Wednesday, March 27, 2013, 13:23 [IST]

ಕೊಬಿ ಹೊರತರಲಿದೆ ಆಂಡ್ರಾಯ್ಡ್ ಐಸಿಎಸ್ ಟ್ಯಾಬ್ಲೆಟ್

ಗೂಗಲ್ ಕಂಪನಿಯ ಆಂಡ್ರಾಯ್ಡ್ ವಿ 4.0 ಐಸ್ ಕ್ರೀಮ್ ಸ್ಯಾಂಡ್ ವಿಚ್ ಅಂದರೆ ಬಹುಚರ್ಚಿತ ಜನಪ್ರಿಯ ಆಂಡ್ರಾಯ್ಡ್ ಆವೃತ್ತಿ. ಐಸ್ ಕ್ರೀಮ್ ಸ್ಯಾಂಡ್ ವಿಚ್ ಆವೃತ್ತಿಯು ಶಕ್ತಿಶಾಲಿ ಸಂವಹನ, ಷೇರಿಂಗ್ ಆಯ್ಕೆಗಳು, ಸುಲಭ ಮಲ್ಟಿ ಟಾಸ್ಕಿಂಗ್ ಮತ್ತು ಗ್ರಾಹಕ ಸ್ನೇಹಿ ಫೀಚರುಗಳೊಂದಿಗೆ ಬಂದಿದೆ.

ಕೊಬಿ ಎಲೆಕ್ಟ್ರಾನಿಕ್ಸ್ ಕಾರ್ಪೊರೇಷನ್ ವಿನೂತನ ಟ್ಯಾಬ್ಲೆಟುಗಳನ್ನು ಮುಂದಿನ ವರ್ಷದ ಆರಂಭದಲ್ಲಿ ಹೊರತರಲಿದೆಯಂತೆ. ವಿಶೇಷವೆಂದರೆ ಈ ಟ್ಯಾಬ್ಲೆಟುಗಳು ಆಂಡ್ರಾಯ್ಡ್ ಐಸ್ ಕ್ರೀಮ್ ಸ್ಯಾಂಡ್ ವಿಚ್ ಸಿಸ್ಟಮ್ ಹೊಂದಿರಲಿದೆಯಂತೆ. ಕೊಬಿ ಆಂಡ್ರಾಯ್ಡ್ ಐಸಿಎಸ್ ಟ್ಯಾಬ್ಲೆಟುಗಳು 7, 8, 9, 9.7 ಮತ್ತು 10 ಇಂಚಿನ ಗಾತ್ರದಲ್ಲಿ ಮಾರುಕಟ್ಟೆಗೆ ಆಗಮಿಸಲಿದೆ.

ಈ ಎಲ್ಲಾ ಟ್ಯಾಬ್ಲೆಟುಗಳು ಎಆರ್ಎಂ ಕೊರ್ಟೆಕ್ದ್ ಎ8 ಸಿಪಿಯು ಪ್ರೊಸೆಸರ್ ಹೊಂದಿರಲಿದ್ದು, 1 ಗಿಗಾ ಹರ್ಟ್ಸ್ ವೇಗದಲ್ಲಿ ಆಕ್ಸೆಸ್ ಮಾಡಬಹುದಾಗಿದೆ. ಈ ಎಲ್ಲಾ ಟ್ಯಾಬ್ಲೆಟುಗಳು ಸ್ಪೋರ್ಟಿ ಮಲ್ಟಿ ಟಚ್ ಸ್ಕ್ರೀನ್ ಹೊಂದಿರಲಿವೆ. ಜೊತೆಗೆ ಎಲ್ಲಾ ಟ್ಯಾಬ್ಲೆಟುಗಳು 1 ಜಿಬಿ RAM ಹೊಂದಿರಲಿವೆ. ದರ ಮಾಹಿತಿ ಇನ್ನೂ ಬಹಿರಂಗಗೊಂಡಿಲ್ಲ.

ಟೆಕ್ ಮಾಹಿತಿ

* ಆಂಡ್ರಾಯ್ಡ್ ವಿ4.0 ಐಸ್ ಕ್ರೀಮ್ ಸ್ಯಾಂಡ್ ವಿಚ್ ಅಪರೇಟಿಂಗ್ ಸಿಸ್ಟಮ್

* ಮಲ್ಟಿ ಟಚ್ ಸಾಮರ್ಥ್ಯದ ಡಿಸ್ ಪ್ಲೇ ಸ್ಕ್ರೀನ್

* ಒಂದು ಗಿಗಾಹರ್ಟ್ಸ್ ಎಆರ್ಎಂ ಕೊರ್ಟೆಕ್ಸ್ ಎ8 ಪ್ರೊಸೆಸರ್

* ಒಂದು ಜಿಬಿ RAM

* 32 ಜಿಬಿವರೆಗೆ ಮೆಮೊರಿ ಸಂಗ್ರಹ ಸಾಮರ್ಥ್ಯ ವಿಸ್ತರಿಸಬಹುದು.

* ಸಣ್ಣ ಮತ್ತು ಸ್ಟೈಲಿಷ್ ವಿನ್ಯಾಸ

* 802.11 b/g/n ವೇಗದ ವೈಫೈ

* ಹಲವು ಡಿಸ್ ಪ್ಲೇ ಗಾತ್ರದಲ್ಲಿ ಆಯ್ಕೆಮಾಡಿಕೊಳ್ಳಬಹುದು