ಕಾಂಪ್ಯಾಕ್ ಕಂಪ್ಯೂಟರ್ ತಂದಿದೆ ಚಂದದ ಲ್ಯಾಪ್ ಟಾಪ್

By Super

Updated: Wednesday, March 27, 2013, 13:24 [IST]

ಕಾಂಪ್ಯಾಕ್ ಕಂಪ್ಯೂಟರ್ ತಂದಿದೆ ಚಂದದ ಲ್ಯಾಪ್ ಟಾಪ್

ಜಾಗತಿಕ ಕಂಪ್ಯೂಟರ್ ಮಾರುಕಟ್ಟೆಯಲ್ಲಿ ಕಾಂಪ್ಯಾಕ್ ಕಂಪ್ಯೂಟರ್ಸ್ ಜನಪ್ರಿಯ ಹೆಸರು. ಈ ಕಂಪನಿಯು ಕಂಪ್ಯೂಟರ್, ಲ್ಯಾಪ್ ಟಾಪ್ ಮತ್ತು ಕಂಪ್ಯೂಟರ್ ಆಕ್ಸೆಸರಿ ಇತ್ಯಾದಿ ಉತ್ಪನ್ನಗಳನ್ನು ಹೊರತರುತ್ತಿದೆ. ಇದೀಗ ಕಂಪನಿಯು ಕಾಂಪ್ಯಾಕ್ ಪ್ರಿಸರಿಯೊ ಸಿಕ್ಯೂ57-319ಡಬ್ಲ್ಯುಎಂ ಎಂಬ ಲ್ಯಾಪ್ ಟಾಪ್ ಹೊರತಂದಿದೆ.

ಎಂಟ್ರಿ ಲೆವೆಲ್ ಲ್ಯಾಪ್ ಟಾಪ್ ಖರೀದಿಸುವ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು Compaq Presario CQ57-319WM ಮಾರುಕಟ್ಟೆಗೆ ತರಲಾಗಿದೆ. ಕೈಗೆಟುಕುವ ದರದಲ್ಲಿ ಬಂದ ಈ ಸುಂದರ ಲ್ಯಾಪ್ ಟಾಪ್ ನಲ್ಲಿ ಸಾಕಷ್ಟು ಫೀಚರುಗಳಿವೆ. ಇದರ ವಿನ್ಯಾಸವೂ ಸೂಪರ್.

ನೂತನ ಲ್ಯಾಪ್ ಟಾಪ್ 15.6 ಇಂಚಿನ ಡಿಸ್ ಪ್ಲೇ ಹೊಂದಿದೆ. ಎಲ್ ಇಡಿ ಬ್ಯಾಕ್ ಲಿಟ್ ಮಾದರಿಯ ಇದರ ವಿನ್ಯಾಸ ಹೈಡೆಫಿನೆಷನ್ ಬ್ರೈಟ್ ನೆಸ್ ಹೊಂದಿದೆ. ಇದರ ಬೃಹತ್ ಪರದೆಯು ನಿಮಗೆ ಹೋಮ್ ಥಿಯೇಟರ್ ಅನುಭವ ನೀಡಲಿದೆ. ಅಂದರೆ ನೀವು ಇದರ ಬೃಹತ್ ಪರದೆಯಲ್ಲಿ ಸಿನಿಮಾ ನೋಡುವುದು ಹೆಚ್ಚು ಅನನ್ಯ ಅನುಭವವಾಗಲಿದೆ.

Compaq Presario CQ57-319WM ಲ್ಯಾಪ್ ಟಾಪ್ ಎಎಂಡಿ ಡ್ಯೂಯಲ್ ಕೋರ್ ಸಿ50 ಪ್ರೊಸೆಸರ್ ಹೊಂದಿದೆ. ಇದು ಒಂದು ಎಂಬಿ ಕಾಚ್ ಮೆಮೊರಿ ಮತ್ತು 2 ಜಿಬಿಯ ಡಿಡಿಆರ್3 RAM ಹೊಂದಿದೆ. ಈ ಲ್ಯಾಪ್ ಟಾಪ್ ನ ಒಟ್ಟು ಸಂಗ್ರಹ ಸಾಮರ್ಥ್ಯ 250ಜಿಬಿಯಾಗಿದೆ.

ಈ ಲ್ಯಾಪ್ ಟಾಪ್ ನಲ್ಲಿ ಸಾಕಷ್ಟು ಕನೆಕ್ಷನ್ ಪೋರ್ಟ್ಸ್ ಗಳಿವೆ. ಯುಎಸ್ ಬಿ 2.0 ಆವೃತ್ತಿಯ 3 ಯುಎಸ್ ಬಿ ಪೋರ್ಟ್, ಒಂದು ಎಥರ್ನೆಟ್ ಮತ್ತು ವಿಜಿಎ ಪೋರ್ಟ್ ನೀಡಲಾಗಿದೆ. ಹೀಗೆ ಹತ್ತು ಹಲವು ಫೀಚರುಗಳ ಕಾಂಪ್ಯಾಕ್ ಪ್ರಿಸರಿಯೊ ಲ್ಯಾಪ್ ಟಾಪ್ ದರ ಸುಮಾರು 15 ಸಾವಿರ ರು.ನಿಂದ 20 ಸಾವಿರ ರು.ವರೆಗಿದೆ.